ជំងឺថប់បារម្ភ អាចជះឥទ្ធិពលដល់ជីវិតប្រចាំថ្ងៃរបស់គ្នាយើង រួមទាំងជីវិតផ្លូវភេទផងដែរ។ ជាក់ស្តែង ជំងឺនេះ អាចបង្កជាអារម្មណ៍ភិតភ័យ មិនស្រណុកក្នុងខ្លួន និងតានតឹង ដែលចំណុចនេះ ធ្វើឲ្យយើងពិបាកក្នុងការប្រាស្រ័យទាក់ទងជាមួយនឹងដៃគូ ក៏ដូចជាបង្អាក់អារម្មណ៍សុខស្រួលអំឡុងពេលប្រតិបត្តិការលើគ្រែ។

សញ្ញាបង្ហាញថាការថប់បារម្ភកំពុងតែប៉ះពាល់ដល់ជីវិតផ្លូវភេទ

១. ខ្វះទំនុកចិត្តលើខ្លួនឯង

អ្នកដែលមានអាការៈថប់បារម្ភ អាចបាត់បង់ទំនុកចិត្តមកលើខ្លួនឯង ជាពិសេសចំពោះរូបរាងកាយ និងសម្រស់ ដែលកត្តានេះ អាចប៉ះពាល់ដល់ជីវិតផ្លូវភេទយ៉ាងខ្លាំង។

២. គេចវេចការរួមភេទ

គ្នាយើងណាខ្លះដែលមានអារម្មណ៍អន្ទះអន្ទែងនៅពេលដែលនៅជិតដៃគូ? ជាក់ស្តែង ការរួមភេទអាចធ្វើឲ្យយើងមានអារម្មណ៍អន្ទះអន្ទែង ជាពិសេសប្រសិនបើយើងធ្លាប់ឆ្លងកាត់រឿងរ៉ាវតក់ស្លុតនៅអតីតកាល។ ដូច្នេះហើយ យើងគួរតែពិគ្រោះយោបល់ជាមួយនឹងអ្នកជំនាញ ក្នុងករណីដែលយើងជួបបទពិសោធន៍មិនល្អពាក់ព័ន្ធនឹងការរួមភេទ។

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

៣. មិនសូវទំនាក់ទំនងជាមួយដៃគូ

ការទំនាក់ទំនងមានសារៈសំខាន់ណាស់នៅក្នុងជីវិតគូស្នេហ៍។ ដូចនេះ យើងគួរពិភាក្សាជាមួយដៃគូប្រសិនបើយើងមានអារម្មណ៍តានតឹង អន្ទះអន្ទែង ឬមិនមានផាសុកភាពអំឡុងពេលនៅជាមួយគ្នា។

៤. មិនអាចឈានដល់ចំណុចកំពូល

ការសិក្សាបានបង្ហាញថា ជំងឺថប់បារម្ភអាចធ្វើឲ្យយើងពិបាកក្នុងការឈានដល់ចំណុចកំពូល ពីព្រោះតែបញ្ហាមួយនេះ ធ្វើឲ្យយើងគិតផ្តេសផ្តាសច្រើន ព្រមទាំងបង្អាក់អារម្មណ៍ស្រើបស្រាល។

ថប់បារម្ភ

៥. ប្រើប្រាស់ថ្នាំជាក់លាក់

ទន្ទឹមនឹងនេះដែរ ការញ៉ាំថ្នាំជាក់លាក់ដើម្បីគ្រប់គ្រងជំងឺថប់បារម្ភ ក៏អាចផ្តល់ផលអវិជ្ជមានដល់ជីវិតផ្លូវភេទដូចគ្នា។ ប្រភេទថ្នាំមួយចំនួន ដូចជាថ្នាំប្រឆាំងនឹងជំងឺបាក់ទឹកចិត្ត (Antidepressants) អាចធ្វើឲ្យចំណង់ផ្លូវភេទរបស់យើងធ្លាក់ចុះ។

អត្ថបទគួរអាន៖

គន្លឹះដោះស្រាយជំងឺថប់បារម្ភ

ពិគ្រោះជាមួយនឹងអ្នកជំនាញ
ជជែកជាមួយនឹងដៃគូអំពីបញ្ហារបស់យើង ដើម្បីទទួលបានការយល់ចិត្ត និងជំនួយផ្សេងៗ
ពិគ្រោះយោបល់ជាមួយនឹងគ្រូពេទ្យ និងធ្វើការវាយតម្លៃត្រឹមត្រូវ ក៏ដូចជាយល់ដឹងពីរបៀបបង្ការអាការៈថប់បារម្ភ
ប្រើប្រាស់ថ្នាំទៅតាមវេជ្ជបញ្ជា
ធ្វើលំហាត់ប្រាណជាទៀងទាត់
ញ៉ាំបន្លែ និងផ្លែឈើឲ្យបានច្រើន ព្រមទាំងកាត់បន្ថយការញ៉ាំជាតិស្ករច្រើនជ្រុល
គេងឲ្យបានគ្រប់គ្រាន់ និងកាត់បន្ថយការញ៉ាំជាតិស្រវឹង។

ជំងឺថប់អារម្ភប៉ះពាល់ដល់ជីវិតលើគ្រែយ៉ាងម៉េចខ្លះ? គ្រប់គ្រងដោយវិធីណា?

សញ្ញា​បង្ហាញ​ថា​ការ​ថប់​បារម្ភ​កំពុង​តែ​ប៉ះពាល់​ដល់​ជីវិត​ផ្លូវ​ភេទ

១. ខ្វះ​ទំនុក​ចិត្ត​លើ​ខ្លួន​ឯង

២. គេច​វេច​ការ​រួម​ភេទ

៣. មិន​សូវ​ទំនាក់ទំនង​ជាមួយ​ដៃគូ

៤. មិន​អាច​ឈាន​ដល់​ចំណុច​កំពូល

៥. ប្រើប្រាស់​ថ្នាំ​ជាក់លាក់

គន្លឹះ​ដោះស្រាយ​ជំងឺ​ថប់​បារម្ភ