មកដល់ពេលនេះហើយ ម៉ាក់ប៉ាដែលតែងតែតាមដាន “Hello គ្រូពេទ្យ” ច្បាស់ជាដឹងហើយថា ក្មេងៗក្រោយឆ្លងជំងឺកូវីដ-១៩ មិនសូវប្រឈមនឹងគ្រោះថ្នាក់សុខភាពធ្ងន់ធ្ងរដូចមនុស្សចាស់ទេ។ ជាមួយនឹងករណីវីរុសបំប្លែង Omicron កាន់តែកើនឡើងក្នុងប្រទេស ម៉ាក់ប៉ាត្រូវបង្កើនការប្រុងប្រយ័ត្នលើសុខភាពកូន ពិសេសនោះគឺអាអូនតូចៗមិនទាន់គ្រប់អាយុចាក់វ៉ាក់សាំងបាន។
មាតិកា
តិចនិកការពារកូនតូចៗមិនទាន់ចាក់វ៉ាក់សាំងពីវីរុសបំប្លែងថ្មីអូមីក្រុង
តិចនិកការពារកូនតូចមិនទាន់ចាក់វ៉ាក់សាំងពីវីរុសបំប្លែងអូមីក្រុង
- ត្រូវប្រាកដថាមនុស្សគ្រប់គ្នានៅជុំវិញខ្លួនកូនទទួលបានវ៉ាក់សាំងគ្រប់ដូស រួមទាំងដូសជំរុញ។ ប្រសិនបើយើងបញ្ជូនកូនទៅសាលារៀន វាជារឿងសំខាន់ណាស់ដែលត្រូវដឹងថា បុគ្គលិកគ្រប់រូបក្នុងសាលារៀនធ្លាប់ចាក់វ៉ាក់សាំងកូវីដ-១៩ គ្រប់ដូស និងពាក់ម៉ាស់ជានិច្ច។
- ពាក់ម៉ាស់ឲ្យកូនជាប់ជានិច្ចមិនថាស្ថិតនៅខាងក្នុង ឬខាងក្រៅកន្លែងទីប្រជុំជនណាមួយ ដូចជាកន្លែងក្មេងលេងជាដើម។ ប៉ុន្តែ អ្នកជំនាញមិនណែនាំការពាក់ម៉ាស់សម្រាប់កុមារអាយុក្រោម ២ ឆ្នាំទេ ដោយសារហានិភ័យនៃការថប់ដង្ហើម ដូច្នេះម៉ាក់ប៉ាមានកូនអាយុប៉ុននេះគួររក្សាគម្លាតសង្គមតាមដែលអាចធ្វើទៅបាន។
- ចៀសវាងកន្លែងមានមនុស្សប្រមូលផ្ដុំច្រើន ជាពិសេសក្នុងហាង ឬផ្សារទំនើបជាដើម និងគួរពន្យារពេលសម្រាប់ដំណើរកម្សាន្តទៅកន្លែងណាដែលប្រឈមខ្លាំង។
- ឲ្យកុមារធ្វើតេស្ដ ដោយសារក្មេងៗកើតជំងឺផ្ដាសាយច្រើន ដូច្នេះសំខាន់ក្នុងការធ្វើតេស្តនៅពេលដែលពួកគេមានរោគសញ្ញា ដើម្បីមើលថាតើជាផ្ដាសាយ ឬជំងឺកូវីដ-១៩។
- យកកូនទៅចាក់វ៉ាក់សាំងការពារកូវីដ-១៩ ពេលគ្រប់អាយុ ឬពេលមានវ៉ាក់សាំងសម្រាប់ក្មេងតូចៗ។
អូមីក្រុង គឺឆ្លងខ្លាំងជាងវីរុសបំប្លែងមុនៗ ប៉ុន្តែរហូតមកដល់ពេលនេះហាក់ដូចជាមិនសូវបង្កភាពធ្ងន់ធ្ងរប៉ុន្មានទេ។ ចំពោះរោគសញ្ញានៃវីរុសបំប្លែងថ្មីអូមីក្រុង លើក្មេងវិញ វេជ្ជបណ្ឌិត Grace M. Aldrovandi សាស្ត្រាចារ្យ និងជាប្រធានផ្នែកជំងឺឆ្លងនៅមន្ទីរពេទ្យកុមារ UCLA Mattel ឲ្យដឹងថា ជាទូទៅ រោគសញ្ញាកូវីដ-១៩ លើកុមារ គឺមិនសូវធ្ងន់ធ្ងរជាងមនុស្សពេញវ័យទេ ហើយពួកគេក៏អាចមានរោគសញ្ញាក្រពះពោះវៀនច្រើនជាង បើប្រៀបធៀបទៅនឹងមនុស្សពេញវ័យដែលមានជំងឺកូវីដ-១៩។
ស្របគ្នានេះ វេជ្ជបណ្ឌិត Priya Soni អ្នកឯកទេសជំងឺឆ្លងកុមារនៅមជ្ឈមណ្ឌលវេជ្ជសាស្ត្រ Cedar-Sinai បាននិយាយថា រោគសញ្ញាវីរុសបំប្លែងអូមីក្រុង មានគ្រុនក្ដៅ ក្អកស្ងួត ឈឺបំពង់ក ឈឺរាងកាយ និងបែកញើសពេលយប់។ អ្នកស្រីបាននិយាយថា រោគសញ្ញាទាំងនេះពិតជាពិបាកក្នុងការបញ្ជាក់ចំពោះក្មេងៗណាស់ តែភាគច្រើន ក្មេងៗឆ្លងវីរុសនេះមានគ្រុនក្ដៅ និងហៀរសម្បោរ។
អត្ថបទគួរអាន៖
- អ្នកជាសះស្បើយពីកូវីដ-១៩ អាចជួបផលវិបាកទាំងនេះ
- រោគសញ្ញាវីរុសអូមីក្រុង ២អាចលេចចេញ សូម្បីកំពុងញ៉ាំអាហារក៏អាចមើលដឹង
- វេជ្ជបណ្ឌិតម្នាក់ចែករំលែកវិធីព្យាបាលកូវីដកម្រិតស្រាលនៅផ្ទះខ្លួនឯង
- បែកញើសខ្លាំងពេលយប់ ជារោគសញ្ញាមួយរបស់វីរុសបំប្លែងថ្មី Omicron
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
‘Don’t panic.’ How parents with kids too young to vaccinate can navigate Omicron https://www.latimes.com/science/story/2022-01-10/how-parents-with-kids-too-young-to-vaccinate-can-navigate-omicron
How to Think About Omicron’s Risk for Children https://www.nytimes.com/2021/12/22/opinion/omicron-children.html
កំណែប្រែបច្ចុប្បន្ន
18/02/2022
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម