Frostbiteឬការស្លាប់ជាលិកាដោយត្រូវត្រជាក់ ជារបួសដែលបណ្ដាលមកពីការកកនៃស្បែក និងជាលិកាផ្សេងទៀត។ នៅដំណាក់កាលដំបូងនៃFrostbite មិនមានការបំផ្លាញស្បែកធ្ងន់ធ្ងរនោះទេ។ ការបណ្ដោយស្បែកឲ្យត្រូវត្រជាក់ ក្នុងអាកាសធាតុដែលមានខ្យល់ខ្លាំង អាចនាំឲ្យយើងងាយរងគ្រោះដោយបញ្ហាស្បែកដ៏គ្រោះថ្នាក់មួយនេះ។ យ៉ាងណាមិញ បើទោះជាយើងពាក់ស្រោមដៃ ឬសំលៀកបំពាក់បិទជិត យើងក៏នៅតែមានឱកាសកើតFrostbite ដូចគ្នា។ រាល់ដំណាក់កាលណាមួយនៃFrostbite គឺទាមទារឲ្យយើងត្រូវព្យាបាលជាបន្ទាន់ ពីព្រោះវាអាចបំផ្លាញស្បែក សាច់ដុំ ឆ្អឹង និងជាលិកាដទៃទៀតជារៀងរហូត។