ជាំមុខ ឬហៅបែបវេជ្ជសាស្ត្រថាការកើនឡើងជាតិពណ៌ខ្លាំងគឺជាបញ្ហាដែលឧស្សាហ៍ជួបប្រទះ។ ជាំមុខគឺស្នាមបន្ទះពណ៌ត្នោតលើស្បែកខ្លួនឬស្បែកមុខដែលបណ្ដាលមកពីបញ្ហាផលិតជាតិពណ៌ខុសប្រក្រតី។ ជាំមុខគឺបញ្ហាដែលគួរយកចិត្តទុកដាក់។ ខាងក្រោមនេះជាវិធីខ្លះៗដែលយើងអាចយកទៅអនុវត្តបាន៖
ទឹកក្រូចឆ្មារ
ទឹកក្រូចឆ្មារគឺមានជាតិកាត់ជួយធ្វើឲ្យស្បែកថ្លាមិនសូវឃើញជាំដោយសារតែជាតិផ្សំដ៏ពិសេសរបស់វា។ សារធាតុពិសេសរបស់ក្រូចឆ្មារគឺមានជាតិអាស៊ីដធម្មជាតិដែលអាចជួយជម្រុះស្រទាប់ស្បែកខាងក្រៅហើយនាំយកជាតិពណ៌ត្នោតទៅជាមួយដែរ។ អ្វីដែលត្រូវធ្វើគឺច្របាច់យកជាតិទឹកវាហើយលាបលើកន្លែងដែលមានជាំ។ទុកចោល២០នាទីរួចលាងជាមួយទឹកក្ដៅឧណ្ហៗ។ វិធីនេះគឺណែនាំឲ្យប្រើពីរដងក្នុងមួយថ្ងៃ។ ក្នុងពេលបីអាទិត្យអ្នកនឹងឃើញលទ្ធផល។
អត្ថបទបាក់ព័ន្ធ៖ ក្តៅចង់ឆេះអ៊ីចឹង ថែស្បែកម៉េចកុំឲ្យខ្មៅ ខ្លោច?
ទឹកខ្មេះប៉ោម
ដោយជាតិអាស៊ីដអាសេទិចនៅក្នុងទឹកខ្មេះមានសារជាតិកាត់ដូចនៅក្នុងសាប៊ូកាត់(BleachProducts)វាអាចជួយលុបស្នាមជាំពណ៌ត្នោតបានហើយក៏ដូចជាធ្វើឲ្យស្បែកទន់និងជួយស្បែកក្មេងជាងវ័យ។ អ្នកត្រូវលាយទឹកខ្មេះជាមួយទឹករួចយកសូលុយស្យុងលាយនោះលាបលើស្បែកដែលជាំរួចទុកឲ្យស្ងួតបន្ទាប់មកលាងមុខជាមួយទឹកក្ដៅឧណ្ហៗចេញរួចជូតមុខថ្នមៗ។ យើងអាចធ្វើមួយថ្ងៃម្ដងគឺគ្រប់គ្រាន់។
រមៀត
រមៀតគឺជាសារធាតុដ៏មានប្រសិទ្ធភាពម្យ៉ាងទៀតដើម្បីជួយកាត់បន្ថយជាតិជាំដោយសារតែមុខងារសកម្មរបស់វាជួយឲ្យស្បែកថ្លានិងបន្ថយអុកស៊ីតកម្មនៃកោសិកា។ គ្រាន់តែលាយម្សៅរមៀតប្រាំស្លាបព្រាបាយនិងទឹកដោះគោ១០ស្លាបព្រាបាយ។ លាយវាកូរឲ្យទៅជាល្បាយប៉ិៗ (យើងអាចលាយម្សៅក្រៅបាន១ក្រាម) រួចលាបលើស្បែកដែលជាំ។ទុកចោល២០នាទីរួចលាងជាមួយទឹកក្ដៅឧណ្ហៗបន្ទាប់ជូតមុខថ្នមៗ។ អ្នកអាចអនុវត្តបានរៀងរាល់ថ្ងៃ។
ទឹកខ្ទឹមបារាំង
សារធាតុស៊ុលហ្វ័រនៅក្នុងខ្ទឹមបារាំងអាចទៅជាថ្នាំព្យាបាលមុខដ៏មានប្រសិទ្ធភាព។ សារធាតុនេះហើយដែលមានឥទ្ធិពលជួយកាត់ជាតិជាំលើស្បែកនេះបាន។ យើងគ្រាន់តែកាត់ខ្ទឹមបារាំង៣មើមជាចំណិតៗ,រួចដាក់វាក្នុងស្បៃដើម្បីច្របាច់យកទឹកវា បន្ទាប់មកដាក់លាយជាមួយទឹកខ្មេះប៉ោមក្នុងកម្រិតស្មើគ្នា។ ប្រើសំឡីជ្រលក់ក្នុងសូលុយស្យុងដើម្បីផ្ដិតលើមុខដែលមានជាំ ហើយ២០នាទីក្រោយលាងមុខចេញជាមួយទឹកក្ដៅឧណ្ហៗ។ យើងអាចអនុវត្តតាមវិធីនេះពីរដងក្នុងមួយថ្ងៃ ក្នុងរយៈពេលពីពីរទៅបីអាទិត្យ។
ស្រូវសាឡី (Oatmeal)
ស្រូវសាឡីមានផ្ទុកទៅដោយសារធាតុសម្អាតដ៏ល្អសម្រាប់ស្បែកដែលមានការផលិតជាតិពណ៌លើសលុប។ សារធាតុនៃស្រូវសាឡីប្រភេទនេះអាចជួយកាត់ជាតិពណ៌លើស្បែកធ្វើស្បែកភ្លឺចែងចាំង។ យើងគ្រាន់តែលាយម្សៅស្រូវសាឡីពីរស្លាបព្រាបាយ ទឹកដោះគោពីរស្លាបព្រាបាយ និងទឹកឃ្មុំមួយស្លាបព្រាបាយ។ ការអនុវត្តគឺដូចគ្នាគឺលាបលើស្នាមជាំនិងទុកចោល២០នាទីរួចលាងជាមួយទឹកចេញ។ វិធីនេះអាចអនុវត្តបានពីរទៅបីដងក្នុងមួយសប្ដាហ៍។
អត្ថបទពាក់ព័ន្ធ៖
- ថែស្បែកមុខយ៉ាងម៉េច កុំឲ្យឡើងមុន?
- តិចនិកថែរក្សាស្បែកមុខងាយៗសម្រាប់ប្រុសៗ
- Makeup ញឹកញាប់ជាមូលហេតុនាំឲ្យឡើងមុន ស្រីៗគួរចេះតិចនិកទាំងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នកជម្រើសល្អបំផុត សូមពិគ្រោះនិងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-due-date]
