ការថែទាំអនាម័យទ្វារមាសមានសារៈសំខាន់ណាស់ ពីព្រោះថាបើយើងធ្វើអនាម័យទ្វារមាសមិនល្អទេនោះ យើងអាចប្រឈមនឹងបញ្ហាធ្ងន់ធ្ងរជាច្រើន។ ជាក់ស្ដែង បញ្ហាទ្វារមាសមួយចំនួន ដូចជាជំងឺរលាកទ្វារមាសដោយបាក់តេរី និងរលាកអាងត្រគាក សុទ្ធតែអាចរួមចំណែកដល់ការគ្មានកូនរបស់ស្រីៗយើង។ ដូច្នេះហើយ ដើម្បីថែទាំអនាម័យទ្វារមាសឲ្យបានល្អ យើងគួរអនុវត្តតាមគន្លឹះមួយចំនួនខាងក្រោមនេះ។
- ស្លៀកខោទ្រនាប់ដែលធ្វើពីកប្បាស
- ជៀសវាងកាត់តម្រឹមរោមប្រដាប់ភេទញឹកញាប់ ពីព្រោះអាចបង្កជាអាលែកហ្ស៊ី រមាស់ និងការឆ្លងមេរោគផ្សេងៗ
- ប្រើស្រោមអនាម័យរាល់ពេលរួមភេទ និងលាងសម្អាតទ្វារមាសក្រោយរួមភេទរួច
- ញ៉ាំពពួកProbiotics ដូចជាទឹកដោះគោជូរ ដើម្បីជួយជំរុញបាក់តេរីល្អ
- ផ្លាស់ប្ដូរសំឡីអនាម័យញឹកញាប់អំឡុងពេលមករដូវ លាងសម្អាតទ្វារមាសក្រោយពេលនោមរួច ព្រមទាំងជៀសវាងការប្រើផលិតផលបន្ថែមក្លិននៅបរិវេណសំខាន់
- ញ៉ាំទឹកឲ្យបានគ្រប់គ្រាន់ ដើម្បីរក្សាកម្រិតpH របស់ទ្វារមាសឲ្យមានតុល្យភាព ក៏ដូចជាកម្ចាត់ជាតិពុលផ្សេងៗ។