ការរក្សាអនាម័យខ្លួនប្រាណ មានសារៈសំខាន់ណាស់ ដើម្បីការពារខ្លួនពីការឆ្លងមេរោគផ្សេងៗ និងបញ្ចៀសក្លិនខ្លួនមិនល្អ ជាពិសេសអំឡុងពេលមករដូវតែម្ដង។ ពិតណាស់ ឈាមរដូវ អាចមានក្លិនខុសៗគ្នា អាស្រ័យលើកត្តាជាច្រើន ដូច្នេះហើយ ស្រីៗយើងចាំបាច់ត្រូវស្វែងយល់ពីមូលហេតុបង្ក និងវិធីសាស្ត្រដោះស្រាយ។

ក្លិនឈាមរដូវទូទៅមួយចំនួន

១. ក្លិនច្រែះដែក

ជួនកាល ឈាមរដូវអាចធុំក្លិនច្រែះដែក ដែលបណ្ដាលមកពីវត្តមានជាតិដែកនៅក្នុងឈាមរបស់យើង ហើយជាទូទៅ ក្លិននេះនឹងបាត់ទៅវិញ ក្រោយពេលយើងអស់រដូវ។

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

២. ក្លិនស្អុយ

ចំណែកឈាមរដូវមានក្លិនស្អុយរលួយ ច្រើនតែបណ្ដាលមកពីវត្តមានឈាម ជាលិកា និងបាក់តេរី។ នៅពេលដែលយើងមករដូវច្រើន ក្លិននេះនឹងធុំកាន់តែខ្លាំងដែរ។ ម្យ៉ាងវិញទៀត ក្លិនរដូវបែបនេះ ក៏អាចបង្កឡើងដោយសារតែយើងផ្អាប់សំឡីអនាម័យយូរផងដែរ។

៣. ក្លិនឆ្អាប

ក្លិនប្រភេទនេះ អាចមានក្លិនខ្លាំងជាងធម្មតា ហើយក៏អាចបញ្ជាក់ពីការបញ្ហាសុខភាព ដូចជាការឆ្លងមេរោគជាដើម។ ក្នុងករណីដែលមានរោគសញ្ញា ដូចជានោមក្រហាយ ឬរមាស់ទ្វារមាស យើងគួរពិគ្រោះជាមួយគ្រូពេទ្យ ទើបជាការប្រសើរ។

អត្ថបទគួរអាន៖

គន្លឹះជួយឲ្យទ្វារមាសមានក្លិនល្អ អំឡុងពេលមករដូវ

១. រក្សាអនាម័យអំឡុងពេលមករដូវ

ប្រសិនបើឈាមរដូវ មានក្លិនឆ្អាប យើងចាំបាច់ត្រូវផ្លាស់ប្ដូរសំឡីអនាម័យភ្លាមៗ និងរក្សាអនាម័យដោយ៖

ផ្លាស់ប្ដូរសំឡីអនាម័យជារៀងរាល់៤ ទៅ៥ម៉ោងម្តង ទោះបីជារដូវមកតិចតួចក៏ដោយ
ជៀសវាងទប់នោមរយៈពេលយូរ
សម្អាតបរិវេណប្រដាប់ភេទ រាល់ពេលដែលយើងប្រើបន្ទប់ទឹក
ជៀសវាងប្រើសំឡី២ក្នុងពេលតែមួយ ដែលអាចនាំឲ្យមានក្លិនមិនល្អ និងឆ្លងមេរោគបាន
ឆាប់ផ្លាស់ប្ដូរសំលៀកបំពាក់ នៅពេលដែលយើងបែកញើស
សម្រាកឲ្យបានគ្រប់គ្រាន់
ជៀសវាងប្រើឡាមកោររោមប្រដាប់ភេទ
ជូតបរិវេណទ្វារមាសឲ្យស្ងួតល្អ។

ឈាមរដូវ១

២. ងូតទឹក

ងូតទឹកចំនួនពីរដងក្នុងមួយថ្ងៃ អាចជួយរក្សាអនាម័យនៅអំឡុងពេលមករដូវ ព្រមទាំងជៀសវាងក្លិនរដូវមិនល្អថែមទៀតផង។ បន្ថែមពីនេះ គ្នាយើងក៏អាចងូតទឹកក្ដៅឧណ្ហៗ ដើម្បីជួយកាត់បន្ថយអាការៈចុកពោះ។

៣. ស្លៀកសំលៀកបំពាក់ធ្វើពីកប្បាស

ការពាក់ខោរឹបតឹង ឬសំលៀកបំពាក់ចង្អៀតពេក ក៏អាចបញ្ចៀសខ្យល់ចេញចូលបរិវេណទ្វារមាស

មករដូវ ធុំក្លិនមិនល្អមែនអត់? សាកតិចនិកទាំងនេះលមើល៍!

ក្លិន​ឈាម​រដូវ​ទូទៅ​មួយ​ចំនួន​

១. ក្លិន​ច្រែះដែក

២. ក្លិន​ស្អុយ​

៣. ក្លិន​ឆ្អាប

គន្លឹះ​ជួយ​ឲ្យ​ទ្វារ​មាស​មាន​ក្លិន​ល្អ អំឡុង​ពេល​មក​រដូវ

១. រក្សា​​អនាម័យ​​អំឡុង​ពេល​មក​រដូវ

២. ងូត​ទឹក​

៣. ស្លៀក​សំលៀកបំពាក់​ធ្វើ​ពី​កប្បាស