ក្រោយម៉ាក់ៗសម្រាលកូនរួច អាហារដំបូងចាំបាច់បំផុតសម្រាប់អាអូននោះគឺ ទឹកដោះម៉ាក់ៗ។ ទឹកដោះម្ដាយផ្ដល់ប្រយោជន៍ច្រើនមែនទែនទៅដល់អាអូន មិនត្រឹមតែអាចឲ្យអាអូនលូតលាស់បានល្អ ទឹកដោះម្ដាយក៏ការពារកូនពីជំងឺផ្សេងៗដែរ។ ប៉ុន្តែ មានម៉ាក់ៗមួយចំនួនគិតតាមចាស់ៗថា បើកូនបៅដោះម្ដាយមិនឡើងគីឡូល្អ តូចនៅតូច នោះបណ្ដាលមកពីទឹកម្ដាយក្ដៅ។ តើកូនបៅដោះម្ដាយ មិនឡើងគីឡូ ពិតជាមកពីទឹកដោះម្ដាយក្ដៅឬយ៉ាងណា?
អាអូនបៅដោះម្ដាយមិនឡើងគីឡូ មកពីទឹកដោះម្ដាយក្ដៅ ឬយ៉ាងណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទាក់ទងនឹងបញ្ហានេះ ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា ចិនសែនសុខ ចាន់ ស៊ីណេត បានបដិសេធថា ការលើកឡើងបែបនេះ គឺមិនពិតទេ ដោយសារទឹកដោះម្ដាយមានសារធាតុចិញ្ចឹមស្ទើរគ្រប់មុខ សម្រាប់ផ្គត់ផ្គង់ដល់កូន បើកូនបៅមិនឡើងគីឡូ មិនមែនដោយសារទឹកដោះម្ដាយក្ដៅទេ។
លោកបន្តថា មូលហេតុដែលបណ្ដាលឲ្យទារកបៅដោះមិនឡើងគីឡូអាចដោយសារ ម៉ាក់ៗមិនមានទឹកដោះគ្រប់គ្រាន់សម្រាប់ឲ្យអាអូនបៅ ឬទឹកដោះម៉ាក់ៗមិនសូវមានសារធាតុចិញ្ចឹមល្អ ឬម៉ាក់ៗបំបៅកូនមិនបានទៀងទាត់។ល។ ម៉្យាងវិញទៀត អាអូនមិនឡើងគីឡូក៏អាចដោយសារ កូនទទួលបានកាឡូរីដែលត្រូវការមិនគ្រប់គ្រាន់ ឬអាចដោយសារ៖
- អាអូនកើតមិនគ្រប់ខែ
- អាអូនពិបាកដកដង្ហើម
- អាអូនមានបញ្ហាបេះដូង។ល។
វេជ្ជបណ្ឌិតរូបនេះបញ្ជាក់ថា បើសិនជាអាអូនពិបាកឡើងគីឡូ ម៉ាក់ៗមិនចាំបាច់បារម្ភពេកទេ ព្រោះមានវិធីច្រើន ដើម្បីឲ្យកូនឡើងគីឡូវិញបានដោយម៉ាក់ៗបន្ថែមការផលិតទឹកដោះឲ្យគ្រប់គ្រាន់ ដោយញ៉ាំអាហារសម្បូរជីវជាតិ ដូចជា បន្លែ ផ្លែឈើ ត្រី សាច់ និងស៊ុត។
បន្ថែមពីលើនេះ ម៉ាក់ៗក៏អាចញ៉ាំវីតាមីនជំនួយសុខភាព និងធ្វើឲ្យទឹកដោះសម្បូរសារធាតុចិញ្ចឹម ឬអាចយកកូនទៅពិគ្រោះជាមួយគ្រូពេទ្យឯកទេសកុមារ រកវិធីដោះស្រាយបញ្ហារបស់កូន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម