ក្រោយសម្រាលកូនរួច ម៉ាក់ៗមានអារម្មណ៍ភ័យខ្លាចនៅពេលដៃគូនិយាយពីរឿងលើគ្រែដែរអត់? ពិតណាស់ យើងក៏នៅតែអាចវិលត្រលប់មករកភាពសុខស្រួលក្នុងជីវិតផ្លូវភេទបានវិញដូចគ្នា ប៉ុន្តែម៉ាក់ៗត្រូវគិតដល់រឿងទាំង៦នេះសិន មុនពេលចាប់ផ្តើមប្រតិបត្តិការឡើងវិញ។

មិនថាយើងសម្រាលកូនតាមធម្មជាតិ ឬវះកាត់នោះទេ ការរួមភេទដោយសុវត្ថិភាពមានសារៈសំខាន់ណាស់ ពីព្រោះ រាងកាយប្រឈមនឹងការប្រែប្រួលជាច្រើនក្រោយសម្រាល ហើយបើយើងធ្វេសប្រហែសបន្តិចនោះ វានឹងអាចបង្កឲ្យមានបញ្ហាសុខភាពជាច្រើន។ ដូច្នេះហើយ ម៉ាក់ៗ និងដៃគូ គួរស្វែងយល់ពីចំណុចសំខាន់ៗមួយចំនួនទាក់ទងអំពីការរួមភេទ ក្រោយសម្រាល។

យើងគួររង់ចាំយូរប៉ុនណា មុនពេលចាប់ផ្តើមប្រតិបត្តិការលើគ្រែឡើងវិញ?

ក្រោយសម្រាលកូនរួច ស្រីៗយើងគួររង់ចាំរយៈពេលប្រហែល៦សប្តាហ៍ មុននឹងចាប់ផ្តើមប្រតិបត្តិការឡើងវិញ ហើយរយៈពេលនេះដែរ ក៏អាចជួយឲ្យស្បូនវិលត្រលប់មករកសភាពដើមវិញ របួសទ្វារមាស ឬស្នាមវះកាត់បានជាសះស្បើយ ហើយការប្រែប្រួលអ័រម៉ូនក៏ត្រលប់មករកស្ថិរភាពឡើងវិញ។

រឿងអ្វីដែលយើងគួរគិតដល់ មុនពេលចាប់ផ្តើមរួមភេទក្រោយសម្រាលកូនរួច?

១. បង្កើនការបបោសអង្អែល

ក្រោយសម្រាលកូនរួច គ្នាយើងគួរផ្តោតទៅលើទំនាក់ទំនងផ្លូវអារម្មណ៍ ជាជាងការតក់ក្រហល់នៅក្នុងការចាប់ផ្តើមប្រតិបត្តិការ។ ការបបោសអង្អែល ការម៉ាស្សាថ្នមៗ និងការសន្ទនាគ្នា អាចជួយបង្កើនចំណង់ផ្លូវភេទឲ្យកាន់តែប្រសើរឡើង។ ការធ្វើដូចនេះ អាចជួយឲ្យទ្វារមាសផលិតទឹករម្អិលធម្មជាតិ ព្រមទាំងកាត់បន្ថយហានិភ័យនៃការឈឺចាប់អំឡុងពេលរួមភេទ។

រួមភេទ

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

២. ជ្រើសរើសមធ្យោបាយពន្យារកំណើត

បើមិនចង់មានផ្ទៃពោះឆាប់រហ័សពេក និងប្រឈមការឆ្លងមេរោគទ្វារមាសទេនោះ ម៉ាក់គួរជ្រើសរើសមធ្យោបាយពន្យារកំណើតណាមួយ មិនថាការប្រើប្រាស់ស្រោមអនាម័យ ថ្នាំ ឬកៅអៀកពន្យារកំណើតនោះឡើយ។

៣. បង្កើនទំនាក់ទំនងជាមួយដៃគូ

ក្រោយសម្រាលកូនរួច ការបង្កើនទំនាក់ទំនងជាមួយដៃគូដោយបញ្ជាក់ឲ្យបានច្បាស់ពីបញ្ហា និងអារម្មណ៍ មានសារៈសំខាន់ណាស់ក្នុងការរក្សាទំនាក់ទំនងរឿងលើគ្រែឲ្យនៅតែល្អូកល្អិន។ ទង្វើនេះ អាចឲ្យយើងបានដឹងពីការប្រែប្រួលផ្នែកផ្លូវកាយ និងចិត្តគំនិតក្រោយសម្រាលកូនរួច។

៤. ធ្វើលំហាត់ប្រាណ Kegel

ក្រោយសម្រាលកូនរួច លំហាត់ប្រាណបែប Kegel មានសារៈសំខាន់ណាស់ ដើម្បីជួយជំរុញសុខភាពផ្លូវភេទឡើងវិញ។ លំហាត់ប្រាណប្រភេទនេះ ផ្តោតទៅលើការពង្រឹងសាច់ដុំអាងត្រគាក ក៏ដូចជាជួយឲ្យទ្វារមាសត្រលប់មករកភាពតឹងណែនម្តងទៀត។

៥. រក្សាអនាម័យ

ទន្ទឹមនឹងនេះដែរ ស្រីៗក្រោយសម្រាលកូនរួច គួរថែទាំអនាម័យឲ្យបានល្អ មុន និងក្រោយពេលរួមភេទ។ គ្នាយើងគួរងូតទឹកឲ្យបានទៀងទាត់ និងផ្លាស់ប្តូរខាទ្រនាប់ជារៀងរាល់ថ្ងៃ។ បន្ថែមពីនេះ លាងសម្អាតទ្វារមាសក្រោយរួមភេទរួច និងជូតសម្ងួតពីមុខទៅក្រោយ ដើម្បីបញ្ចៀសហានិភ័យនៃការឆ្លងមេរោគផ្សេងៗ។

៦. ប្រើទឹករម្អិល

ការប្រើទឹករម្អិលអំឡុងពេលរួមភេទ អាចជួយបង្កើនភាពរីករាយ និងស្និទ្ធស្នាលជាងមុន ដោយកាត់បន្ថយភាពកកិត និងរលាក។ មួយវិញទៀត វាក៏មានគុណប្រយោជន៍ដ៏ល្អសម្រាប់ម៉ាក់ៗដែលជួបបញ្ហាស្ងួតទ្វារមាសក្រោយសម្រាលកូនផងដែរ។

ចំណុចសំខាន់

មុនពេលចាប់ផ្តើមរួមភេទក្រោយសម្រាលកូនរួច ម៉ាក់ៗគួរដឹងចំណុចសំខាន់ទាំង៦នេះសិន

បង្កើនការបបោសអង្អែល
ជ្រើសរើសមធ្យោបាយពន្យារកំណើត
បង្កើនទំនាក់ទំនងជាមួយដៃគូ
ធ្វើលំហាត់ប្រាណKegel
រក្សាអនាម័យ
ប្រើទឹករម្អិល

អត្ថបទគួរអាន៖

ចំំណុចសំខាន់

រឿងដែលយើងគួរគិតដល់ មុនពេលចាប់ផ្តើមរួមភេទក្រោយសម្រាលកូនរួច៖

បង្កើនការបបោសអង្អែល
ជ្រើសរើសមធ្យោបាយពន្យារកំណើត
បង្កើនទំនាក់ទំនងជាមួយដៃគូ
ធ្វើលំហាត់ប្រាណ Kegel
រក្សាអនាម័យ
ប្រើទឹករម្អិល

ម៉ាក់ៗត្រៀមចូលកងវិញ ក្រោយសម្រាលកូនរួច គួរដឹងរឿងសំខាន់ៗទាំង៦នេះសិន

យើង​គួរ​រង់ចាំ​យូរ​ប៉ុនណា មុន​ពេល​ចាប់ផ្តើម​ប្រតិបត្តិការ​លើ​គ្រែ​ឡើង​វិញ?

រឿង​អ្វី​ដែល​យើង​គួរ​គិត​ដល់​ មុន​ពេល​ចាប់ផ្តើម​រួម​ភេទ​​ក្រោយ​សម្រាល​កូន​រួច?

១. បង្កើន​ការ​បបោសអង្អែល

២. ជ្រើសរើស​មធ្យោបាយ​​ពន្យារ​កំណើត

៣. បង្កើន​ទំនាក់ទំនង​ជាមួយ​ដៃគូ

៤. ធ្វើ​លំហាត់ប្រាណ​ Kegel

៥. រក្សា​អនាម័យ​

៦. ប្រើ​ទឹក​​រម្អិល