ម៉ាក់ៗស្ទើរទាំងអស់ហើយដែលចូលចិត្តឲ្យទារកបៅក្បាលដោះ ដើម្បីឲ្យកូនស្រួល មិនងិកង៉ក់ រករឿង។ ក្រៅពីគុណសម្បត្តិទាំងនេះ តើការឲ្យកូនបៅក្បាលដោះជ័រយូរ អាចមានផលប៉ះពាល់ដែរឬទេ?
-បងស្រី វុទ្ធី ជាស្រ្តីមេផ្ទះម្នាក់ នៅរាជធានីភ្នំពេញ បានឲ្យដឹងថា ការដែលឲ្យកូនទម្លាប់ប្រើក្បាលដោះ ព្រោះវាផ្តល់ភាពងាយស្រួលដល់ខ្លួន កូនមិនសូវរករឿង ហើយឆាប់គេងលក់ស្រួល តែអ្វីដែលពិបាកនោះ គឺកូនបៅដល់ធំ ពិបាកនឹងផ្តាច់ចេញណាស់។
-បងស្រី លក្ខណ៍ ជាអ្នកលក់ដូរម្នាក់ នៅភ្នំពេញនេះ បានឲ្យដឹងថា “កូនខ្ញុំពូកែរករឿង ពិបាកគេងពេក ក៏សម្រេចឲ្យប្រើក្បាលដោះតែម្តងទៅ។ ពេលបានបៅក្បាលដោះហើយ ដាក់លើអង្រឹងចោល ក៏គេងលក់ដោយខ្លួនឯងដែរ។‘ បែបនេះក្តី បងស្រីក៏ព្រួយបារម្ភដែរ ព្រោះតែឮថា កូនបៅក្បាលដោះជ័រយូរមិនងាយផ្តាច់ទេ ហើយថែមទាំងធ្វើឲ្យខូចធ្មេញទៀត។
អត្ថបទពាក់ព័ន្ធ៖
- ស្រោមដៃស្រោមជើងទារក គួរពាក់ដល់កូនអាយុប៉ុន្មានទើបល្អ?
- ក្មេងទើបកើត កុំធ្វើរឿងទាំងប៉ុន្មាននេះដាក់ឲ្យសោះ
ទោះការឲ្យកូនបៅក្បាលដោះជ័រផ្តល់ភាពងាយស្រួលមែន ប៉ុន្តែ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តី នៃមន្ទីរពេទ្យមិត្តភាពកម្ពុជា-ចិន សែនសុខ បានបញ្ជាក់ឲ្យដឹងថា ការដែលបណ្តោយឲ្យកូនបៅក្បាលដោះយូរ ពិតណាស់វាអាចធ្វើឲ្យកូនរីកបបូរមាត់បាន។ មិនតែប៉ុណ្ណោះ វាអាចផ្តល់ផលវិបាកដល់កូនដូចជា៖
– រីកក្រអូមមាត់
– ធ្មេញលនមកមុខ
– ធ្មេញខាំមិនត្រូវជួរ
– ធ្មេញខាំមិនស៊ីគ្នា។ល។
លោកវេជ្ជបណ្ឌិត បានបន្តឲ្យដឹងថា យកល្អមិនគួរឲ្យទារកប្រើក្បាលដោះទេ ព្រោះវាផ្តល់ផលវិបាកច្រើនដូចដែលបានរៀបរាប់ខាងលើ។
អត្ថបទពាក់ព័ន្ធ៖
- ហេតុអ្វីបានជាបេប៊ីទើបកើតមួយចំនួន មានជំងឺស្ទះរន្ធទឹកភ្នែក?
- តិចនិកបញ្ចុះកម្តៅកូនតូចៗពេលក្តៅខ្លួនខ្លាំង មិនឲ្យគ្រោះថ្នាក់ដល់ជីវិត
- ពេលណា ទារកបញ្ចេញស្នាមញញឹមលើកដំបូង?
- ទារកទើបកើត គួរឲ្យបៅប៉ុន្មានដងក្នុងមួយថ្ងៃ?
- រឿងគួរបារម្ភ បើកូនតូចកើតលឿង
- ភ្នែកប៊េបីងាយមានបញ្ហាណាស់ ម៉ាក់ៗត្រូវប្រយ័ត្ន ចៀសបញ្ហាទាំងនេះ
- ទារក កើតតាមបែបធម្មជាតិ និងវះកាត់ មានបាក់តេរីខុសគ្នា
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
