បញ្ហាអាប់សែធ្មេញកើតឡើងបណ្តាលមកពីពពួកបាក់តេរីនៅខាងក្នុងធ្មេញ។ បាក់តេរីទាំងនោះ បង្កឲ្យមានការរលាកអញ្ចាញធ្មេញ ហើយយូរៗទៅ នឹងធ្វើឲ្យធ្មេញរង្គើ។ នៅពេលដែលបញ្ហាពុកធ្មេញចូលទៅដល់ផ្នែកកណ្តាលនៃធ្មេញ សរសៃប្រសាទធ្មេញក៏ចាប់ផ្តើមខូច ហើយនឹងបង្ករោគនៅខាងចុងនៃឫសធ្មេញ បង្កើតបានជាអាប់សែ។
មាតិកា
អាប់សែធ្មេញកើតលើកុមារបណ្តាលមកពីអ្វី? មានរោគសញ្ញាអ្វីខ្លះ?
រោគសញ្ញានៃអាប់សែធ្មេញកើតលើកុមារមានអ្វីខ្លះ?
- ឈឺចាប់ដូចគេចាក់នៅត្រង់ធ្មេញ ឬអញ្ចាញដែលអាប់សែ
- ធ្មេញងាយប្រតិកម្មទៅនឹងអាហារ ឬភេសជ្ជៈក្តៅ ឬត្រជាក់
- ហើមអញ្ចាញធ្មេញ
- ឈឺត្រចៀកនៅផ្នែកដូចគ្នានឹងធ្មេញដែលអាប់សែ
- ការឈឺចាប់កាន់តែធ្ងន់ធ្ងរនៅពេលគេង និងអាចរំខានដល់ដំណេក
- មានខ្ទុះចេញពីអញ្ចាញធ្មេញ
- ហើមថ្គាម
- ហើមកូនកណ្តុរ
- ហើមក
- គ្រុនក្តៅ។
ហានិភ័យ និងផលវិបាកនៃបញ្ហាអាប់សែធ្មេញ
ក្នុងករណីដែលមិនធ្វើការព្យាបាលទេនោះ ការអាប់សែធ្មេញអាចបណ្តាលឲ្យកុមារប្រឈមនឹងផលវិបាកដូចខាងក្រោម៖
- បាក់ធ្មេញ
- ការបង្ករោគក្នុងឈាម
- ការបង្ករោគរាលដាលទៅដល់ជាលិកាទន់ដែលនៅជិតនោះ
- ការបង្ករោគរាលដាលទៅដល់ផ្នែកផ្សេងទៀតនៃរាងកាយ និងបណ្តាលឲ្យកើតមានបញ្ហាអាប់សែខួរក្បាល រលាកបេះដូង និងរលាកសួត។ល។
គន្លឹះបង្ការបញ្ហាអាប់សែធ្មេញ
ប៉ាម៉ាក់អាចណែនាំឲ្យកូនអនុវត្តន៍គន្លឹះខាងក្រោម ដើម្បីបញ្ចៀសបញ្ហាអាប់សែធ្មេញ៖
- រក្សាអនាម័យមាត់ធ្មេញឲ្យបានល្អ ដោយដុសធ្មេញពីរដងក្នុងមួយថ្ងៃ
- ប្រើអំបោះទាក់ធ្មេញ
- ពិនិត្យសុខភាពមាត់ធ្មេញដោយគ្រូពេទ្យជំនាញជាទៀងទាត់
- ជៀសវាងញ៉ាំអាហារ និងភេសជ្ជៈដែលមានជាតិស្ករច្រើនជ្រុល
- ខ្ពុរមាត់ជាប្រចាំ។
យ៉ាងណាមិញ បញ្ហាអាប់សែធ្មេញមិនអាចជាសះស្បើយដោយខ្លួនឯងឡើយ ហើយថែមទាំងត្រូវការការព្យាបាលពីគ្រូពេទ្យជំនាញថែមទៀតផង។ ទោះបីជារោគសញ្ញាអាចប្រសើរឡើងក៏ពិតមែន ប៉ុន្តែប៉ាម៉ាក់គួរនាំកូនដែលមានបញ្ហាអាប់សែធ្មេញទៅជួបជាមួយនឹងគ្រូពេទ្យ ដើម្បីធ្វើការវាយតម្លៃ និងទទួលការព្យាបាលឲ្យបានត្រឹមត្រូវ។
អត្ថបទគួរអាន៖
- ក្មេងកើតអូទីស្សឹមអាចព្យាបាលជាទេ?
- អូទីស្សឹម អាចជាមូលហេតុធ្វើឲ្យខ្លាញ់ល្អក្នុងឈាម HDL ធ្លាក់ចុះទាប
- អាហារស្រីៗពពោះគួរញ៉ាំ និងមិនគួរញ៉ាំ ការពារកូនកុំឲ្យកើតមកមានបញ្ហាអូទីស្សឹម
- តិចនិកសាមញ្ញ អាចជួយក្មេងៗរើបម្រះពីជំងឺអូទីស្សឹមបាន
- ពិតទេ ក្មេងៗមើលទូរស័ព្ទយូរ អាចកើតអូទីស្សឹម?
- បើកូនកើតអូទីស្សឹម គួរយកទៅព្យាបាលនៅពេទ្យណា?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
A to Z: Abscess, Tooth
https://kidshealth.org/CookChildrens/en/parents/az-abscess-periapical.html
Tooth abscess
https://www.mayoclinic.org/diseases-conditions/tooth-abscess/symptoms-causes/syc-20350901
Toothache
https://www.healthychildren.org/English/tips-tools/symptom-checker/Pages/symptomviewer.aspx?symptom=Toothache
កំណែប្រែបច្ចុប្បន្ន
04/07/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Sopheng
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម