នៅពេលទារកកើតមកភ្លាមពេទ្យត្រូវពិនិត្យមើលសុខភាពទូទៅ ជាពិសេសផ្នែករាងកាយ ដើម្បីបញ្ជាក់ថា ទារកគ្រប់លក្ខណៈល្អ ។ ក្រៅពីការពិនិត្យទៅលើរាងកាយ ខាងគ្រូពេទ្យជំនាញក៏ត្រូវធ្វើតេស្តដោយប្រើឧបករណ៍ឆ្លុះមើល ដើម្បីរកជំងឺពីកំណើតរបស់ទារកផងដែរ។ នេះបើតាមការឲ្យដឹងពីមន្ទីរពេទ្យ កាល់ម៉ែត។
ការពិនិត្យផ្សេងទៀតដែលក្រៅពីការធ្វើពិនិត្យមើលសុខភាពរាងកាយទូទៅ មានការធ្វើតេស្តឈាម ការឆ្លុះបេះដូង ការធ្វើតេស្តការស្តាប់ ឬការជោះកែងជើងជាដើម ពីព្រោះការពិនិត្យទៅលើផ្នែកទាំងនេះ អាចជួយឲ្យក្រុមគ្រូពេទ្យ ដឹងពីសុខភាពទារកកាន់តែច្បាស់ និងដើម្បីរកមើលថា តើទារកមានជំងឺអ្វីមួយពីកំណើតដែរឬក៏អត់ដូចជា៖
-តេស្តឈាម៖ ការធ្វើតេស្តឈាម គឺដើម្បីពិនិត្យមើលប្រភេទក្រុមឈាមទារក ដែលទាមទារដល់ការតាមដានព្យាបាលជាបន្ទាន់ ដើម្បីឲ្យទារករួចផុតពីពិការភាពសម្បទា និងប្រាជ្ញាស្មារតី និងជំងឺពីកំណើតមួយទៀត គឺកង្វះអង់ស៊ីម G6PD (Glucose 6 Phospfate De hydrogenase) ដែលទាមទារឲ្យទារកត្រូវតមចំណីអាហារ និងឱសថមួយចំនួនទៅថ្ងៃអនាគត។
-ឆ្លុះអេកូបេះដូង៖ ការឆ្លុះអេកូបេះដូងមើល គឺដើម្បីរកមើលពីបញ្ហាបេះពីកំណើត ដែលត្រូវការព្យាបាលវះកាត់បន្ទាន់ ឬព្យាបាលតាមដានរយៈពេលយូរ។
-តេស្តការស្តាប់៖ មុននឹងទារកចេញពីមន្ទីរពេទ្យជាមួយម្ដាយ គឺត្រូវពិនិត្យមើលការស្ដាប់របស់ទារកសិន ដើម្បីរកមើលថា ទារកមាន ឬគ្មានបញ្ហាថ្លង់ ឬពិបាកស្ដាប់ឲ្យបានលឿនបំផុត។ ប្រសិនបើទារកមានបញ្ហានេះ ពេទ្យនឹងអាចរកវិធីព្យាបាល ដើម្បីដោះស្រាយ ក៏ដូចជាជួយសម្រួលដល់ការអភិវឌ្ឍនៃការប្រាស្រ័យទាក់ទងរបស់ទារក។
-ជោះកែងជើង៖ ការពិនិត្យកែងជើងទារក គឺដើម្បីរកមើលជំងឺមេតាបូលីកពីកំណើត ដែលធ្វើឲ្យទារកបាត់បង់ការលូតលាស់ផ្នែកប្រាជ្ញាស្មារតី បញ្ហាខ្សោយ រាងកាយក្រិន ឬអាចបណ្ដាលឲ្យទារកស្លាប់ ប្រសិនបើទទួលការព្យាបាលមិនទាន់ពេលវេលា។
មន្ទីរពេទ្យ កាល់ម៉ែត បន្តថា ការពិនិត្យសុខភាពទារកគឺសំខាន់ណាស់ ទោះបីទារកកើតមកមានសុខភាពល្អក៏ដោយ ក៏ម៉ាក់ប៉ា ត្រូវនាំកូនទៅពិនិត្យសុខភាពមុនពេលត្រលប់ទៅផ្ទះ ដើម្បីជៀសវាងបញ្ហាផ្សេងៗដែលអាចប៉ះពាល់ដល់សុខភាពកូន។
អត្ថបទពាក់ព័ន្ធ៖
- លម្អិតពីបច្ចេកទេស និងអត្ថប្រយោជន៍ នៃតេស្តជោះកែងជើងទារកទើបកើត
- ការថែទាំ និងសារធាតុចិញ្ចឹមចាំបាច់សម្រាប់ទារកកើតមិនគ្រប់ខែ
- រឿងគ្រោះថ្នាក់សម្រាលកូនមិនគ្រប់ខែ ទាំងម្តាយទាំងកូនជួបផលវិបាកទាំងនេះ
- ទារកស្រកគីឡូក្រោយកើត គួរឲ្យបារម្ភអត់ ហើយពេលណាឡើងវិញ?
- ធ្លាប់ឆ្ងល់ទេ ហេតុអ្វីបានជាទារកខ្លះកើតមកក្បាលតូចខុសធម្មតា?
- ទារកក្នុងផ្ទៃលូតលាស់បានល្អ អាស្រ័យលើកត្តាសំខាន់២នេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
