សុខភាពទ្វារមាសគឺជារឿងសំខាន់បំផុតមួយ ដែលស្រីៗយើងចាំបាច់យកចិត្តទុកដាក់ឲ្យបានដិតដល់។ ពិតណាស់ នៅពេលដែលទ្វារមាសមានសុខភាពមិនល្អ យូរៗទៅវាអាចនឹងបង្កជាបញ្ហាសុខភាពធ្ងន់ធ្ងរជាក់ជាមិនខាន។ ដូចនេះ ដើម្បីដឹងថាទ្វារមាសសុខភាពល្អ ឬអត់នោះ ស្រីៗយើងអាចសង្កេតមើលសញ្ញាទាំងនេះបាន។
ទ្វារមាសសុខភាពល្អ អាចសង្កេតមើលសញ្ញាទាំង ៤នេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ស្ថានភាពជាក់លាក់អាចបង្ហាញពីការផ្លាស់ប្ដូរនៃសុខភាពទ្វារមាស
- ប្រែប្រួលពណ៌ ក្លិន ឬបរិមាណនៃការធ្លាក់ទឹករម្អិលទ្វារមាស
- រមាស់ទ្វារមាស
- ការធ្លាក់ឈាមនៅចន្លោះពេលមករដូវ បន្ទាប់ពីរួមភេទ ឬបន្ទាប់ពីចូលដល់វ័យអស់រដូវ
សញ្ញាបញ្ជាក់ថាទ្វារមាសសុខភាពល្អ៖
១. ការធ្លាក់ទឹករម្អិលទ្វារមាសប្រក្រតី
ការធ្លាក់ទឹករម្អិលទ្វារមាសជារឿងធម្មតាប៉ុណ្ណោះ ហើយវាក៏អាចបង្ហាញពីសុខភាពទ្វារមាសរបស់យើងផងដែរ។ ទឹករម្អិលពីទ្វារមាសត្រូវបានផលិតដោយក្រពេញក្នុងទ្វារមាស និងមាត់ស្បូន។ ទោះបីជាវាមានលក្ខណៈខុសៗគ្នាពីស្ត្រីម្នាក់ទៅស្ត្រីម្នាក់ទៀតក៏ពិតមែន ការធ្លាក់ទឹករម្អិលដែលប្រក្រតីមានសភាពថ្លា ឬល្អក់ និងមានក្លិនតិចតួច។ បន្ថែមពីនេះ ការធ្លាក់ទឹករម្អិលប្រក្រតីមិនមានពណ៌ខុសប្លែក ហើយក៏មិនមានរមាស់ដែរ។
ចង់ពិនិត្យជំងឺសរសៃឈាមបេះដូង ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
២. ទ្វារមាសមិនរមាស់
ជាមួយគ្នានេះដែរ ទ្វារមាសមានសុខភាពល្អមិនរមាស់ឡើយ។ ជាក់ស្ដែង ការរមាស់ទ្វារមាសកើតឡើងដោយសារតែការបង្ករោគ វ័យអស់រដូវ និងសារធាតុដែលធ្វើឲ្យរមាស់ ឬអាចមកពីជំងឺស្បែក ឬជំងឺកាមរោគ។ ការរមាស់ទ្វារមាសក៏អាចបណ្ដាលឲ្យមានអារម្មណ៍ក្រហាយ ស្នាមក្រហម និងហើមនៅបរិមាណទ្វារមាស។
៣. មិនឈឺចាប់ពេលរួមភេទ
ទន្ទឹមនឹងនេះដែរ ស្រីៗយើងអាចមានអារម្មណ៍ឈឺចាប់នៅអំឡុងពេលរួមភេទ ប្រសិនបើមិនមានទឹករម្អិលចេញពីទ្វារមាសគ្រប់គ្រាន់ទេនោះ។ មួយវិញទៀត ការឈឺចាប់ខ្លាំងនៅអំឡុងពេលរួមភេទនេះ ក៏អាចបណ្ដាលមកពីលក្ខខណ្ឌសុខភាពមួយចំនួនដូចជាមេរោគក្នុងទ្វារមាស ការបង្ករោគ ឬបញ្ហាមាត់ស្បូន។
៤. មិនឈឺចាប់ទ្វារមាសជាទូទៅ
ការឆ្លងមេរោគមួយចំនួនអាចប៉ះពាល់ដល់យោនីឬទ្វារមាស ដែលបណ្ដាលឲ្យមានការឈឺចាប់ និងជួនកាលអាចមានអារម្មណ៍ក្ដៅក្រហាយនៅទ្វារមាស។ ជាទូទៅ ការឈឺចាប់នៅទ្វារមាសសុទ្ធតែបញ្ជាក់ពីបញ្ហាសុខភាពទ្វារមាសផ្សេងៗ ដែលស្រីៗយើងគប្បីតាមដានឲ្យបានដិតដល់ ក៏ដូចជាធ្វើការពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ។
- ហេតុផលពិត ម៉េចបានទឹកក្រូចឆ្មារ ជាឱសថសម្រកទម្ងន់ធម្មជាតិដ៏អស្ចារ្យ
- ភេសជ្ជៈសុខភាព៨មុខ គ្រប់គ្នាមិនគួរមើលរំល
- ផឹកទឹកក្ដៅឧណ្ហៗលាយទឹកឃ្មុំ មានប្រយោជន៍ចំពោះសុខភាព
- សាច់ដូង ក្រៅពីមានជាតិ អាចជួយអីបានខ្លះ?
- ទឹកក្រូចស្រស់ អាចបញ្ចុះជាតិខ្លាញ់អាក្រក់ក្នុងខ្លួនយើងបាន?
- ផឹកទឹកក្រូចគ្មានជាតិស្ករ កុំឲ្យឡើងគីឡូ ប្រយ័ត្នចូលដើម!
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម