ជាទូទៅ ទារកទើបកើតរបកស្បែក ជារឿងធម្មតាប៉ុណ្ណោះ ពីព្រោះស្បែករបស់កូនងាយនឹងស្ងួត ដែលបណ្ដាលឲ្យស្រទាប់ខាងលើបង្អស់របកចេញក្នុងរយៈពេលពីរបីសប្ដាហ៍ក្រោយពេលកើត។ យ៉ាងណាមិញ កត្តាខាងក្រៅមួយចំនួនក៏អាចធ្វើឲ្យស្បែករលាក និងលេចចេញស្នាមកន្ទួលផងដែរ ដោយសារតែស្បែកអាអូននៅខ្សោយ។ ប៉ុន្តែ ភាគច្រើនបញ្ហានេះ នឹងបាត់ទៅវិញដោយខ្លួនឯង។

មូលហេតុទារកទើបកើតរបកស្បែក

កត្តាមួយចំនួនខាងក្រោមនេះ អាចបណ្ដាលឲ្យស្បែកទារកទើបកើតរបកបាន៖

សារធាតុពណ៌សដូចឈីស ក្រមួន ឬខ្លាញ់ជាប់ស្បែកទារក (ភាសាបច្ចេកទេសហៅថា Vernix Caseosa)
ទារកកើតគ្រប់ខែ មានស្បែកស្ដើងងាយរបបក្នុងរយៈពេលខ្លីបន្ទាប់ពីកើត ខុសពីទារកកើតមិនគ្រប់ខែ
ត្រអក
រោគបែកស្រកា (Ichthyosis)
ជំងឺរលាកស្បែករ៉ាំរ៉ៃ (Psoriasis)

ពេលណាទារកទើបកើតឈប់របកស្បែក?

បញ្ហានេះ ពុំមានពេលវេលាជាក់លាក់ដែលអាចកំណត់ថាទារកឈប់របកស្បែកនៅពេលណាឡើយ។ ប៉ុន្តែ បើស្បែកទារកពុំមានភាពប្រសើរឡើងក្នុងរយៈពេល២សប្ដាហ៍ បន្ទាប់ពីរបកទេនោះ ប៉ាម៉ាក់គប្បីពិគ្រោះជាមួយនឹងគ្រូពេទ្យកុមារទើបជាការប្រសើរ។

របកស្បែក២

វិធីសាស្ត្រដោះស្រាយបញ្ហារបកស្បែកចំពោះទារកទើបកើត

ក្រែមផ្ដល់សំណើម៖ ការប្រើប្រាស់ក្រែមផ្ដល់សំណើមHypoallergenicតាមវេជ្ជបញ្ជា ដែលត្រូវជ្រើសរើសផ្អែកលើកម្រិតនៃភាពស្ងួត អាចជួយផ្ដល់សំណើមដល់ស្បែកឡើងវិញ។ ចូរលាបភ្លាមៗក្រោយងូតទឹករួច ដើម្បីទទួលបានលទ្ធផលកាន់តែប្រសើរ។
ថ្នាំលាបស្បែក៖ ថ្នាំលាបប្រភេទនេះអាចបញ្ចៀសភាពស្ងួត ដែលបង្កឡើងដោយត្រអក និងជំងឺរលាកស្បែករ៉ាំរ៉ៃ។
ងូតទឹក៖ ម៉ាក់ៗគួរជៀសវាងងូតទឹកឲ្យកូនលើសពី១០នាទី ឬកុំងូតទឹកឲ្យកូនរាល់ថ្ងៃ ប្រសិនបើអាច។
សាប៊ូ៖ ជៀសវាងប្រើសាប៊ូឲ្យកូនញឹកញាប់ពេក
រក្សាសំណើម៖ រក្សាសំណើមនៅក្នុងបន្ទប់របស់ទារក
សម្លៀកបំពាក់៖ ម៉ាក់ៗគួរស្លៀកពាក់ខោអាវដែលធ្វើពីកប្បាសឲ្យកូន។

មូលហេតុ​ទារក​ទើប​កើត​របក​ស្បែក

ពេល​ណា​ទារក​ទើប​កើត​ឈប់​របក​ស្បែក​?

វិធីសាស្ត្រ​ដោះស្រាយ​បញ្ហា​របក​ស្បែក​ចំពោះ​ទារក​ទើប​កើត

មូលហេតុទារកទើបកើតរបកស្បែក

ពេលណាទារកទើបកើតឈប់របកស្បែក?

វិធីសាស្ត្រដោះស្រាយបញ្ហារបកស្បែកចំពោះទារកទើបកើត