បើមិនចង់គាំងបេះដូងពេលហាត់ប្រាណទេនោះ គួរជៀសវាងកំហុសឆ្គងទាំងនេះ

ការហាត់ប្រាណ អាចជួយឲ្យគ្នាយើងមានសុខភាពល្អ និងមានរាងកាយសមសួន ប៉ុន្តែយើងក៏ត្រូវដឹងពីហានិភ័យមួយចំនួនដែលអាចកើតមានឡើងនៅអំឡុងពេលហាត់ប្រាណដូចគ្នា តួយ៉ាងដូចជាអាការៈគាំងបេះដូង។ ជាក់ស្តែង មានករណីស្លាប់ជាច្រើនដោយសារតែបញ្ហាគាំងបេះដូងអំឡុងពេលហាត់ប្រាណ ដូច្នេះ តើកត្តាអ្វីខ្លះដែលជាដើមចងប៉ះពាល់ដល់សុខភាពបេះដូង?

១. មិនកម្តៅសាច់ដុំ

ពិតណាស់ ការមិនកម្តៅសាច់ដុំ នៅមុនពេលធ្វើលំហាត់ប្រាណ អាចបង្កជាផលវិបាកសុខភាពធ្ងន់ធ្ងរ ហើយយើងក៏មិនត្រូវចាប់ផ្តើមលើកទម្ងន់ភ្លាមៗដែរ នៅពេលទៅដល់ក្លឹបហាត់ប្រាណភ្លាម។ ប្រសិនបើយើងកម្តៅសាច់ដុំបានល្អ នៅមុនពេលហាត់ប្រាណ នោះនឹងអាចជួយបង្កើនចង្វាក់បេះដូង និងលំហូរឈាមទៅកាន់សាច់ដុំ។ ផ្ទុយទៅវិញ បើយើងមិនកម្តៅសាច់ដុំទេនោះ យើងអាចប្រឈមនឹងហានិភ័យនៃការរងរបួស ក៏ដូចជាអាការៈគាំងបេះដូង។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

២. បញ្ចប់ដោយការហាត់ប្រាណងាយៗរយៈពេលខ្លី

ប្រសិនបើយើងមិនធ្វើលំហាត់ប្រាណងាយៗរយៈពេលខ្លី ក្រោយបញ្ចប់វគ្គហាត់ប្រាណនីមួយៗទេនោះ វានឹងអាចបង្កផលប៉ះពាល់ធ្ងន់ធ្ងរដល់រាងកាយ។ ពិតណាស់ ការធ្វើលំហាត់ប្រាណងាយៗ អាចជួយឲ្យចង្វាក់បេះដូង និងសម្ពាធឈាមថយចុះ ស្របពេលដែលការរំលងទម្លាប់មួយនេះ អាចបង្កើនហានិភ័យនៃការកើតកំណកឈាម និងបណ្តាលឲ្យមានបញ្ហាគាំងបេះដូង។

៣. មិនញ៉ាំទឹកគ្រប់គ្រាន់

កង្វះជាតិទឹកក្នុងរាងកាយ អាចនាំឲ្យយើងប្រឈមនឹងបញ្ហាខ្សោះជាតិទឹកធ្ងន់ធ្ងរ ដែលអាចបណ្តាលឲ្យបេះដូងធ្វើការកាន់តែខ្លាំងក្លាជាងមុន និងបង្កើនហានិភ័យនៃការគាំងបេះដូង។ ដូច្នេះហើយ គ្នាយើងគួរញ៉ាំទឹកឲ្យបានគ្រប់គ្រាន់ នៅមុនពេល អំឡុងពេល និងក្រោយពេលធ្វើលំហាត់ប្រាណរួច។

គាំងបេះដូង

៤. ហាត់ប្រាណភ្លាមៗក្រោយញ៉ាំអាហារ

ការហាត់ប្រាណភ្លាមៗ ក្រោយញ៉ាំអាហាររួច អាចបណ្តាលឲ្យយើងប្រឈមនឹងការគាំងបេះដូងខ្ពស់។ យោងតាមក្រុមអ្នកជំនាញបានឲ្យដឹងថា ការហាត់ប្រាណលឿនពេក ក្រោយញ៉ាំអាហារ អាចបង្វែរលំហូរឈាមចេញពីក្រពះទៅកាន់សាច់ដុំរបស់យើង ដែលបង្កជាបញ្ហាពិបាករំលាយអាហារ និងបញ្ហាប្រព័ន្ធរំលាយអាហារផ្សេងទៀត។ បន្ថែមពីនេះ ទម្លាប់ខុសឆ្គងមួយនេះ ក៏អាចបង្កើនហានិភ័យនៃអាការៈគាំងបេះដូងផងដែរ។

៥. ព្រងើយកន្តើយនឹងសញ្ញាព្រមាន

ប្រសិនបើយើងមានអាការៈឈឺទ្រូង ដកដង្ហើមខ្លីៗ ធីងធោង វិលមុខ ឬបែកញើសច្រើនជ្រុល អំឡុងពេលធ្វើលំហាត់ប្រាណ យើងចាំបាច់ត្រូវបញ្ឈប់ការធ្វើលំហាត់ប្រាណភ្លាមៗ និងស្វែងរកជំនួយផ្នែកវេជ្ជសាស្ត្រ ទើបជាការប្រសើរ ពីព្រោះសញ្ញា និងរោគសញ្ញាទាំងនេះ បង្ហាញថា បេះដូងយើងស្ថិតក្រោមស្ត្រេស និងអាចមានហានិភ័យនៃអាការៈគាំងបេះដូង។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នូ សោភ័ណ្ឌ · កែ 20/09/2023

បើមិនចង់គាំងបេះដូងពេលហាត់ប្រាណទេនោះ គួរជៀសវាងកំហុសឆ្គងទាំងនេះ

១. មិន​កម្តៅ​សាច់​ដុំ

២. បញ្ចប់​ដោយ​ការ​ហាត់ប្រាណ​ងាយ​ៗ​រយៈពេល​ខ្លី

៣. មិន​ញ៉ាំ​ទឹក​គ្រប់គ្រាន់

៤. ហាត់​ប្រាណ​ភ្លាម​ៗ​ក្រោយ​ញ៉ាំ​អាហារ

៥. ព្រងើយ​កន្តើយ​​នឹង​សញ្ញា​ព្រមាន

១. មិនកម្តៅសាច់ដុំ

២. បញ្ចប់ដោយការហាត់ប្រាណងាយៗរយៈពេលខ្លី

៣. មិនញ៉ាំទឹកគ្រប់គ្រាន់

៤. ហាត់ប្រាណភ្លាមៗក្រោយញ៉ាំអាហារ

៥. ព្រងើយកន្តើយនឹងសញ្ញាព្រមាន