បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

លម្អិតពីWound Infection (ដំបៅក្លាយ)

និយមន័យ

១- អ្វីទៅជាដំបៅក្លាយ?

ពេលស្បែកយើងមានដាច់រលាត់ និងមានការជ្រៀតចូលដោយពពួកបាក់តេរី បង្កឲ្យទៅជាដំបៅកខ្ទុះ ដោយសារមេរោគជាច្រើន ប៉ុន្តែមេរោគកាចសាហាវយើងគួរត្រូវប្រុងប្រយ័ត្នបំផុត គឺមេរោគ តេតាណុស។ ផលវិបាកដោយការបង្ករោគលើដំបៅក្លាយ ធ្វើឲ្យមានគ្រោះថ្នាក់ធ្ងន់ធ្ងរ បើធ្វេសប្រហែសមិនព្យាបាលត្រឹមត្រូវ និងទាន់ពេលវេលា។

ករណីខ្លះអាចចេញជាខ្ទុះ និងទឹករងៃរ៉ាំរ៉ៃ នៅលើរបួសនាំឲ្យឈឺចុកចាប់ពិបាកទ្រាំ ប៉ះពាល់ការរស់នៅប្រចាំថ្ងៃទៀតផង។ មួយទៀតអាចបង្កទៅជាជំងឺរលាកស្បែក បង្ករោគក្នុងឆ្អឹង ខួរឆ្អឹង និងក្នុងឈាមថែមទៀតផង។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

២- កើតឡើងញឺកញាប់ដែរទេ?

ករណីដំបៅក្លាយគឺឧស្សាហ៍កើតលើមនុស្សគ្រប់វ័យ មិនថាប្រុស មិនថាស្រី។ បើមានចម្ងល់ពាក់ព័ន្ធបញ្ហានេះ គួរសាកសួរគ្រួពេទ្យបន្ថែម។

រោគសញ្ញា

៣- រោគសញ្ញាមានអ្វីខ្លះ?

រោគសញ្ញាដំបៅក្លាយជាទូទៅមានដូចជា៖

– ក្ដៅខ្លួន

– ដំបៅប្ដូរពណ៌

– ឡើងក្រហម ហើម ឈឺខ្លាំង

– ចេញខ្ទុះឡើងខៀវ ឬលឿងអន្ធិលៗ មានក្លិនស្អុយចេញពីដំបៅ។

៤- ពេលណាគួរទៅជួបពេទ្យ?

មនុស្សម្នាក់ៗអាចមានសញ្ញាផ្សេងៗគ្នា អ៊ីចឹងគួរពិគ្រោះយោបល់ជាមួយគ្រូពេទ្យប្រសិនបើមានអាការៈប្លែក ឬធ្ងន់ធ្ងរ។

មូលហេតុបង្ក

៥- មូលហេតុបង្កមានអ្វីខ្លះ?

ភាគច្រើន គឺមកពីការប្រមូលផ្តុំមេរោគលើស្បែក ពិសេសគឺពពួកបាក់តេរីតែម្ដង ហើយឧស្សាហ៍ជួបជាងគេ គឺប្រភេទមេរោគ ស្តាហ្វីឡូកូក (Staphylococci)។

កត្តាប្រឈម

៦- កត្តាប្រឈមមានអ្វីខ្លះ?

មានកត្តាប្រឈមជាច្រើនដូចជា៖

– ធាត់

– ខ្វះអនាម័យ

– ខ្វះអាហារូបត្ថម្ភ

– ជំងឺទឹកនោមផ្អែម

– ចរន្តលំហូរឈាមខ្យោយ

– ជំងឺប្រព័ន្ធភាពស៊ាំចុះខ្សោយ

– មិនសូវបញ្ចេញកម្លាំង និងធ្វើចលនាទូទៅ។

អត្ថបទគួរអាន៖

រោគវិនិច្ឆ័យ និងការព្យាបាល

៧– គួរធ្វើរោគវិនិច្ឆ័យដោយវិធីណា?

គ្រូពេទ្យនឹងសាកសួរពីប្រវត្តិជំងឺទូទៅ ក៏ដូចជាមូលហេតុបណ្ដាលឲ្យមានរបួស។ បន្ទាប់មកត្រូវធ្វើតេស្តមួយចំនួនដូចជា៖

– តេស្តឈាម រកមើលកំណើនគ្រាប់ឈាមស

– ថតកាំរស្មីអ៊ិច ឬស្កេន ក្រែងមានអីនៅក្នុងរបួស ហើយករណីនេះគ្រូពេទ្យអាចនឹងចាក់សារធាតុរាវមានពណ៌ ដើម្បីជួយឲ្យរូបភាពកាន់តែច្បាស់ល្អ ប៉ុន្តែគួរប្រាប់ពេទ្យបើយើងធ្លាប់មានប្រតិកម្មជាមួយសារធាតុផ្សំរបស់សូលុយស្យុង។

– បូមយកខ្ទុះទៅបណ្ដុះមេរោគក្នុងមន្ទីរពិសោធន៍ ដើម្បីដឹងពីមូលហេតុកាន់តែច្បាស់។

៨- ព្យាបាលដោយវិធីណា?

គឺអាស្រ័យលើរយៈពេលយើងមានរបួស និងភាពធ្ងន់ធ្ងរនៃរបួសតែម្តង ហើយជម្រើសព្យាបាលមានដូចជា៖

– លាងរបួសជាប្រចាំ

– ថ្នាំបន្ថយហើម និងឈឺចាប់

– បញ្ចូលអុកស៊ីហ្សែន ដើម្បីឲ្យរបួសឆាប់ជាសះ (Hyperbaric oxygen therapy)

– អាចឈានដល់វះកាត់ ករណីមានអ្វីក្នុងរបួស និងសំអាតរបួសដោយកៀរយកកោសិកាងាប់ៗចេញឲ្យស្អាត។

ផ្លាស់ប្តូរទម្លាប់រស់នៅ

៩- ទម្លាប់រស់នៅ

ផ្លាស់ប្តូរទម្លាប់រស់នៅ និងវិធីព្យាបាលនៅផ្ទះ អាចជួយបង្ការ និងគ្រប់គ្រងស្ថានភាពជំងឺបាន ដូចជា៖

– លាងសម្អាតរបួសខ្លួនឯងឲ្យបានស្អាតជានិច្ច មិនត្រូវទុកឲ្យរបួសនៅសើម ត្រូវផ្លាស់ប្ដូរបង់រុំរបួសឲ្យបានទៀងទាត់។

– គ្រប់គ្រងស្ថានភាពជំងឺផ្សេងទៀត ឲ្យមានលំនឹង (ឧ. ជំងឺទឹកនោមផ្អែម ឬលើសឈាម)។

– អំឡុងពេលនេះ មិនត្រូវជក់បារី ព្រោះជាតិ នីកូទីន ក្នុងបារីអាចពន្យារការជាសះស្បើយមុខរបួស។

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ យ៉ានណែត ដាញែល · កែ 22/09/2023

លម្អិតពីWound Infection (​ដំបៅ​ក្លាយ)