ជារឿងមួយគួរឲ្យចាប់អារម្មណ៍ អំពីការលើកឡើងរបស់ វេជ្ជបណ្ឌិត Andrew Kramer ដែលជាសាស្ដ្រាចារ្យ ផ្នែកប្រព័ន្ធតម្រងនោម នៅសាកលវិទ្យាល័យ Maryland បកស្រាយបង្ហាញពីភាពអវិជ្ជមានរបស់បុរសៗ ដែលតែងតែ ចូលចិត្ដទៅសូណាជាប្រចាំ។ លោកបានលើកឡើងថា បុរសៗដែលចូលចិត្ដធ្វើសូណាជាប្រចាំអាចប្រឈមនឹងបញ្ហាធ្លាក់ចុះបរិមាណមេជីវិតឈ្មោល។
ការសិក្សាថ្មីអំពី ការធ្លាក់ចុះបរិមាណមេជីវិតឈ្មាលនេះ បានធ្វើការពិសោធន៍ចំពោះបុរស ចំនួន ១០នាក់ រយៈពេល ៣ខែ ដែលតែងតែធ្វើសូណាជាប្រជាចាំ ២ដងក្នុងមួយសប្ដាហ៍ ហើយលទ្ធផលក៏បានបង្ហាញថា ពិតជាខ្សោយមេជិវិតឈ្មោលមែន។ លោក ក៏បានបន្ដធ្វើការពិសោធន៍ទៀត ដោយបញ្ឈប់ទម្លាប់ចូលសូណារបស់ពួកគេទាំង១០នាក់នោះ ក្នុងរយៈពេល៣ខែបន្ទាប់ លទ្ធផលក៏បានបង្ហាញថា សុខភាពមេជីវិតឈ្មោលពួកគេ អាចកកើតឡើងវិញធម្មតា។
លោកបានលើកឡើងថា ក្នុងស្ថានភាពសីតុណ្ហភាពក្ដៅ គឺអាចប៉ះពាល់ទៅដល់ការបង្កកំណើតមេជីវិតឈ្មោល។ ជាក់ស្ដែងណាស់ ពងស្វាសមានតួនាទីសំខាន់ក្នុងការផលិតមេជីវិតឈ្មោល គឺនៅផ្នែកខាងក្រោមនៃរាងកាយ មិនអាចរក្សាបានសីតុណ្ហភាព ដូចនៅក្នុងរាងកាយនោះទេ។ វាអាចប្រឈមនឹងចំហាយក្ដៅពីបន្ទប់សូណាដោយផ្ទាល់ដែលអាចន្លោះពី ១៥ ទៅ ២០នាទី នេះគឺជាគ្រោះថ្នាក់។ កម្ដៅក្នុងបន្ទប់សូណាអាចប៉ះពាល់ទៅដល់ដំណើរការបញ្ជូន DNA ចូលទៅក្នុងកោសិកាមេជីវិតឈ្មោល ហើយក៏ត្រូវប៉ះពាល់ដល់សរីរាង្គ មីតូកុងឌ្រី (Mitochondria) ដែលជាសរីរាង្គជួយបង្កើតថាមពលដល់កោសិការ។ ទាំងនេះជាមូលហេតុដែល មេជីវិតឈ្មោលត្រូវធ្លាក់ចុះ។
កម្មវិធីពិនិត្យបញ្ហាលិង្គមិនឡើងរឹងអនឡាញ កម្មវិធីពិនិត្យបញ្ហាឆាប់ចេញទឹកកាមអនឡាញ នៅមិនទាន់មានការបង្ហាញពី វិធីសាស្ដ្រព្យាបាល ចំពោះករណីនេះបានឡើយ ក្រៅតែពីការផ្អាក ធ្វើសូណាជាប្រចាំ តែប៉ុណ្ណោះ។ ដូច្នេះសូមរំលឹកឡើងវិញថា ការរងឥទ្ធិពលកំដៅពិតជាអាចប៉ះពាល់ ដល់ការបង្កកំណើតមេជីវិតឈ្មោល។ ជាការលើកឡើងបន្ថែម ដូចគ្នានឹងករណីនេះ ចំពោះបុរសៗ ដែលប្រើប្រាស់ ជិវិតប្រចាំថ្ងៃ ជាមួយនឹងការស្លៀកពាក់រឹបពេក ការងូតទឹកក្នុងអាងទឹកក្ដៅ ការប្រើប្រាស់កុំព្យូទ័រដោយដាក់លើភ្លៅ ការប្រើប្រាស់ទូរសព្ទ ដាក់ក្នុងហោប៉ៅខោ ក៏មានផលប៉ះពាល់ទៅដល់មេជីវិតឈ្មោលដែរ។
![សូណា](https://cdn.hellokrupet.com/wp-content/uploads/2022/03/សូណា.jpg)
ទន្ទឹមគ្នានោះដែរ ផ្អែកលើឥទ្ធិពលកម្ដៅដែលបណ្ដាលឲ្យប៉ះពាល់ដល់មេជីវិតឈ្មោល សាស្ត្រាចារ្យវេជ្ជបណ្ឌិត គាន់ អូន ក៏បានលើកឡើងថា ការស្លៀកខោតឹងៗ អាចបណ្ដាលឲ្យសីតុណ្ហភាពត្រង់បរិវេណពងស្វាសកើនកម្ដៅ ហប់ ស្អុះស្អាប់ រហូតដល់រលាកក៏មាន ដែលនោះជាមូលហេតុចម្បងក្នុងការបំផ្លាញមេជីវិតឈ្មោល។ ជាទូទៅពងស្វាសគួរតែស្ថិតក្នុងសីតុណ្ហភាពទាបជាងកម្ដៅរាងកាយ ទើបអាចផលិតមេជីវិតឈ្មោលបានទាំងបរិមាណ និងគុណភាព។
ចំណុចសំខាន់
ការធ្វើសូណា ញឹកញាប់ពិតជាអាចផ្ដល់អត្ថប្រយោជន៍ច្រើន ចំពោះសុខភាពមែន ប៉ុន្ដែក៏មានផលប៉ះពាល់មួយដែលមិនអាចនឹកស្មានដល់ គឺប្រឈមនឹងការថយចុះមេជីវិតឈ្មោល ដែលជាកត្ដាគួឲ្យព្រួយបារម្មណ៍សម្រាប់បុរសៗ។