ផ្សិតត្រចៀកកណ្ដុរស ឬយើងនិយមហៅថា ផ្កាថ្មជាប្រភេទផ្សិតដែលប្រជាជននៅបែកអាស៊ីយើងប្រើប្រាស់យ៉ាងទូលំទំលាយនៅក្នុងវិស័យឱសថ និងម្ហូបអាហារ។ ក្រៅពីមានរូបរាងស្រស់ស្អាត និងឆ្ងាញ់ផ្សិតត្រចៀកកណ្ដុរសថែមទាំងមានគុណប្រយោជន៍ជួយដល់សុខភាពទៀតផង។

ជាងពីរពាន់ឆ្នាំមកហើយវេជ្ជសាស្រ្តបុរាណចិនបានទទួលស្គាល់ថាសួត គឺជាប្រព័ន្ធការពារដំបូងរបស់រាងកាយពីភ្នាក់ងារបង្ករោគ។ ជាមួយគ្នានោះដែរ ចិនបុរាណក៏បានបញ្ជាក់ថាផ្សិតត្រចៀកកណ្តុរស ឬផ្កាថ្មជាគ្រឿងផ្សំក្នុងអាហារមានប្រយោជន៍ចំពោះសួត។

សួតមានទំនាក់ទំនងជាមួយច្រមុះ បំពង់ក ពោះវៀនធំ និងស្បែក។ សួតជាសរីរាង្គដែលទន់ត្រូវការសំណើម និងងាយរងគ្រោះ។ ប្រសិនបើសួតចុះខ្សោយ សួតនឹងត្រូវភ្នាក់ងារបង្ករោគបង្កឱ្យមានជំងឺរលាកសួត និងរលាកផ្លូវដង្ហើមផ្នែកខាងលើ ហើយធ្វើឱ្យរាងកាយរបស់យើងក៏ជួបសភាព ល្ហិតល្ហៃ ដង្ហើមខ្លី ស្លេកស្លាំង ប្រព័ន្ធការពាររាងកាយចុះខ្សោយ ងាយផ្តាសាយ ឬគ្រុនក្តៅ កើតហឺត ស្ងួតច្រមុះ ហៀរសំបោរ ក្អកស្ងួត ស្ងួតបំពង់ក ស្ងួតស្បែក ឡើងតាអក និងទល់លាមក ។

ចង់គណនា BMR ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់គណនាមហារីកសួត ចុចទីនេះ!

យោងតាមអត្ថបទវេជ្ជសាស្ត្របុរាណចិន បានឱ្យដឹងថាផ្សិតត្រចៀកកណ្ដុរស ឬផ្កាថ្មត្រូវបានកត់ត្រាថាអាចសម្អាត និងផ្តល់សំណើមដល់សួតបាន។ ការសិក្សាផ្សេងទៀតក៏បានបញ្ជាក់ដែរថា ផ្សិតត្រចៀកកណ្ដុរស សម្បូរទៅដោយសារធាតុ polysaccharides ដែលមានមុខងារពង្រឹងប្រព័ន្ធការពាររាងកាយ។ វាក៏ជួយបង្កើនប្រសិទ្ធិភាពរបស់អងទីករ ដែលត្រូវបានប្រើដោយប្រព័ន្ធភាពស៊ាំដើម្បីប្រយុទ្ធប្រឆាំងនឹងបាក់តេរី និងវីរុសផងដែរ។ ដូចនេះ ហើយបានជាការដាក់បញ្ចូលផ្សិតត្រចៀកកណ្ដុរសទៅក្នុងរបបអាហារ ត្រូវគេជឿថាអាចជួយឲ្យប្រព័ន្ធភាពស៊ាំរឹងមាំ និងជួយប្រឆាំងនឹងជំងឺផ្សេងៗ។

ផ្សិតត្រចៀកកណ្តុរសមានលក្ខណៈស្រាល អាចញុំាបានគ្រប់វ័យ ជាពិសេសមនុស្សវ័យកណ្តាល និងវ័យចាស់។ នៅក្នុងឱសថបុរាណចិនវាត្រូវបានគេចាត់ទុកថាមានប្រសិទ្ធភាព ជាពិសេសចំពោះមនុស្សចាស់ដែលមានប្រព័ន្ធផ្លូវដង្ហើមខ្សោយ និងសម្រាប់ក្អកស្ងួត។

អ្វីដែលត្រូវប្រយ័ត្ន

ថ្វីត្បិតតែផ្សិតត្រចៀកកណ្ដុរសមានអត្ថប្រយោជន៍ចំពោះសួតក៏ពិតមែន តែពេលយើងផ្តាសាយ គ្រុនផ្ដាសាយ រាក មករដូវ ឬមានផ្ទៃពោះមិនអាចញុំាវាបានទេ ព្រោះផ្សិតត្រចៀកកណ្តុរសធ្វើឱ្យត្រជាក់ក្នុង។

ជាទូទៅយើងអាចយកផ្សិតត្រចៀកកណ្តុរស ឬផ្កាថ្មធ្វើជាបន្លែពេលញុំាស៊ុបឆ្នាំងភ្លើង ឬស៊ុបឆ្នាំងដី។ ឯមុខម្ហូបដ៏ពេញនិយមបំផុតដើម្បីជួយរក្សាសុខភាពផ្លូវដង្ហើមគឺយកវាធ្វើជាបង្អែមដូចជា បង្អែមព្រិលត្រចៀកកាំ បង្អែមផ្កាថ្មជាមួយផ្លែសារីជាដើម។

អត្ថបទគួរអាន៖

ផ្សិតត្រចៀកកណ្ដុរស អាហារ​ជួយ​ប្រព័ន្ធការពាររាងកាយ និង​សួត​

អ្វី​ដែល​ត្រូវ​ប្រយ័ត្ន

ផ្សិតត្រចៀកកណ្ដុរស អាហារជួយប្រព័ន្ធការពាររាងកាយ និងសួត

អ្វីដែលត្រូវប្រយ័ត្ន