មិនមែនមានតែស្រីៗឯណា ចេះចង់ស្អាត ប្រុសៗក៏ចង់មានស្បែកស្អាតដូចគ្នា គ្រាន់គ្នាយើងខ្លះ អារឿងទៅហាងម៉ាស្សា កែសម្ផស្ស មានអារម្មណ៍អៀនបន្តិច។ ប្រុសៗគ្នាយើងកុំបារម្ភទៀត ក៏មិនចាំបាច់ចំណាយលុយច្រើន ហើយមានអារម្មណ៍ខ្លាចគេថាចេកនោះដែរ “Hello គ្រូពេទ្យ” នឹងប្រាប់តិចនិកងាយៗ ជួយប្រុសៗ អាចថែរក្សាស្បែកមុខបានស្រស់ស្អាត។

១- លាងសម្អាតស្បែក

ចំពោះប្រុសៗភាគច្រើនស្បែក ហាក់ដូចជាមានខ្លាញ់ច្រើននៅពេលថ្ងៃនៅ តាមតំបន់ខ្លះនៅលើផ្ទៃមុខ ទោះជាអាកាសធាតុត្រជាក់ក៏ដោយ។ បញ្ហាចេញខ្លាញ់លើមុខខ្លាំងពេក អាចបណ្តាលឲ្យស្បែកមានសភាពស្អិត និងអាចស្ទះដល់រន្ធញើសបាន ហើយថែមទាំងអាចធ្វើឲ្យឡាមមិនរអិល នៅពេលយើងកោរពុកម៉ាត់ ឬរោមមុខដូចគ្នា។ ដូច្នេះ មុនពេលកោររោមនៅលើមុខ ត្រូវលាងសម្អាតផ្ទៃមុខជាមួយទឹក និងសាប៊ូដុសមុខឲ្យបានស្អាត ដើម្បីប្រាកដថាគ្មានការស្ទះដែលបណ្តាលមកពីខ្លាញ់។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

២- កោររោមឲ្យបានស្អាតល្អ

អ្នកជំនាញថែរក្សាស្បែក បានណែនាំឲ្យប្រុសៗ គួរតែលាងមុខរជាមួយនឹងទឹកក្តៅឧណ្ឌៗជាមុនសិន បន្ទាប់ពីលាងសម្អាតរួច ដើម្បីឲ្យរន្ធញើសបើក មុនពេលកោររោមលើមុខ។ បន្ទាប់មកត្រូវលាបក្រែម ឬជែលកោររោមលើមុខស្តើងៗ ដើម្បីឲ្យស្បែកមានសំណើម ទន់ និងមានកំដៅ។ ហើយដើម្បីជួយស្បែកមុខកាន់តែរលោង ត្រូវតែឧស្សាហ៍កោររោមលើមុខ។

៣- ប្រើឧបករណ៍កោររោមមានមុខងារច្រើន

វិធីងាយមួយទៀតសម្រាប់ប្រុសៗកោររោម នៅពេលកំពុងងូតទឹកនេះឯង មិនត្រឹមតែចំណេញពេលវេលាទេ ថែមទាំងជាពេលស្បែកមានសំណើម រន្ធញើសបើក ហើយរោមក៏មានសភាពទន់ និងងាយសម្អាតជាងធម្មតាទៀតផង។

៤- កោរតាមណ្តោយរោម

ការណែនាំឲ្យកោររោមបញ្ច្រាស់ពីទិសដៅរោមដុះ ជាការសន្និដ្ឋានខុសទាំងស្រុង ព្រោះវិធីកោរបែបនេះ អាចបណ្តាលឲ្យមានការរលាកស្បែក ហើយអាចធ្វើឲ្យខូចខាតដល់រោមយើងបាន។ ដូច្នេះការណែនាំល្អបំផុត យើងគួរតែកោររោមទៅតាមបណ្តាយរោមបានដុះ។

សម្រស់

អត្ថបទពាក់ព័ន្ធ៖

៥- ជ្រើសរើសឡាមសមស្របនឹងរោម ក៏ដូចជាស្បែកមុខ

អាចជាឧបករណ៍មានឡាមមួយ ឬឡាមច្រើន។ បើចង់ចំណាយពេលតិចនោះ អាចជ្រើសរើសយកឧបករណ៍កោរមានមុខឡាមបី ឬប្រាំ។ អ្វីដែលសំខាន់ ត្រូវចងចាំនោះ ត្រូវមានភាពពេញចិត្ត និងមានអារម្មណ៍ថា មានផាសុខកភាព នៅពេលប្រើ ហើយកុំឲ្យមានសម្ពាធខ្លាំងពេកព្រោះអាចបណ្តាលឲ្យមានការរលាក និងកោរទៅមិនស្អាត។

៦- ត្រូវមានពេលវេលាគ្រប់គ្រាន់

ជាធម្មតា ស្បែកមានសភាពងាយឆាប់ខូច ហើយងាយប្រតិកម្ម បើយើងធ្វើចលនាឡាម ឬលាបក្រែមលឿនពេក។ ត្រូវទុកពេលវេលាឲ្យខ្លួនឯងគ្រប់គ្រាន់នៅពេលកោរ ដោយទុកពេល ២-៣ ដើម្បីលាង លាបក្រែម និងកោរ។

៧- ប្រើទឹកសំណើមនៅពេលថ្ងៃ និងពេលយប់

ត្រូវលាបក្រែមផ្តល់សំណើម ឬឡេនៅពេលថ្ងៃ និងយប់ ដើម្បីជួយឲ្យស្បែកមានសំណើម ទន់រលោង និងងាយស្រួលកោររោមជាងមុន។ ផ្តល់សំណើម ក៏ជួយឲ្យចៀសវាងពីការកាត់ត្រូវស្បែក និងរោលរលាកមុខផងដែរ។ ប្រុសៗគ្នាយើង អាចរកមើលឡេមានផ្តល់ជាតិទឹកធម្មជាតិ ដូចជាវីតាមីន E ឬប្រេងសំខាន់ៗមួយចំនួន។

តិចនិកថែរក្សាស្បែកមុខ​ងាយៗសម្រាប់ប្រុសៗ