អ្នកឧស្សាហ៍ប្ដូរពណ៌សក់ឲ្យទាន់សម័យ អាចប្រឈមធ្វើឲ្យសក់ខូច និងបែកចុង។ “Hello គ្រូពេទ្យ” នឹងប្រាប់វិធីថែសក់ ក្រោយលាបថ្នាំរួច ដើម្បីការពារសក់មិនឲ្យខូច ឬបែកចុង។
មាតិកា
ស្រីៗឧស្សាហ៍លាបសក់ តស់! មកដឹងពីតិចនិកជួយកុំឲ្យសក់ខូច និងបែកចុង
១- កំណត់ពេលលាងសក់
មិនត្រូវលាងសក់ញឹកញាប់ដូចធ្លាប់ធ្វើនោះទេ។ ៣ថ្ងៃ ទាំងមុន និងក្រោយលាបសក់ មិនត្រូវកក់សាប៊ូសក់ឡើយ។ ពេលសក់យើងចាប់ផ្តើមរាបស្មើ ឬកើតមានជាតិប្រេង គួរប្រើសាប៊ូកក់សក់ស្ងួតជាបណ្ដោះអាសន្ន។
២- ធ្វើឲ្យសក់មានសំណើមជាងមុន
បន្ទាប់ពីលាបសក់ សក់យើងច្បាស់ជាបាត់បង់ស្រទាប់ធម្មជាតិស្រោបពីក្រៅ និងក្លាយទៅជាស្ងួតខ្លាំង។ ហេតុនេះ សក់ត្រូវការសំណើមបន្ថែម ហើយដើម្បីផ្តល់សំណើមឲ្យសក់ ត្រូវប្រើក្រេមបន្ទន់សក់មានជាតិសំណើមខ្លាំង ម្តងក្នុងមួយសប្តាហ៍។ លើសពីនេះ លាយក្រេមបន្ទន់មានសំណើមខ្លាំង ជាមួយក្រេមបន្ទន់សក់ធម្មតា ដើម្បីប្រើប្រាស់រាល់ថ្ងៃ កាន់តែទទួលបានលទ្ធផលល្អថែមទៀត។
៣- កំណត់ការប្រើកម្តៅលើសក់
កម្តៅទាំងអស់ រួមទាំង ម៉ាស៊ីនផ្លុំសក់ ប្រដាប់កៀបសក់ ឬប្រដាប់អ៊ុតសក់រួញជាដើម សុទ្ធតែធ្វើឲ្យសក់យើងឆាប់ខូចជាងធម្មតា។ ក្រៅពីនេះ សូមប្រើស្ព្រាយការពារកម្តៅសក់ឲ្យជាប់ជាប្រចាំ។
គណនា BMI
៤- ថែទាំបន្ថែមកុំឲ្យបែកចុង
រឿងលាបសក់ ភាគច្រើនធ្វើឲ្យសក់បែកចុង ហេតុនេះត្រូវស្វែងរកផលិតផលការពារសក់។ បើសក់យើងបែកចុងហើយនោះ គួរកាត់វាចោល និងពិនិត្យ ក៏ដូចជាថែទាំងដោយប្រើផលិតផលផ្សេងទៀត។
៥- ប្រើប្រាស់គ្រឿងបន្ទន់សក់ ក្រោយងូតទឹក
សក់យើងច្បាស់ជាងាយខូច បើក្រោយលាបរួចមិនបានការពារដិតដល់។ បន្ទាប់ពីងូតទឹកហើយ ប្រើគ្រឿងបន្ទន់សក់ មុននឹងសិតបញ្ចូលគ្នា។ ទាំងនេះនឹងកាត់បន្ថយបញ្ហាកណ្តាញ់ និងពកនៅលើសក់ ដោយបានធ្វើឲ្យត្រង់ស្អាត និងមានសំណើម។
៦- ការពារសក់ពីពន្លឺព្រះអាទិត្យ
សក់ស្ងួត ហើយបានលាបថ្នាំ គឺមិនគួរប៉ះនឹងពន្លឺព្រះអាទិត្យដោយផ្ទាល់នោះឡើយ។ ស្វែងរកផលិតផលមានផ្ទុកសារធាតុការពារកាំរស្មី UV អាចជួយការពារសក់បាន និងអាចប្រើមួក ឬកន្សែងគ្រប់សក់ពេលចេញក្រៅ។
៧- ប្រើម៉ាស់ពេលយប់រៀងរាល់ពីរសប្តាហ៍ម្តង
ប្រើប្រាស់ Deep Conditioner (ម៉ាស់សម្រាប់ថែរក្សាសក់) ១ ដង/សប្តាហ៍។
៨- ស្វែងយល់ពីប្រេងដែលសក់ត្រូវការចាំបាច់
ប្រេងលើសក់ ពិតជាអាថ៌កំបាំងនៃភាពស្រស់ស្អាតមួយ។ អាចជួយឲ្យសក់មានពន្លឺជាងមុន ទន់ជាងមុន និងមានសុខភាពល្អជាងមុន។ ប្រើវាជាប្រចាំ ធ្វើឲ្យយើងមើលទៅប្លែក និងទាក់ទាញជាងមុន។ ប្រេងប្រភេទនេះ ក៏អាចប្រើប្រាស់សម្រាប់លាបលើស្បែក ដូចនឹងផលិតផលថែទាំស្បែកដែរ។
៩- តម្រឹមសក់ជាប្រចាំ
តម្រឹមសក់ជាប្រចាំ នឹងជួយសក់មិនងាយបែកចុង ក៏ដូចជាត្រៀមសម្រាប់សក់ថ្មីដុះឡើង ជួយឲ្យដុះកាន់តែលឿនជាងមុន។
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
10 Things to Do After Bleaching Your Hair, Going Blonde. http://www.gurl.com/2014/02/27/things-you-have-to-do-after-bleaching-your-hair-going-blonde/#10 Accessed January 17, 2017
How To Take Care Of Bleached Hair – Dos & Don’ts
https://www.stylecraze.com/articles/how-to-take-care-of-bleached-hair/
11 Expert-Approved Tips to Fix Bleached, Damaged, and Over-Processed Hair
Bleached Hair | How to Take Care of Bleached Hair and Fix Damage
កំណែប្រែបច្ចុប្បន្ន
18/10/2024
អត្ថបទដោយ Khlaut Rithy
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម