បញ្ហាស្ទះដុំកំណកឈាមក្នុងសួតបណ្តាលមកពីអ្វី? បង្ការដោយរបៀបណា?

ជំងឺ​​ស្ទះ​ដុំ​កំណក​ឈាម​ក្នុង​សួត គឺ​ជា​ការ​ស្ទះ​​ភ្លាម​ៗ​នៅ​ក្នុង​សរសៃ​ឈាម​​សួត​។ ជា​ធម្មតា បញ្ហា​នេះ​កើត​ឡើង​នៅ​ពេល​ដែលដុំ​កំណក​ឈាម​​ដាច់​ចេញ និង​​ធ្វើ​ដំណើរ​តាម​ចរន្ត​ឈាម​ទៅ​កាន់​សួត​។ ជំងឺ​​ស្ទះ​ដុំ​កំណក​ឈាម​ក្នុង​សួត ជា​ស្ថានភាព​ធ្ងន់ធ្ងរ​ដែល​អាច​បណ្ដាល​ឲ្យ​៖

• ខូច​សួត​ជា​រៀង​រហូត​
• កម្រិត​អុកស៊ីហ្សែន​ចុះទាប​នៅ​ក្នុង​ឈាម​
• ខូច​សរីរាង្គ​ផ្សេង​ទៀត​នៅ​ក្នុង​រាងកាយ​ ដោយ​សារ​តែ​ខ្វះ​អុកស៊ីហ្សែន​។

អ្នក​ណា​ខ្លះ​ងាយ​ប្រឈម​នឹង​ជំងឺ​​ស្ទះ​ដុំ​កំណក​ឈាម​ក្នុង​សួត​?

យើង​គ្រប់​គ្នា​ សុទ្ធ​តែ​​អាច​កើត​ជំងឺ​មួយ​នេះ ប៉ុន្តែ​អ្នក​ដែល​ស្ថិត​ក្នុង​លក្ខខណ្ឌ​ខាង​ក្រោម​ ងាយ​ប្រឈម​នឹង​ជំងឺ​ស្ទះ​ដុំ​កំណក​ឈាម​ក្នុង​សួត​​កាន់​តែ​ខ្ពស់​៖

• ធ្លាប់​ធ្វើការ​វះកាត់ ពិសេស​វះកាត់​ផ្លាស់ប្ដូរ​សន្លាក់
• ជំងឺ​មហារីក​
• ជំងឺ​បេះដូង
• ជំងឺ​សួត​
• បាក់​ឆ្អឹង​ត្រគាក ឬ​ជើង​ ឬ​មាន​របួស​ផ្សេង​ទៀត​
• ប្រើប្រាស់​ថ្នាំ​អ័រម៉ូន​ ដូចជា​ថ្នាំ​ពន្យារ​កំណើត
• ​មាន​ផ្ទៃពោះ និង​សម្រាល​កូន​
• កត្តា​អាយុ​
• មាន​ប្រវត្តិ​គ្រួសារ​កើត​ជំងឺ​នេះ​
• ធាត់​ជ្រុល

ចង់គណនា BMI ចុចទីនេះ!

ចង់គណនា BMR ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចងពិនិត្យជំងឺសរសៃឈាមបេះដូង ចុចទីនេះ!

រោគសញ្ញា​នៃ​ជំងឺ​ស្ទះ​ដុំ​កំណក​ឈាម​ក្នុង​សួត​មាន​អ្វី​ខ្លះ?

អ្នក​ជំងឺ​ស្ទះ​ដុំ​កំណក​ឈាម​ក្នុង​សួត​​ប្រហែល​ពាក់​កណ្ដាល​មិន​បង្ហាញ​រោគសញ្ញា​ឡើយ​។ ​យ៉ាង​ណា​មិញ រោគសញ្ញា​នៃ​ជំងឺ​នេះ រួម​មាន​ហត់​ ចុក​ទ្រូង ឬ​ក្អក​ចេញ​ឈាម​។ ចំណែក​ឯ​រោគសញ្ញា​នៃ​កំណក​ឈាម​ រួម​មាន​ ហើម​ ឈឺចាប់ និង​ក្រហម​នៅ​ជើង។

អត្ថបទគួរអាន៖

• មូលហេតុអ្វីអូនតូចឧស្សាហ៍ហើមកូនកណ្តុរ?
• ដឹងទេ! បាត់បង់ឈាមប៉ុណ្ណេះលីត្រ យើងអាចបាត់បង់ជីវិតបាន
• មានរបួស ឬ​មុត ហូរឈាម​យូរ អាចមានជំងឺឈាមក្រកក
• គ្រាប់ឈាមសឡើងច្រើន កើតមហារីកឈាមមែនទេ?
• មានអត់ ជំងឺឈាមស ស៊ីឈាមក្រហម?

យើង​អាច​បង្ការ​ជំងឺ​ស្ទះ​ដុំ​កំណក​ឈាម​ក្នុង​សួត​ដោយ​របៀប​ណា​?

• បន្ត​ប្រើ​ថ្នាំ​ពង្រាវ​ឈាម​
• ផ្លាស់ប្ដូរ​​បែបបទ​រស់​នៅ​ដែល​ល្អ​ចំពោះ​បេះដូង ដូចជា​ធ្វើ​លំហាត់​ប្រាណ និង​ញ៉ាំ​បន្លែ​ ផ្លែឈើ​ឲ្យ​បាន​ច្រើន​
• បញ្ឈប់​ការ​ជក់​បារី
• ធ្វើ​ចលនា​ជើង​ នៅ​ពេល​អង្គុយ​យូរ​
• ធ្វើ​ចលនា​ឲ្យ​បាន​ឆាប់​ ក្រោយ​ពេល​វះកាត់​។