ចូលចិត្តដើរលេងបោះតង់ ត្រូវចេះតិចនិកទាំងនេះ ចៀសវាងគ្រោះថ្នាក់ដោយសារពស់

ការដើរលេងបោះតង់ កំពុងពេញនិយមខ្លាំងណាស់ ពិសេសយុវវ័យគ្នាយើងតែម្តង ចូលចិត្តដើរលេងគេងព្រៃស្រូបយកខ្យល់បរិសុទ្ធ និងគយគន់ភាពស្រស់បំព្រងរបស់ធម្មជាតិ។ យ៉ាងណា ដើរលេងគេងបោះតង់ក្នុងព្រៃ ក៏ត្រូវចេះតិចនិកខ្លះៗ ពិសេសរឿងការពារពីសត្វពស់ ព្រោះអាចគ្រោះថ្នាក់ដល់ជីវិត។ អត្ថបទនេះ “Hello គ្រូពេទ្យ’ នឹងប្រាប់តិចនិកការពារខ្លួនខ្លះៗឲ្យគ្នាយើងបានដឹង។

១- រៀបចំតង់ឲ្យនៅឆ្ងាយពីជម្រកសត្វពស់

សត្វពស់ជាទូទៅ តែងវាចុះពីដើរឈើ ហេតុនេះ ត្រូវប្រាកដថា កន្លែងយើងបោះតង់ ត្រូវតែជាទីតាំងដែលវាល មិនមានដំបូក ឬដើមឈើ ដែលសត្វពស់អាចលាក់ខ្លួន ឬបិទបាំងពីភ្នែកយើងបាន។

២- មុនពេលចូលតង់ ត្រូវពិនិត្យឲ្យបានត្រឹមត្រូវ

សត្វពស់ ជាសត្វល្មូន អាចពួនសម្ងំនៅខាងក្រោមតង់របស់យើងបាន។ នៅពេលថ្ងៃ បើយើងមានកម្មវិធីសប្បាយជួបជុំ ឬសកម្មភាពអ្វីផ្សេងខាងក្រៅតង់ ត្រូវតែបិទសំណាញ់តង់ឲ្យជិត ហើយមុនពេលចូលក្នុងតង់ ត្រូវប្រាកដណាស់ គ្មានមិត្តថ្មីរបស់យើងមកសម្ងំពួនក្នុងតង់ឡើយ។ ជាគំនិតល្អ ត្រូវពិនិត្យកាបូប ឬរបស់របរណាដែលសត្វពស់អាចលាក់ខ្លួនបាន មុននឹងគេង។

អត្ថបទពាក់ព័ន្ធ៖

៣- ពិនិត្យតង់ឲ្យបានត្រឹមត្រូវសព្វកន្លែង

ចំណុចសំខាន់បំផុត ត្រូវរូតបិទសំណាញ់តង់គ្រប់ពេលវេលាតាមតែអាចធ្វើបាន ហើយពិនិត្យតង់ឲ្យបានល្អិតល្អន់ ពិសេសរឿងតង់រហែកមានប្រហោង ព្រោះអាចនាំឲ្យពស់លូនចូលក្នុងតង់យើងបាន។

៤- ប្រមូលអាហារដែលមានក្លិនទាក់ទាញពស់ ចេញពីតំបន់យើងបោះតង់

ជាគំនិតល្អបំផុតមួយ ត្រូវរក្សាអាហារ រាប់បញ្ចូលទាំងអាហារសល់ ក្នុងថង់យើងចងឲ្យជិត ដើម្បីបញ្ចៀសការទាក់ទាញភ្ញៀវថ្មីរបស់យើង ដែលយើងមិនចង់ជួប។

ដើម្បីកុំឲ្យពស់ចាប់អារម្មណ៍តំបន់យើងបោះតង់ ត្រូវតែយកអាហារចេញឲ្យឆ្ងាញ ព្រោះក្លិនអាហាររបស់យើង មិនត្រឹមតែទាក់ទាញពស់នោះទេ អាចទាក់ទាញទាំងសត្វផ្សេងៗមកក្បែរតង់យើងបានទៀតផង រាប់បញ្ចូលទាំងកណ្តុរ និងសត្វស្លាប ដែលសុទ្ធសឹងជាអាហារពិសេសរបស់ពស់។

អត្ថបទពាក់ព័ន្ធ៖

៥- ប្រើស្ព្រាយគីមីបាញ់ជុំវិញតង់

បើយើងជាមនុស្សខ្លាចពស់ខ្លាំង ឬធ្លាប់មានបទពិសោធន៍ភ័យអស់ព្រលឹងដោយសារសត្វពស់ពីមុនមក អាចសាកល្បងប្រើស្ព្រាយមានផ្ទុះសារធាតុគីមីដែលពស់មិនចូលចិត្តបាន។

ស្ព្រាយទាំងនេះ គឺមានច្រើនប្រភេទ ទាំងប្រភេទប្រើខាងក្រៅតង់ និងខាងក្នុងតង់ ហើយបើគ្នាយើងមិនធ្លាប់ប្រើសោះ អាចសាកល្បងប្រភេទ Liquid Fence ដែលពេញនិយមបំផុតជុំវិញពិភពលោក នឹងងាយរកទិញ។ អាចសាកសួរតាមឱសថស្ថាន និងសុំការណែនាំពីគ្រូពេទ្យ ឬឱសថការីបានមុននឹងយកមកប្រើ។

អត្ថបទពាក់ព័ន្ធ៖

“Hello គ្រូពេទ្យ’ ជូនពរឲ្យដំណើរកម្សាន្តជាមួយធម្មជាតិរបស់គ្នាយើងទាំងអស់ សប្បាយរីករាយ និងជួបតែសំណាងល្អ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ Editor HK

អត្ថបទដោយ សន សុភា · កែ 18/05/2020

ចូលចិត្ត​ដើរលេងបោះតង់ ​ត្រូវ​ចេះ​តិចនិក​ទាំង​នេះ ចៀសវាង​គ្រោះ​ថ្នាក់​ដោយ​សារ​​ពស់

១- រៀប​ចំ​តង់​ឲ្យ​នៅ​ឆ្ងាយ​ពី​ជម្រក​សត្វ​ពស់

២- មុន​ពេល​ចូល​តង់ ត្រូវ​ពិនិត្យ​ឲ្យ​បាន​ត្រឹម​ត្រូវ

៣- ពិនិត្យ​តង់​ឲ្យ​បាន​ត្រឹម​ត្រូវ​សព្វ​កន្លែង

៤- ប្រមូល​អាហារ​ដែល​មាន​ក្លិន​ទាក់​ទាញ​ពស់ ចេញ​ពី​តំបន់​យើង​បោះ​តង់

៥- ប្រើ​ស្ព្រាយគីមី​បាញ់​ជុំ​វិញ​តង់

ចូលចិត្តដើរលេងបោះតង់ ត្រូវចេះតិចនិកទាំងនេះ ចៀសវាងគ្រោះថ្នាក់ដោយសារពស់

១- រៀបចំតង់ឲ្យនៅឆ្ងាយពីជម្រកសត្វពស់

២- មុនពេលចូលតង់ ត្រូវពិនិត្យឲ្យបានត្រឹមត្រូវ

៣- ពិនិត្យតង់ឲ្យបានត្រឹមត្រូវសព្វកន្លែង

៤- ប្រមូលអាហារដែលមានក្លិនទាក់ទាញពស់ ចេញពីតំបន់យើងបោះតង់

៥- ប្រើស្ព្រាយគីមីបាញ់ជុំវិញតង់