គ្នាយើងច្រើនណាស់ យកចិត្តទុកដាក់ថែទាំសក់ ឯខ្លះទៀតអត់សូវខ្វល់ ឬមិនដឹងរបៀប។ សក់ស្អាត មិនមែនសំដៅលើសក់ភ្លីខ្ញង់ មិនបាក់ទេ តែចង់បញ្ជាក់ពីសុខភាពសក់ និងស្បែកក្បាល។ សក់ធ្ងន់ រលាស់ មិនជ្រុះ មិនឡើងអង្គែ មិនស្ងួតបែកចុង ជាអីដែលគ្នាយើងចង់បាន។

មានកត្តាច្រើនបង្កបញ្ហាដល់សក់ ដូចជា ប្រើផលិតផលអត់ត្រូវសាច់ក្បាល ឬសក់ បញ្ហាតំណពូជ បញ្ហាអ័រម៉ូនអត់ទៀង អាហារញ៉ាំរាល់ថ្ងៃ កត្តាស្ត្រេសពិបាកចិត្តច្រើន។ រៀបរាប់គគោកនេះ ដឹងហើយ តែត្រូវធ្វើម៉េចចឹង?

១- ប្រើម្សៅកូនក្មេង

បើគ្មានពេលកក់សក់ទេ សូមយកម្សៅកូនក្មេងត្រាំទឹករហូតឡើងប្រេង រួចយកមកលាបលើសក់ ហើយញីឲ្យសព្វដល់គល់សក់ បន្ទាប់មកទុកចោលរយៈពេល ៥ នាទី ចាំសិតសក់យកភ្លី តាមម៉ូដដែលស្រឡាញ់។ នេះជាជម្រើសល្អមួយសម្រាប់សក់សម្បូរជាតិប្រេង។

២- សាកប្រើសាប៊ូស្ងួត

ដូចគ្នានឹងម្សៅកូនក្មេងដែរ សាប៊ូស្ងួតគ្រាន់តែជួយដោះស្រាយបញ្ហាសក់មានជាតិប្រេងលើសកម្រិតសម្រាប់ស្រីៗរវល់ច្រើន។ សាប៊ូប្រភេទនេះមិនត្រឹមជួយស្រូបយកជាតិប្រេងហួសកម្រិតទេ ព្រមទាំងធ្វើឲ្យសក់មានក្លិនឈ្ងុយទៀតផង។ វាងាយស្រួលប្រើសម្រាប់អ្នកចូលចិត្តដើរយប់។ សូមចាំថា ត្រូវធ្វើតេស្ដសិន មុនប្រើផលិតផលណាមួយ ចៀសវាងធ្វើឲ្យសក់ខូច។

សក់

៣- កក់សក់តិចជាងមុន

បែបនេះស្ដាប់ទៅមិនគួរឲ្យជឿសោះ។ ការពិត បើយើងកក់សក់ញឹកពេក រឹតតែជាតិប្រេងច្រើនឡើងៗ។ សូមប្រើសាប៊ូកក់សក់ដែលមានរូបមន្តពិសេសសម្រាប់ព្យាបាលសក់មានជាតិប្រេង ឬខ្លាញ់រៀងរាល់ ៣-៤ ថ្ងៃម្ដង ឬកក់រាល់ពេលបែកញើសខ្លាំង (បើហាត់កីឡា) ដើម្បីសម្អាតបាក់តេរី។ មិនបាច់ញឹកពេកទេ វាអាចជួយរក្សាស្បែកក្បាលពីធូលី និងជាតិប្រេងច្រើនពេក។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

៤- ប្រើសាប៊ូកក់សក់លាយ

ជែលប្រទាលកន្ទុយក្រពើ លាយជាមួយសាប៊ូកក់សក់ ល្អបំផុតសម្រាប់ព្យាបាលសក់មានជាតិប្រេងហួសកម្រិត។ វាមានសារធាតុរ៉ែជួយបំបាត់សក់មានជាតិខ្លាញ់ ព្រមទាំងជួយចិញ្ចឹមឫសសក់។ ចំពោះវិធីធ្វើ យើងត្រូវយកសាប៊ូមួយពែងលាយទឹកក្រូចឆ្មារមួយស្លាបព្រា លាយរួចថែមជែលប្រទាលកន្ទុយក្រពើស្រស់មួយស្លាបព្រាកាហ្វេទៀត។ កក់សក់ជាមួយល្បាយទាំងនេះ រួចទុកចោលប្រហែល ៣ នាទីមុនពេលលាងសម្អាត។

យើងអាចរក្សាទុកវាក្នុងទូទឹកកករយៈពេល ១ សប្ដាហ៍ ក៏នៅតែអាចប្រើបានដែរ។

៥- សាកល្បងលេងម៉ូដសក់ប្លែកៗ

ចំណុចនេះ យើងគិតថាចម្លែកបន្តិច ប៉ុន្តែការពិត អ្នកមានសក់ត្រង់សម្បូរជាតិខ្លាញ់ និងប្រេងច្រើន ជាងអ្នកសក់រួញ ឬអង្គាដី។ ការប្ដូរម៉ូដសក់ត្រង់ទៅជាសក់រួញ ឬម៉ូដសក់ទឹករលក ក៏អាចជួយកាត់បន្ថយការផលិតបរិមាណជាតិខ្លាញ់ ឬប្រេងលើស្បែកក្បាល។

ទាំងនេះគ្រាន់តែជាគន្លឹះងាយៗជួយយើងទប់ទល់បញ្ហាសក់មានជាតិប្រេងលើសកម្រិតក្នុងស្ថានភាពបណ្ដោះអាសន្នប៉ុណ្ណោះ។ ទោះយ៉ាងណា ត្រូវចេះបន្ធូរអារម្មណ៍ និងញ៉ាំអាហារសុខភាព។

ថ្វីត្បិតតែមធ្យោបាយខាងលើស្ដាប់ទៅច្រើន ឬសាំញ៉ាំ ប៉ុន្តែការរើសសាប៊ូ ស្ព្រាយបាញ់/លាបសក់ ឬឧស្សាហ៍ធ្វើសក់ (អ៊ុត កៀប) ក៏ជាប្រភពនាំបញ្ហាដល់សក់ដែរ។

អត្ថបទគួរអាន៖

ថែ​សក់​ម៉េច​ឲ្យ​ស្អាត មិន​ជ្រុះ ​មិន​ឡើង​អង្គែ មិន​ឡើង​ប្រេង មិន​ស្ងួត មិន​បែកចុង?

១- ប្រើម្សៅកូនក្មេង

២- សាកប្រើសាប៊ូស្ងួត

៣- កក់សក់តិចជាងមុន

៤- ប្រើសាប៊ូកក់សក់លាយ

៥- សាកល្បងលេងម៉ូដសក់ប្លែកៗ

ថែសក់ម៉េចឲ្យស្អាត មិនជ្រុះ មិនឡើងអង្គែ មិនឡើងប្រេង មិនស្ងួត មិនបែកចុង?