មានមតិមួយចំនួនលើកឡើងថា ការកើនឡើងនូវគ្រាប់ឈាមស ឯគ្រាប់ឈាមក្រហមតិច មកពីអ្នកនោះកើតជំងឺមហារីកឈាម។ លោកសាស្ត្រាចារ្យវេជ្ជបណ្ឌិត អ៊ាវ សុខា បកស្រាយការលើកឡើងនេះថា គ្រាប់ឈាមសឡើងច្រើន អាចមកពីកត្តាច្រើនយ៉ាង មិនមែនសុទ្ធតែកើតជំងឺមហារីកឈាមនោះទេ។
មាតិកា
គ្រាប់ឈាមសកើនឡើង អាចបណ្តាលមកពីមូលហេតុទាំងនេះ
លោកវេជ្ជបណ្ឌិតឯកទេសជំងឺមហារីក និងឈាម រូបនេះបានបន្តថា ចំនួនគ្រាប់ឈាមសឡើងតិចតួច ត្រឹម២០ពាន់ មិនចោទជាបញ្ហានោះទេ ហើយក៏មិនមែនមានន័យថា យើងកើតជំងឺមហារីកឈាមដែរ។ ការកើតឡើងបរិមាណគ្រាប់ឈាមសពេលនេះ ដោយសារតែមានមេរោគ ឬបាក់តេរី ចូលឈ្លានពានខ្លួនយើង ហើយខួរឆ្អឹងយើងក៏ផលិតគ្រាប់ឈាមសច្រើន ដើម្បីទប់ទល់ជាមួយនឹងពពួកបាក់តេរី និងមេរោគទាំងនោះ។
ផ្ទុយទៅវិញ បើគ្រាប់ឈាមសដែលកើនឡើងច្រើនខ្លាំង លើសពី១០០ពាន់ លោកវេជ្ជបណ្ឌិតបញ្ជាក់ថា យើងកើតជំងឺមហារីកឈាមហើយ។ ពេលមានជំងឺមហារីកឈាមស មានន័យថាខួរឆ្អឹងមិនអាចបង្កើតកោសិកាឈាមក្រហម និងប្លាកែតបានគ្រប់គ្រាន់ ដើម្បីផ្គត់ផ្គង់តម្រូវការរាងកាយនោះឡើយ។
អត្ថបទពាក់ព័ន្ធ៖
“ពេលផលិតមក គ្រាប់ឈាមសមានតួនាទីប្រឆាំងទប់ទល់ជាមួយមេរោគ បាក់តេរី ប៉ុន្តែគ្រាប់ឈាមស ដែលខួរឆ្អឹងផលិតពេលយើងកើតមហារីកឈាម គ្រាប់ឈាមសនោះអត់បំពេញតួនាទីសម្លាប់មេរោគបាក់តេរី ប៉ុន្តែវាបែរទៅជាបញ្ចេញជាតិពុលសម្លាប់ខ្លួនយើងវិញ ហើយវាក៏ទៅប្លុកខួរឆ្អឹងមិនឲ្យផលិតគ្រាប់ឈាមក្រហម និងប្លាកែត គឺផលិតតែគ្រាប់ឈាមស”។
នៅពេលដែលគ្រាប់ឈាមសកើនឡើងច្រើន អ្នកជំងឺចេះតែស្លេកស្លាំង អស់កម្លាំង បែកញើសស្អិត ក្តៅខ្លួនស្ទេញ ស្រកគីឡូ ដែលតម្រូវឲ្យទៅជួបគ្រូពេទ្យជាបន្ទាន់ បើបង្អែបង្អង់យូរឈានដល់ដំណាក់កាលធ្ងន់ធ្ងរ ពិបាកនឹងស្រោចស្រង់ជីវិត។
“ប្រញាប់រត់ទៅរកពេទ្យ ពិសេសពេទ្យមហារីកឲ្យលឿន បូមឈាមរកទៅមើល បូមខួរឆ្អឹងយកទៅមើល បើមើលទៅឃើញកើតជំងឺមហារីកឈាមក្នុងដំណាក់កាលដំបូងទេ ឱកាសជានៅមាន។ មហារីកឈាមទុកយូរ រហូតឈានដល់ដំណាក់កាលធ្ងន់ធ្ងរ រហូតដល់ធ្លាក់ថ្លើម រីកថ្លើម ធ្លាក់អណ្តើក គ្រោះថ្នាក់ដល់ជីវិតិខ្ពស់”។ លោកវេជ្ជបណ្ឌិត រៀបរាប់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
High white blood cell count, https://www.mayoclinic.org/symptoms/high-white-blood-cell-count/basics/causes/sym-20050611#:~:text=A%20high%20white%20blood%20cell,production%20of%20white%20blood%20cells
Signs and Symptoms of Chronic Lymphocytic Leukemia, https://www.cancer.org/cancer/chronic-lymphocytic-leukemia/detection-diagnosis-staging/signs-symptoms.html
High white blood cell count, https://www.mayoclinic.org/symptoms/high-white-blood-cell-count/basics/causes/sym-20050611
High White Blood Cell Count, https://my.clevelandclinic.org/health/diagnostics/17704-high-white-blood-cell-count
កំណែប្រែបច្ចុប្បន្ន
29/04/2024
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម