វ័យអស់រដូវ ជាដំណាក់កាលដែលអូវែឈប់ផលិតអ័រម៉ូនEstrogen និងProgesterone ហើយជាទូទៅ ស្ត្រីយើងតែងតែអស់រដូវនៅវ័យជិតឈានដល់៥០ឆ្នាំ ឬលើស ៥០ឆ្នាំតិចតួច។ នៅពេលដែលអូវែឈប់ផលិតអ័រម៉ូនទាំងពីរប្រភេទនេះ អាចបង្កឲ្យមានរោគសញ្ញាផ្សេងៗដូចជាការឡើងកម្ដៅខ្លួនភ្លាមៗ អមជាមួយនឹងអាការៈបែកញើស ដែលជាហេតុនាំឲ្យពិបាកក្នុងការគេង។
- ស្លៀកពាក់សំលៀកបំពាក់រលុងៗ ដែលធ្វើពីកប្បាស
- រក្សាភាពត្រជាក់នៅក្នុងបន្ទប់គេង និងឲ្យមានខ្យល់ចេញចូល
- ជៀសវាងអាហារជាក់លាក់ដែលនាំឲ្យបែកញើស (ដូចជាអាហារហឹរ) មុនពេលចូលគេង
- ចូលគេងឲ្យទៀងម៉ោង
- ជៀសវាងមើលទូរទស្សន៍ ញ៉ាំអាហារ ឬអានសៀវភៅនៅលើគ្រែគេង
- ហាត់ប្រាណជាទៀងទាត់ ប៉ុន្តែជៀសវាងហាត់ប្រាណមុនពេលគេង
- ជៀសវាងញ៉ាំភេសជ្ជៈដែលមានជាតិកាហ្វេអ៊ីន ជាតិអាកុល និងជាតិនីកូទីនច្រើនជ្រុល
- ជៀសវាងគេងថ្ងៃ ដែលអាចរំខានដំណេកនៅពេលយប់
- ពិគ្រោះជាមួយគ្រូពេទ្យអំពីថ្នាំដែលអាចជួយឲ្យយើងគេងលក់ស្រួល និងគ្មានផលរំខាន
- នោម មុនពេលចូលគេង។
