បញ្ហាប្រព័ន្ធទឹកនោមផ្សេងទៀត

វិធីសាស្រ្តមួយចំនួន ជួយការពារបញ្ហាខ្សោយក្រពេញលើតម្រងនោម

ការខ្សោយក្រពេញលើតម្រងនោមធ្វើឱ្យយើងអស់កម្លាំងខ្លាំង និងមានបញ្ហាសុខភាពជាច្រើន។ ក្រពេញលើតម្រងនោមមានតួនាទីផលិតអ័រម៉ូនជួយគ្រប់គ្រងកម្រិតថាមពលក្នុងរាងកាយ កម្រិតជាតិស្ករក្នុងឈាម សម្ពាធឈាម និងភាពតានតឹងផ្លូវកាយ ឬផ្លូវចិត្ត។ តើយើងត្រូវធ្វើដូចម្តេចដើម្បីចៀសវាងខ្សោយក្រពេញលើតម្រងនោម? កាលណាក្រពេញលើតម្រងនោមផលិតអ័រម៉ូនណាមួយច្រើនពេក នោះវាអាចនឹងចុះខ្សោយ។ ដើម្បីចៀសវាងខ្សោយក្រពេញលើតម្រងនោមយើងត្រូវ៖ ១. កាត់បន្ថយជាតិកាហ្វេអ៊ីន និងគ្រឿងស្រវឹង ជាតិកាហ្វេអ៊ីន និងគ្រឿងស្រវឹងជះឥទ្ធិពលដល់ការគេងដែលធ្វើឱ្យរាងកាយយើងបញ្ចេញអ័រម៉ូនស្រ្តេសច្រើន។ បន្ទាប់មកក្រពេញលើតម្រងនោមនឹងបញ្ចេញអ័រម៉ូនទប់ទល់នឹងស្ត្រេសដូចជា epinephrine (adrenaline), norepinephrine និង cortisol។ យូរៗទៅក្រពេញលើតម្រងនោមនឹងខ្សោយ។ ២. កាត់បន្ថយជាតិស្ករ ក្រៅពីគ្រប់គ្រងភាពតានតឹង អ័រម៉ូន cortisol ក៏ជួយរក្សាកម្រិតជាតិស្ករនៅក្នុងឈាមយើងដែរ។ ការញុំាជាតិស្ករច្រើនបង្កើនកម្រិតជាតិស្ករក្នុងឈាម បន្ទាប់មកក្រពេញលើតម្រងនោមនឹងផលិតអ័រម៉ូន cortisol ដើម្បីគ្រប់គ្រងជាតិស្ករក្នុងឈាម។ ៣. កាត់បន្ថយភាពតានតឹង ឬស្រ្តេស ពេលយើងមានភាពតានតឹង ក្រពេញលើតម្រងនោមនឹងផលិតអ័រម៉ូន cortisol ដើម្បីទប់ទល់នឹងភាពតានតឹង។ ៤. គេងឱ្យបានគ្រប់គ្រាន់ មនុស្សពេញវ័យត្រូវការគេង ៨ ម៉ោងក្នុង ១ ថ្ងៃដើម្បីមានសុខភាពល្អ។ ៥. ញុំាអាស៊ីតខ្លាញ់អូមេហ្កា ៣ អាស៊ីតខ្លាញ់អូមេហ្កា-៣ ជួយក្រពេញលើតម្រងនោមប្រស្រ័យទាក់ទងនឹងខួរក្បាល និងជួយកាត់បន្ថយភាពតានតឹង។ ៦. ញុំាម៉ាញ៉េស្យូម ម៉ាញ៉េស្យូមជួយរំងាប់ប្រព័ន្ធសរសៃប្រសាទ ជួយឱ្យគេងលក់ស្រួល កាត់បន្ថយភាពតានតឹង និងបង្កើនការផលិតថាមពលក្នុងរាងកាយ។ អាហារទាំងនោះមានដូចជាគ្រាប់ធញ្ញជាតិ សណ្ដែង និងស្រូវសាឡី ជាដើម។ ៧. ញុំាវីតាមីន B វីតាមីន B ជួយរាងកាយទប់ទល់នឹងស្ត្រេស និងផ្តល់ថាមពលដល់រាងកាយ។ […]

បញ្ហាប្រព័ន្ធទឹកនោមផ្សេងទៀត

នោមញឹកអាចមកពីផឹកទឹកច្រើន តែក៏អាចមកពីបញ្ហាផ្សេងដែរ

ការទៅនោមញឹកញាប់អាចមកពីយើងផឹកទឹក ឬភេសជ្ជៈផ្សេងៗច្រើនក្នុងមួយថ្ងៃ។ យ៉ាងណាក៏មានមូលហេតុផ្សេងៗមួយចំនួនទៀតដែរ នាំឲ្យយើងចេះតែចង់ទៅបន្ទប់ទឹក។ ជាធម្មតា យើងអាចបត់ជើងតូចប្រហែលប្រាំបីដងក្នុងមួយថ្ងៃ រាប់ពីពេលយើងភ្ញាក់ពីគេង ដល់ពេលយើងចូលគេងវិញ។ បើគ្នាយើងផឹកទឹកតិចជាងពីរលីត្រក្នុងមួយថ្ងៃ យើងអាចបត់ជើងតូចតិចជាងប្រាំបីដង ឬត្រឹមបួនដងក្នុងមួយថ្ងៃ ដែលការណ៍នេះអាចថាយើងខ្វះជាតិទឹកក្នុងខ្លួនហើយ។ ដូចគ្នាដែរបើយើងផឹកទឹកគ្រប់គ្រាន់ យើងទំនងជាអាចត្រូវបត់ជើងតូចប្រហែលជាប្រាំបីដងក្នុងមួយថ្ងៃ ឬអាចលើសនេះដែរបើយើងផឹកភេសជ្ជៈផ្សេងៗថែមទៀត។ ចុះបើយើងបត់ជើងច្រើនជាងប្រាំបីដងក្នុងមួយថ្ងៃ អាចមកពីកត្តាផ្សេងទៀតទេ? ១. ផឹកជាតិកាហ្វេអ៊ីនច្រើនពេក ជាតិកាហ្វេអ៊ីនមាននៅក្នុងកាហ្វេ តែ និងភេសជ្ជៈផ្អែមមួយចំនួនទៀត ដែលសុទ្ធតែអាចធ្វើឲ្យយើងបត់ជើងតូចញឹកញាប់។ ការសិក្សាមួយធ្វើឡើងកាលពីឆ្នាំ២០១៣ បានរកឃើញថា ស្រ្តីដែលផឹកកាហ្វេបីពែង ឬច្រើនជាងនេះក្នុងមួយថ្ងៃ មានប្រហែលជា៧០ភាគរយនៃអ្នកចូលរួមការសិក្សាមានអាការៈបត់ជើងតូចញឹកញាប់ជាងអ្នកដែលមិនផឹកច្រើនបែបនេះ។ ដូចនេះហើយ បើយើងសង្កេតឃើញថាពេលផឹកកាហ្វេច្រើននាំឲ្យយើងចង់បត់ជើងតូចញឹកញាប់ យើងគួរបន្ថយបរិមាណកាហ្វេដែលត្រូវផឹកប្រចាំថ្ងៃហើយ។ ក្រៅពីកាហ្វេ មានស្រាបៀរ និងស្រា ក៏ជាហេតុធ្វើឲ្យយើងនោមញឹកផងដែរ។ ២. ឆ្លងរោគនៅផ្លូវទឹកនោម ការឆ្លងរោគនៅផ្លូវទឹកនោម គឺមានការឈឺចាប់ ហើយវាបង្កដោយបាក់តេរីឆ្លងចូលទៅក្នុងប្លោកនោមរបស់យើង។ បើយើងមានបញ្ហានេះ យើងនឹងចង់តែទៅនោម ទោះទើបតែនោមហើយក៏ដោយ ហើយពេលខ្លះយើងអាចមានអារម្មណ៍ថាក្រហាយពេលនោមទៀតផង។ បើមានអាការៈបែបនេះគ្នាយើងគួរជួបពិគ្រោះជាមួយគ្រូពេទ្យហើយ។ ៣. សាច់ដុំអាងត្រគាកខ្សោយ សាច់ដុំអាងត្រគាករបស់យើងជួយទ្រទ្រង់សរីរាង្គប្រព័ន្ធទឹកនោមជាច្រើន រួមទាំងប្លោកនោមផងដែរ។ ប៉ុន្តែ បើសាច់ដុំនេះចុះខ្សោយ អាចធ្វើឲ្យសរីរាង្គខ្លះភ្លាត់ចេញពីកន្លែងដើមបន្តិច ហើយនាំឲ្យយើងត្រូវបត់ជើងតូចញឹកញាប់។ ការភ្លាត់ចេញនេះអាចមកពីកត្តាច្រើនយ៉ាង ដូចជាយើងសម្រាលកូនតាមធម្មជាតិ ក៏ដូចជាវ័យកាន់តែច្រើនជាដើម។ ៤. ប្លោកនោមធ្វើការខ្លាំងពេក ស្រ្តីប្រហែល១៥ភាគរយអាចមានបញ្ហាផ្លោកនោមធ្វើការខ្លាំងពេក ដែលការណ៍នេះនាំឲ្យស្រីៗត្រូវទៅបត់ជើងតូចញឹកញាប់។ បញ្ហានេះអាចកើតមានលើស្រ្តីគ្រប់វ័យ តែវាទំនងជាកើតមានច្រើនលើស្រ្តីវ័យចំណាស់ និងក្រោយពេលអស់រដូវ ដោយសារជាលិកាផ្លោកនោមមានការរំខាន ព្រោះខ្វះអ័រម៉ូនអឺស្រ្តូហ្សែន។ ពេលណាត្រូវទៅជួបពេទ្យ? ប្រសិនបើយើងឃើញថា ក្រោយពីកាត់បន្ថយការញ៉ាំកាហ្វេហើយ […]

ចំណេះដឹងទូទៅ

វិធីសាស្រ្តមួយចំនួន ជួយការពារបញ្ហាខ្សោយក្រពេញលើតម្រងនោម

អាហារគួរញ៉ាំ និងមិនគួរញ៉ាំ សម្រាប់អ្នកជំងឺទឹកនោមប្រៃ

នោមញឹកញាប់នៅពេលយប់ ជាសញ្ញានៃជំងឺទឹកនោមផ្អែម?

នោមមានឈាម អាចមកពីមូលហេតុនៃជំងឺទាំងនេះ

ឈឺខ្នងក្រោយញ៉ាំអាហាររួច អាចមកពីមូលហេតុទាំងនេះ

ស្វែងរក បញ្ហាប្រព័ន្ធទឹកនោមផ្សេងទៀត

ទម្លាប់ទប់នោមញឹកញាប់ អាចបង្កផលប៉ះពាល់សុខភាពច្រើនយ៉ាង

នោមញឹកអាចមកពីផឹកទឹកច្រើន តែក៏អាចមកពីបញ្ហាផ្សេងដែរ

Home Test For Urinary Tract Infection (តេស្តបង្ករោគលើផ្លូវទឹកនោមនៅផ្ទះ)

អ្នកជំនាញវេជ្ជសាស្ត្ររបស់យើង