ក្រោកពីគេងសម្រាប់គ្នាយើងគឺជារឿងធម្មតា គ្រាន់តែបើកភ្នែក រួចងើបចេញពីគ្រែគេង ជាការស្រេច។ យ៉ាងណាមិញ អ្នកស្រាវជ្រាវវិទ្យាសាស្រ្តផ្នែកសុខភាព បានឱ្យដឹងថា ការក្រោកពីគ្រែគេង ដែលត្រឹមត្រូវ មិនត្រឹមតែ ផ្តល់អារម្មណ៍ស្រស់ស្រាយប៉ុណ្ណោះទេ តែផ្តល់ឱ្យនូវថាមពលចល័តពេញរាងកាយ និងបង្ការកុំឱ្យឆាប់ឈឺផ្នែកមួយចំនួននៃរាងកាយទៀតផង។
ដោយផ្អែកតាមការស្រាវជ្រាវរបស់ក្រុមអ្នកវិទ្យាសាស្រ្តនៃប្រទេសឥណ្ឌា រួមទាំងការពិនិត្យពីអ្នកវិទ្យាសាស្រ្តនៃបណ្តាប្រទេសជាច្រើនលើពិភពលោក បានលើកឡើងនូវចំណុចរួមដូចខាងក្រោមនេះ ដែលជារឿងត្រឹមត្រូវ គួរធ្វើនៃការក្រោកពីគេង៖
១. ក្រោកតាមសម្រួល មិនប្រញាប់
អ្នកវិទ្យាសាស្រ្តបានលើកឡើងថា ការក្រោកយឺតៗ មិនត្រឹមតែជួយទុកពេលឱ្យរាងកាយបន្ស៊ាំនឹងភាពដឹងខ្លួន ថែមទាំងបង្ការមិនឱ្យឈឺខ្នងទៀតផង។ បន្ថែមពីការក្រោកយឺតៗ អ្នកអាចពត់ពែនតម្រង់ខ្លួន នឹងទទួលជួយឱ្យថាមពលចល័តសព្វរាងកាយ ធ្វើឱ្យអារម្មណ៍យើងស្រស់ថ្លាបាន។
អត្ថបទពាក់ព័ន្ធ៖
- ម៉េចបានស្រីៗមានផ្ទៃពោះ ពេលខ្លះគេងៗ បាត់ដង្ហើម?
- ទម្លាប់ញ៉ាំឆ្អែតភ្លាម ទម្រេតខ្លួនគេងភ្លាម គ្រោះថ្នាក់បំផុត
២. ប្រើប្រអប់ដៃជួយឱ្យសម្រួលការក្រោកឡើង
ពេលភ្ញាក់ពីគេង ប្រើដៃរបស់អ្នកជួយរុញខ្លួនឯង ឱ្យក្រោកឡើងយឺតៗ ក្នុងឥរិយាបថអង្គុយ។ វិធីនេះ នឹងកុំឱ្យយើងដាក់សម្ពាធទៅលើ ក និងខ្នងរបស់យើង។
អត្ថបទពាក់ព័ន្ធ៖
- គេងមិនគ្រប់គ្រាន់ធ្វើឲ្យមានបញ្ហាទាំងនេះដល់ខួរក្បាល
- ខែទី ១៣៖ អាអូនចាប់ផ្ដើមប្រែប្រួលរឿងញ៉ាំ និងគេង
- ចូលគេងមិនទៀងទាត់ ប្រយ័ត្នកើតជំងឺបេះដូង
៣. សម្រាកបន្តិច មុននឹងក្រោកឡើង
ក្រោយពេលយើងអនុវត្តដល់ចំណុចទី២ខាងលើ (ឥរិយាបថអង្គុយ) បន្ទាប់នោះយើងអាចចំណាយពេលបន្តិច ត្រឹម៥នាទី សម្រាក ស្មឹងស្មាធ ដើម្បីទទួលបានអារម្មណ៍ស្រស់ស្រាយ មុននឹងក្រោកចេញពីគ្រែគេងរបស់យើង។
បន្ទាប់ពីអនុវត្តការក្រោកពីគេងបែបនេះ អ្នកស្រាវជ្រាវសុខភាពក៏បានណែនាំបន្ថែមដូចៗគ្នា ថាគួរញ៉ាំទឹកបន្តិច (មួយកែវ) ធ្វើចលនាបន្តិចបន្តួច (ហាត់ប្រាណ) មុននឹងចាប់ផ្តើមថ្ងៃថ្មី៕
អត្ថបទពាក់ព័ន្ធ៖
- ទើបសម្រាលថ្មីៗ ម៉ាក់ៗគេងអត់សូវស្កប់ អាចសាកវិធីនេះបាន
- សំឡេងម៉ោងរោទ៍មិនមែនចេះតែដាក់ៗនោះទេ តិចក្រោកឡើងមានអារម្មណ៍ល្ហិតល្ហៃ
- ក្រោកពីគេងមានអារម្មណ៍ថាខ្សោះៗខ្លួន មកពីបែបនេះសោះ!
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
