ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចូលដល់រដូវរងារភ្លាម ស្បែករបស់យើងចាប់ផ្តើមខ្សោះជាតិទឹក ដែលនាំឲ្យស្បែកស្ងួតគ្រើម និងជ្រីវជ្រួញ។ ពិតណាស់ ការជ្រើសរើសក្រែមផ្តល់សំណើមដល់ស្បែក គឺជារឿងដែលមិនអាចខ្វះបានឡើយ។ ទន្ទឹមនឹងនេះដែរ យើងក៏អាចបន្ថែមជាមួយនឹងម៉ាសបិទមុខធម្មជាតិ ដើម្បីជួយឲ្យស្បែកក្មេងជាងវ័យ និងផ្តល់សំណើមកាន់តែប្រសើរ។
គ្រឿងផ្សំទាំងពីរនេះ មានប្រសិទ្ធភាពខ្ពស់ក្នុងការកម្ចាត់បញ្ហាស្បែកស្ងួត។ ជាក់ស្តែង ផ្លែបឺរផ្តល់នូវអាស៊ីដខ្លាញ់សំខាន់ ស្របពេលដែលទឹកឃ្មុំដើរតួជាភ្នាក់ងារផ្តល់សំណើមដ៏ល្អឥតខ្ចោះ។
គ្រឿងផ្សំ៖ ផ្លែបឺរទុំចំនួន១ផ្លែ និងទឹកឃ្មុំមួយស្លាបព្រាបាយ
វិធីធ្វើ៖ កិនផ្លែបឺរឲ្យម៉ត់ល្អ ហើយលាយជាមួយនឹងទឹកឃ្មុំ ដោយលាបនៅលើផ្ទៃមុខ និងទុកប្រហែល១៥ ទៅ២០នាទី សឹមលាងជម្រះចេញ។
ចំណែកម៉ាសមួយប្រភេទនេះវិញ ល្អបំផុតក្នុងការជម្រុះកោសិកាចាស់ៗនៃស្បែក ទប់ស្កាត់ប្រតិកម្ម និងការរលាកនៃស្បែក។ បន្ថែមពីនេះ គ្រឿងផ្សំទាំងពីរមុខនេះ ក៏អាចបញ្ចៀសបញ្ហាស្បែកស្ងួតនៅក្នុងរដូវរងារ និងជួយឲ្យស្បែកភ្លឺថ្លាថែមទៀតផង។
គ្រឿងផ្សំ៖ ទឹកដោះគោជូរ២ស្លាបព្រាបាយ និង Oatmeal មួយស្លាបព្រាបាយ
វិធីធ្វើ៖ លាយគ្រឿងផ្សំបញ្ចូលគ្នា និងម៉ាស្សាលើផ្ទៃមុខថ្មមៗ ដោយទុកចោលរយៈពេល១៥នាទី មុនពេលលាងជម្រះចេញ។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ផ្លែចេកសម្បូរទៅដោយវីតាមីន និងសារធាតុប្រឆាំងនឹងអុតស៊ីតកម្ម។ ចំណែកប្រេងដូង មានសមត្ថភាពខ្ពស់ ក្នុងការជួយផ្តល់ជាតិទឹកដ៏ល្អដល់ស្បែក។ អ៊ឹចឹងហើយ ទើបម៉ាសធម្មជាតិមួយប្រភេទនេះ មិនត្រឹមតែជួយផ្តល់ជាតិទឹកដល់ស្បែកប៉ុណ្ណោះទេ ថែមទាំងជួយឲ្យស្បែកភ្លឺថ្លាចេញពីខាងក្នុងផងដែរ។
គ្រឿងផ្សំ៖ ផ្លែចេកទុំកន្លះផ្លែ ខ្ទះដូងមួយស្លាបព្រាបាយ
វិធីធ្វើ៖ កិនផ្លែចេកឲ្យម៉ត់ល្អ ដោយចាក់ខ្ទិះដូងចូលគ្នា រួចកូរឲ្យសព្វ។ លាបនៅលើផ្ទៃមុខ និងទុករយៈពេល១៥ ទៅ២០នាទីមុនលាងជម្រះចេញ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
