backup og meta

សញ្ញាបញ្ជាក់ថា ក្រពះពោះវៀនកូនមានបញ្ហា

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ទូច សុខា · កែ Oct 11, 2021

    សញ្ញាបញ្ជាក់ថា ក្រពះពោះវៀនកូនមានបញ្ហា

    មិនមែនតែមនុស្សចាស់ទេដែលមានបញ្ហាប្រព័ន្ធរំលាយអាហារ ក្មេងៗក៏ជួបបញ្ហានេះដូចគ្នា ហើយ បើសិនជាឪពុកម្តាយបណ្តោយទុកយូរ អាចប៉ះពាល់ដល់ការលូតលាស់ទាំងផ្នែករាងកាយ និងបញ្ញាស្មារតីកូន។ នាមជាឪពុកម្តាយ យើងត្រូវរៀនសង្កេត បើឃើញកូនៗមានសញ្ញាទាំងប៉ុន្មាននេះ បញ្ជាក់ថា ក្រពះពោះវៀនពួកគេមានបញ្ហាហើយ ត្រូវប្រញាប់រកដំណោះស្រាយ ឬទៅជួបពេទ្យជំនាញ។

    ១. ហើមពោះ អត់សូវផោម

    ក្មេងបញ្ចេញខ្យល់ ឬផោមជាញឹកញាប់ជារឿងធម្មតានោះទេ តែបើហើមពោះញឹកញាប់ មិនសូវផោមនោះទើបគួរឲ្យបារម្ភ។ លោកស្រីវេជ្ជបណ្ឌិតឯកទេសកុមារ គុជ ឆោមដាលីន បម្រើការងារនៅ Singapore Medical Center ថា ក្មេងហើមពោះអាចបណ្តាលមកពីវិបាកជំងឺផ្សេងៗដូចជាការរលាកពោះវៀន ឯករណីមួយទៀត អាចមកពីរបបអាហារមិនសូវមានជាតិសរសៃ (Fiber)។

    ២. ពិបាកបត់ជើងធំ

    មិនពិបាកសម្គាល់ទេ កាលណាក្រពះពោះវៀនកូនដំណើរការមិនបានល្អ ធ្វើឲ្យពិបាកបង់ជើងធំ ពេលជុះម្តងៗ ក្មេងៗយំផងប្រឹងផងទម្រាំជុះចេញមក ជួនកាល ២-៣ថ្ងៃ ទើបកូនជុះម្តង។

    ៣. ឧស្សាហ៍ទល់លាមកបន្ទោរបង់មិនទៀងទាត់

    អាការៈទល់លាមក ហើយកូនជុះមិនទៀងទាត់ ១ថ្ងៃជួនជុះជួនអត់ ពេលខ្លះច្រើនថ្ងៃបានកូនជុះ មានន័យថា កូនយើងអាចមានបញ្ហាប្រព័ន្ធរំលាយអាហារ ញ៉ាំទឹក និងបន្លែមិនគ្រប់គ្រាន់ ឬក៏មិនមានសកម្មភាពរាងកាយ។

    កូនទល់លាមក

    ៤. រាកញឹកញាប់

    អាការៈរាកញឹកញឹកក៏ជាបញ្ហាប្រព័ន្ធរំលាយអាហារដែរ ហើយបញ្ហានេះបណ្តាលមកពីការបង្ករោគ មិនមានការបង្ករោគ។ ដូច្នេះហើយក្រពះពោះវៀនមានសុខភាពល្អពិតជាផ្ដល់អត្ថប្រយោជន៍សម្រាប់សុខភាពទូទៅ និងការអភិវឌ្ឍផ្សេងៗ។ ដើម្បីឲ្យក្រពះពោះវៀនមានសុខភាពល្អ ម៉ាក់ៗគួរឲ្យកូនផឹកទឹកឲ្យច្រើន អាចជាទឹកស្អាត ទឹកសម្ល ឬទឹកផ្លែឈើស្រស់ត្រូវឲ្យកូនធ្វើសកម្មភាពឲ្យបានច្រើន សំខាន់ជាងនោះទៀតគួរ ផ្តល់អាហារដែលមានជាតិសសៃខ្ពស់ដូចជាបន្លែ ផ្លែឈើជាដើម។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ ទូច សុខា · កែ Oct 11, 2021

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម