ម៉ាក់ៗពេលឃើញកូនទើបកើតមានស្នាមខៀវៗនៅស្បែកប្រាកដជាមានការព្រួយបារម្ភខ្លះៗ ព្រោះខ្លាចជាប់រហូតពេញមួយជីវិត។ ចំពោះបញ្ហាស្នាមខៀវស្រាល ឬខៀវក្រមៅលើស្បែកទារកនេះ លោកវេជ្ជបណ្ឌិត ប៉ែន កក្កដា បានឲ្យដឹងថា វាមិនមែនជារឿងធំដុំគួរឲ្យគិតឡើយ។
ទារកទើបកើតមានស្នាមខៀវៗ នៅស្បែកជាអ្វី? បាត់ទៅវិញអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្រូពេទ្យឯកទេសកុមារនៅមន្ទីរពេទ្យកុមារជាតិរូបនេះបានបន្តទៀតថា ស្នាមខៀវនេះហៅថា Mongolian spot គឺជារឿងធម្មតានៃការបម្រែបម្រួលពណ៌ស្បែក ដែលមានតាំងពីកំណើតរបស់ទារក ឬមួយរយៈក្រោយកើតរួច ហើយវានឹងបាត់ទៅវិញនៅពេលកូនមានអាយុ ៤-៥ ឆ្នាំ។
អត្ថបទពាក់ព័ន្ធ៖ ទារកកើតមក បើចង់ដឹងថាគ ថ្លង់ ពិការភ្នែក ឬអត់ គួរធ្វើយ៉ាងម៉េច?
ក្នុងករណីនេះលោកវេជ្ជបណ្ឌិត ប៉ែន កក្កដា បានបញ្ជាក់ថា កើតឡើងដោយសារបម្រែបម្រួលអ័រម៉ូន ព្រោះកោសិកាដែលផលិតជាតិពណ៌លើស្បែក Melanocyte វាបានបង្កើតជាតិពណ៌ច្រើនលើសកម្រិត រីឯមូលហេតុធ្វើឲ្យបង្កើតខុសប្រក្រតីបែបនោះ អ្នកវិទ្យាសាស្ត្រមិនទាន់រកឃើញនៅឡើយទេ។ ចំណែកឯទីតាំងដែលស្នាមខៀវឧស្សាហ៍ឃើញកើតមានជាងគេ ជើង គូទ ខ្នង ហើយមានមួយចំនួនតូចនៅលើមុខដែរ។
ចំពោះផលប៉ះពាល់ចំពោះទារកវិញ ម្ចាស់បន្ទប់ពិគ្រោះជំងឺកុមារខាងលើបានបន្ថែមទៀតថា មិនមានអ្វីដែលអាក្រក់ចំពោះសុខភាពរាងកាយ ឬស្នាមនោះធ្វើឲ្យមានការឈឺចាប់ឡើយ គ្រាន់តែវាប៉ះពាល់ដល់ផ្នែកសម្រស់តែប៉ុណ្ណោះ បើមាននៅលើមុខ។
បើគិតរកថ្នាំដើម្បីលាបបំបាត់ក៏គ្មានដែរ ព្រោះដល់ពេលវានឹងរលុបដោយឯងៗ ហើយភាគច្រើនក្រោមអាយុ ១០ ឆ្នាំ ហើយមួយវិញទៀតស្នាមខៀវនេះ វាខុសពីស្នាមដៅខ្មៅៗ ឬក្រហម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម