ការរមាស់ទ្វារមាស គឺជារឿងធម្មតា ប៉ុន្តែប្រសិនបើស្រីៗគ្នាយើងមានអាការៈរមាស់មិនបាត់សោះ យើងគប្បីទៅជួបពិគ្រោះយោបល់ជាមួយនឹងគ្រូពេទ្យជំនាញ។ នៅក្នុងករណីដែលយើងមានពងបែក ឬកន្ទួលរមាស់ វាអាចជាសញ្ញានៃជំងឺកាមរោគ ។ ចៃលើថ្ងាសក៏អាចបណ្ដាលឲ្យរមាស់ខ្លាំង ដែលចាំបាច់ត្រូវព្យាបាលដោយប្រើថ្នាំតាមវេជ្ជបញ្ជាផងដែរ។ ក្រៅពីការបង្ករោគ (ផ្សិត ឬបាក់តេរី) ឬជំងឺកាមរោគ កត្តាអាលែកហ្ស៊ី ឬបញ្ហាស្បែកក៏អាចជាហេតុនាំឲ្យកើតមានការរមាស់ទ្វារមាសនេះដែរ។ យ៉ាងណាមិញ ប្រសិនបើស្រីៗយើងចង់បំបាត់អាការៈរមាស់នៅត្រង់ទ្វារមាសម្ដងម្កាល វិធីសាស្ត្រទាំងនេះ គឺមានភាពងាយស្រួល និងមានប្រសិទ្ធភាពបំផុត។

១. ពិនិត្យមើលសាប៊ូ

ទ្វារមាស គឺជាតំបន់ដែលងាយរងគ្រោះ ហើយសាប៊ូមួយចំនួន ជាពិសេសប្រភេទសាប៊ូដែលមានក្លិនក្រអូប អាចធ្វើឲ្យយើងមានអាការៈរមាស់ទ្វារមាសកើតឡើង។ ដូច្នេះហើយ ការផ្លាស់ប្ដូរមកប្រើប្រភេទសាប៊ូដែលមិនបង្កជាអាលែកហ្ស៊ី គឺជាអ្វីដែលយើងត្រូវធ្វើជាចាំបាច់។

២. ការប្រើសំឡីអនាម័យ

ស្រីៗយើងមួយចំនួន ប្រហែលជាធ្លាប់ជួបបញ្ហាប្រតិកម្មអាលែកហ្ស៊ីទៅនឹងសំឡីអនាម័យមិនខាន ដែលអាចបង្កជាការរមាស់ទ្វារមាសធ្ងន់ធ្ងរ។ កត្តានេះ គឺបណ្ដាលមកពីសំឡីអនាម័យទាំងនោះមានផ្ទុកក្លិនក្រអូប ដែលអាចធ្វើឲ្យស្បែកត្រង់តំបន់ពិសេសយើងរលាកបាន។ ប្រសិនបើយើងសង្កេតឃើញអំពីអាការៈរមាស់នៅអំឡុងពេលមករដូវ ចូរបញ្ឈប់ការប្រើប្រាស់សំឡីដែលយើងកំពុងប្រើប្រាស់ និងជ្រើសរើសប្រភេទសំឡីណាដែលមិនមានក្លិនក្រអូបជំនួសវិញ។

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

៣. ខោទ្រនាប់ធ្វើពីកប្បាស

ជាទូទៅ ខោទ្រនាប់ដែលធ្វើពីកប្បាសមានអត្ថប្រយោជន៍យ៉ាងខ្លាំង ប្រសិនបើយើងមានបញ្ហាមិនស្រួលនៅត្រង់តំបន់ពិសេស។ ខោទ្រនាប់ប្រភេទនេះ អាចធ្វើឲ្យមានខ្យល់ចេញចូល ដែលអាចកាត់បន្ថយបញ្ហារមាស់ស្បែកបានយ៉ាងពូកែស័ក្ដិសិទ្ធិ។ ការប្រើប្រាស់ខោទ្រនាប់ដែលធ្វើឡើងពីកប្បាស១០០% អាចការពារយើងពីការឆ្លងរោគផ្សិតបាន។

ទ្វារមាស២

៤. ស្អំទឹកកក

ការស្អំទឹកកក ក៏រួមចំណែកកាត់បន្ថយការរមាស់របស់យើងបានផងដែរ។ ប៉ុន្តែស្រីៗយើងគួរប្រើប្រាស់កន្សែង ឬខោទ្រនាប់សម្រាប់ទ្រាប់ពីលើវា ដោយជៀសវាងការប៉ះពាល់ដោយផ្ទាល់ទៅនឹងស្បែកត្រង់ទ្វារមាស ពីព្រោះវាអាចធ្វើឲ្យស្បែករបស់យើងរលាកបាន។

៥. រក្សាអនាម័យឲ្យបានត្រឹមត្រូវ

ការថែរក្សាអនាម័យត្រឹមត្រូវអាចជួយការពារ និងកាត់បន្ថយអាការៈរមាស់ទ្វារមាសបានយ៉ាងអស្ចារ្យ។ ពិតណាស់ ទ្វារមាសគឺជាសរីរាង្គដែលអាចលាងសម្អាតដោយខ្លួនឯង ដោយយើងគ្រាន់តែលាងសម្អាតពីខាងក្រៅជាមួយនឹងទឹកក្ដៅឧណ្ហៗ គឺគ្រប់គ្រាន់ហើយ។ ចូរកុំប្រើប្រាស់ប្រភេទសាប៊ូ ជែល ឬទឹកលាងសម្អាតដែលមានក្លិនក្រអូប និងជៀសវាងប្រើប្រាស់ប្រភេទទឹកអនាម័យ ប្រសិនបើពុំមានការណែនាំពីគ្រូពេទ្យជំនាញទេនោះ។

អត្ថបទគួរអាន៖

ចេះតែរមាស់​ទ្វារ​មាស​ សាក​តិចនិក​ទាំង ៥ នេះ​ អាចជួយបាន!

១. ពិនិត្យ​មើល​សាប៊ូ​

២. ការ​ប្រើ​សំឡី​អនាម័យ​

​​៣. ខោ​ទ្រនាប់​​ធ្វើ​ពី​កប្បាស

​៤. ស្អំ​​ទឹកកក​

៥. រក្សា​អនាម័យ​ឲ្យ​បាន​ត្រឹមត្រូវ​

ចេះតែរមាស់ទ្វារមាស សាកតិចនិកទាំង ៥ នេះ អាចជួយបាន!

១. ពិនិត្យមើលសាប៊ូ

២. ការប្រើសំឡីអនាម័យ

៣. ខោទ្រនាប់ធ្វើពីកប្បាស

៤. ស្អំទឹកកក

៥. រក្សាអនាម័យឲ្យបានត្រឹមត្រូវ