បន្ទាប់ពីកើតចេញពីក្នុងផ្ទៃម្តាយ ជាទូទៅទារកនឹងស្រកទម្ងន់បន្តិច ម៉ាក់ប៉ាច្បាស់ជាឆ្ងល់មិនខាន ហេតុអីបានទារកកើតមកស្រកគីឡូ? ក្មេងស្រកគីឡូក្រោយកើតគួរឲ្យបារម្ភអត់? ចុះពេលណាទើបអាចឡើងគីឡូវិញ?
បន្ទាប់ពីកើត ទារកនឹងស្រកគីឡូ មិនមែនដោយសារតែមានជំងឺអីនោះទេ។ វេជ្ជបណ្ឌិតឯកទេសរោគកុមារ អ៊ុន យូ បានពន្យល់ថា បន្ទាប់ពីកើតចេញពីក្នុងផ្ទៃម្តាយ ជាទូទៅទារកនឹងស្រកទម្ងន់ប្រមាណជា ៥-១០% នៃទម្ងន់ពេលកើត នេះក៏ដោយសារទារកត្រូវសម្របខ្លួននឹងបរិយាកាសខាងក្រៅ ទារកត្រូវការពេលដើម្បីរៀនបឺតជញ្ជក់ក្បាលដោះ ដែលខុសពីនៅក្នុងផ្ទៃម្តាយ។
“ពេលកើតមកភ្លាម បើទារកទម្ងន់ ៣ គីឡូ បន្ទាប់មកអាចនៅសល់ក្រោម ៣ គីឡូ អាច ២គីឡូ៧ខាំ ឬ២គីឡូ៨ខាំ អីនោះទេ គឺស្រកពី ៥ ទៅ ១០% នៃទម្ងន់ពេលកើតភ្លាមៗ ហេតុអីបានអ៊ីចឹង? មកពីទារកមិនទាន់ចេះសម្របខ្លួនក្នុងការរស់នៅ និងបឺតស្រូបទឹកដោះទៅចិញ្ចឹមខ្លួនទេ”។ លោកវេជ្ជបណ្ឌិត អ៊ុន យូ រៀបរាប់។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
តើពេលណាទារកឡើងគីឡូវិញ? លោកវេជ្ជបណ្ឌិតថា មិនយូរនោះទេ ទារកនឹងនឹងឡើងគីឡូវិញ នៅពេលគេអាយុបាន ២សប្តាហ៍ ម៉ាក់ប៉ាកុំព្រួយបារម្ភអី។
ការឡើងទម្ងន់របស់ទារកចាប់ពីពេលកើត រហូតដល់អាយុ ១ឆ្នាំ៖
៣ ខែដំបូង ៖ ទារកឡើងទម្ងន់ពី ២០-៣០ ក្រាម/ថ្ងៃ
៣-៦ ខែ ៖ ទារកឡើងទម្ងន់ ២០ ក្រាម/ថ្ងៃ
៦-៩ ខែ ៖ ទារកឡើងទម្ងន់ ១៥ ក្រាម/ថ្ងៃ
៩-១២ ខែ ៖ ទារកឡើងទម្ងន់ ១២ ក្រាម/ថ្ងៃ
ត្ថបទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Your Newborn’s Growth
https://kidshealth.org/en/parents/grownewborn.html#:~:text=Babies%20are%20born%20with%20some,weeks%20or%20so%20after%20birth.
Infant with Loss of 10% Birth Weight
https://med.stanford.edu/newborns/professional-education/breastfeeding/babies-at-risk/infant-with-loss-of-10–birth-weight.html
My baby is not gaining weight
https://www.nct.org.uk/baby-toddler/feeding/common-concerns/my-baby-not-gaining-weight#:~:text=Baby%20weight%20gain,-What%20to%20expect&text=Most%20babies%20have%20returned%20to,health%20professional%20will%20assess%20them%20.
កំណែប្រែបច្ចុប្បន្ន
07/12/2023
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ សុខ វណ្ណ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
