គ្រឿងស្រវឹងបង្កផលប៉ះពាល់ជាច្រើន ដូចជាធ្វើឲ្យខូចថ្លើម ប្រឈមបញ្ហាបេះដូង ក៏ដូចជាបញ្ហាផ្លូវភេទ។ លើសពីនេះ គ្រឿងស្រវឹងក៏អាចធ្វើឲ្យស្រីៗយើងស្ងួតទ្វារមាសដោយមិនដឹងខ្លួនផងដែរ។
គ្រឿងស្រវឹងអាចប៉ះពាល់ដល់បញ្ហាផ្លូវភេទស្ត្រីដោយរបៀបណា?
ជាក់ស្ដែង រាងកាយស្ត្រីស្រូបយកគ្រឿងស្រវឹងខុសពីបុរស ហើយសូម្បីតែការធ្វើមេតាប៉ូលីសក៏មានភាពខុសគ្នាដែរ។ អីចឹងហើយ ប្រសិនបើស្ត្រីញ៉ាំគ្រឿងស្រវឹងក្នុងបរិមាណដូចគ្នាទៅនឹងបុរស នោះជាតិអាកុលក្នុងឈាមអាចមានកម្រិតខ្ពស់ជាង។ ទន្ទឹមនឹងនេះដែរ ការញ៉ាំគ្រឿងស្រវឹងច្រើនជ្រុល ក៏ជាហេតុនាំឲ្យយើងបាត់បង់ចំណង់ផ្លូវភេទ និងពិបាកក្នុងការឈានដល់ចំណុចកំពូល។
