ជាធម្មតា ស្រីៗយើងអាចមានអារម្មណ៍ឈឺចាប់នៅខ្នងផ្នែកខាងក្រោម ភ្លៅ និងពោះ នៅរយៈពេល១ថ្ងៃ ឬពីរថ្ងៃ មុនពេលមករដូវ ឬអំឡុងពេលមករដូវតែម្ដង។ ការឈឺចាប់បែបនេះ អាចមានសភាពស្រាល ឬធ្ងន់ធ្ងរខ្លាំង ដែលអាចរំខានដល់សកម្មភាពរស់នៅប្រចាំថ្ងៃរបស់យើងបាន។
គ្នាយើងដឹងអត់? ឈឺចាប់ខ្លាំងពេលមករដូវ អាចមកពីបញ្ហាទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មូលហេតុនៃការឈឺចាប់ធ្ងន់ធ្ងរ
- ជំងឺEndometriosis៖ ជាជំងឺរ៉ាំរ៉ៃ ដែលកោសិកាEndometrial លូតលាស់ខុសទីតាំង។
- ដុំសាច់ក្នុងស្បូន៖ ដុំសាច់ដែលមិនមែនជាមហារីក និងលូតលាស់នៅជុំវិញស្រទាប់ស្បូន។
- ជំងឺគីសទឹកក្រពេញអូវែ៖ ជាវិបត្តិអ័រម៉ូន ដែលប៉ះពាល់ដល់វដ្ដរដូវ។
- ជំងឺរលាកអាងត្រគាក៖ ការបង្ករោគនៅក្នុងសរីរាង្គបន្តពូជរបស់ស្ត្រី ដែលជាធម្មតាបណ្ដាលមកពីការឆ្លងមេរោគតាមការរួមភេទ។
- ត្បៀតមាត់ស្បូន៖ នៅពេលដែលមាត់ស្បូនរួមតូច ឬបិទជិត។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
តើការឈឺចាប់ពេលមករដូវបែបណាមិនធ្ងន់ធ្ងរ?
អាការៈឈឺចាប់អំឡុងពេលមករដូវដែលស្រីៗយើងតែងជួបប្រទះ មានដូចជាឈឺពោះផ្នែកខាងក្រោមខ្ទោកៗ ហើយការឈឺចាប់នេះដែរ អាចរាលដាលដល់ខ្នង និងជើងថែមទៀតផង។ បន្ថែមពីនេះ យើងក៏អាចមានរោគសញ្ញាមួយចំនួន រួមមាន អស់កម្លាំង ឈឺក្បាល វិលមុខ រាករូស និងចង្អោរ។ យ៉ាងណាមិញ ការឈឺចាប់អំឡុងពេលមករដូវ អាចនឹងបាត់ទៅវិញយ៉ាងឆាប់រហ័ស ដោយការប្រើថ្នាំបំបាត់ការឈឺចាប់។ ប៉ុន្តែការឈឺចាប់ខ្លះទៀត អាចនៅបន្តរយៈពេលយូរ និងប៉ះពាល់ដល់សកម្មភាពប្រចាំថ្ងៃ និងជារឿយៗ អមជាមួយនឹងការធ្លាក់ឈាមធ្ងន់ធ្ងរ និងកំណកឈាមថែមទៀតផង។
ក្នុងករណីដែលគ្នាយើងប្រឈមនឹងការឈឺចាប់អំឡុងពេលមករដូវជាប្រចាំ គួរទៅពិគ្រោះយោបល់ជាមួយនឹងគ្រូពេទ្យជំនាញ ដើម្បីដឹងពីបញ្ហាសុខភាពច្បាស់លាស់ និងរកវិធីព្យាបាលទាន់ពេលវេលា។
អត្ថបទគួរអាន៖
- ជំងឺគីសស្រទាប់រដូវក្រពេញអូវ៉ែ បង្កការឈឺចាប់ ៥ យ៉ាងនេះ
- ជំងឺដុំគីសទឹកលើក្រពេញអូវែ អាចជាបញ្ហាធ្វើឲ្យស្រីៗគ្មានកូន
- ចេញសញ្ញាទាំងនេះ អាចថាមានដុំគីសក្រពេញអូវែ
- ៥ ចំណុចទាក់ទងនឹងដុំសាច់ក្នុងស្បូន ស្រីៗគួរដឹង
- បើមានដុំសាច់ក្នុងស្បូន អាចជាដោយការញុំាថ្នាំឬទេ?
- មូលហេតុទាំងនេះហើយ ធ្វើឲ្យស្រីៗប្រឈមបញ្ហារលាកទ្វារមាស
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម