គ្នាយើងតែងតែខឹងមួម៉ៅ នៅពេលដែលការរំពឹងទុកមិនដូចចិត្ត ឬប្រឈមនឹងការប្រមាថ លេងសើច គំរាមកំហែង ឬការមិនយកចិត្តទុកដាក់ពីអ្នកដទៃជាដើម។ ជួនកាល យើងខ្លួនឯង គឺជាមូលហេតុនៃកំហឹងតែម្ដង ដោយធ្វើឲ្យយើងមានអារម្មណ៍មិនល្អពេញមួយថ្ងៃក៏មាន។ ប៉ុន្តែ តាមពិតទៅ កំហឹង ជាអារម្មណ៍បែបធម្មជាតិ ហើយក៏មិនមានអ្វីដែលល្អគ្រប់ដប់ ឬសមតាមបំណងយើងរហូតដែរ។ យ៉ាងណាមិញ តើយើងអាចគ្រប់គ្រង ឬរំងាប់កំហឹងទាំងនេះ ដោយមិនបង្កការឈឺចាប់ដល់អ្នកដទៃ ឬខ្លួនឯងបានដោយវិធីណាខ្លះ?