ពេលខ្លះ អ្នកដែលមានបញ្ហាផ្លូវចិត្តអាចកើតមានអាកប្បកិរិយាព្រហើនកោងកាច ឬប្រើហិង្សាដោយខ្វះការពិចារណា។ ប៉ុន្តែ ប្រសិនបើអ្នកជំងឺទទួលបានការព្យាបាលត្រឹមត្រូវ នោះពុំបង្កជាគ្រោះថ្នាក់ដល់អ្នកផ្សេងទៀតឡើយ។ ជាទូទៅ អ្នកជំងឺផ្លូវចិត្តច្រើនតែចូលចិត្តធ្វើបាបខ្លួនឯង ច្រើនជាងធ្វើបាបអ្នកដទៃ។
មាតិកា
បើអ្នកជំងឺផ្លូវចិត្តមានកប្បកិរិយាកោងកាច ឬប្រើហិង្សា យើងគួរធ្វើបែបណា?
ជំងឺផ្លូវចិត្ត និងអំពើហិង្សា
ពិតណាស់ អំពើហិង្សាមិនមែនជារោគសញ្ញានៃជំងឺផ្លូវចិត្តឡើយ ហើយទំនាក់ទំនងរវាងជំងឺផ្លូវចិត្ត និងអំពើហិង្សាក៏មានភាពស្មុគស្មាញផងដែរ។ ការស្រាវជ្រាវបានបង្ហាញថា ក្នុងករណីដែលអ្នកជំងឺមិនប្រើប្រាស់សារធាតុញៀនផ្សេងៗ ជំងឺផ្លូវចិត្ត អាចជះឥទ្ធិពលតិចតួចប៉ុណ្ណោះ ក្នុងការប្រព្រឹត្តអំពើហិង្សា។
ទន្ទឹមនឹងនេះដែរ ជំងឺផ្លូវចិត្ត ដែលរួមមានជំងឺវិកលចរិត អាចមានការពាក់ព័ន្ធនឹងអាកប្បកិរិយាកោងកាង ឬប្រើប្រាស់ហិង្សា ប្រសិនបើអ្នកជំងឺ៖
- មិនបានទទួលការព្យាបាលត្រឹមត្រូវ
- ប្រើប្រាស់គ្រឿងញៀន ឬគ្រឿងស្រវឹង
- មានប្រវត្តិប្រើប្រាស់អំពើហិង្សាពីមុន
- ប្រឈមនឹងរោគសញ្ញាវិកលចរិត
- ស្ថិតក្នុងភាពភ័យខ្លាច (ឧទាហរណ៍៖ គិតថាខ្លួនឯងកំពុងតែស្ថិតនៅក្នុងគ្រោះថ្នាក់)
- កើតមានរោគសញ្ញាវិកលចរិតជាលើកដំបូង។
គណនា BMI
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ការព្យាបាលជំងឺផ្លូវចិត្ត និងបញ្ចៀសអំពើហិង្សា
ដើម្បីបញ្ចៀសអំពើហិង្សា ដែលអាចពាក់ព័ន្ធនឹងរោគសញ្ញានៃជំងឺផ្លូវចិត្ត យើងចាំបាច់ត្រូវណែនាំដល់អ្នកដែលមានបញ្ហាផ្លូវចិត្ត ឲ្យប្រញាប់ទទួលយកការព្យាបាលឲ្យបានកាន់តែឆាប់ កាន់តែប្រសើរ។
ម្យ៉ាងវិញទៀត យើងក៏គួរយល់ថា ជំងឺផ្លូវចិត្តមិនមែនជាជម្រើសសម្រាប់អ្នកណាម្នាក់ឡើយ ប៉ុន្តែជំងឺមួយនេះអាចកើតលើមនុស្សគ្រប់គ្នា ដោយមិនប្រកាន់អាយុ ឬភេទនោះទេ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
គន្លឹះដោះស្រាយអាកប្បកិរិយាព្រហើនកោងកាច ឬប្រើអំពើហិង្សា
ប្រសិនបើអ្នកដែលមានជំងឺផ្លូវចិត្ត បង្កជាអំពើហិង្សា ឬកោងកាច យើងគួរតែ៖
- ធ្វើចិត្តឲ្យស្ងប់ល្អ និងនិយាយតាមសម្រួលដោយសំឡេងច្បាស់ៗ និងយឺតៗ
- រក្សាគម្លាតពីអ្នកជំងឺ
- ជៀសវាងប្រឈមមុខដាក់គ្នា ឬឈ្លោះប្រកែកគ្នា
- ប្រសិនបើអាកប្បកិរិយាអវិជ្ជមានទាំងនោះនៅតែបន្ត ឬអ្នកជំងឺអាចនឹងបង្កគ្រោះថ្នាក់ដល់ខ្លួនឯង និងអ្នកដទៃ យើងចាំបាច់ត្រូវប្រញាប់ទាក់ទងនឹងអាជ្ញាធរ ឬក្រុមសង្គ្រោះអ្នកមានបញ្ហាផ្លូវចិត្តឲ្យបានឆាប់រហ័ស។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Mental illness and violence
https://www.betterhealth.vic.gov.au/health/conditionsandtreatments/mental-illness-and-violence
Abuse and Mental Illness: Is There a Connection?
https://www.thehotline.org/resources/abuse-and-mental-illness-is-there-a-connection/
Abuse Cannot Be Blamed on Mental Illness
https://www.domesticshelters.org/articles/identifying-abuse/abuse-cannot-be-blamed-on-mental-illness
កំណែប្រែបច្ចុប្បន្ន
10/10/2022
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម