ជ្រញ់ជាសម្ភារចាំបាច់នៅក្នុងផ្ទះបាយដែលយើងត្រូវប្រើរាល់ថ្ងៃដើម្បីកាប់សាច់ ហាន់សាច់ ឬបន្លែ ពេលរៀបចំចម្អិនអាហារ ប៉ុន្តែជ្រញ់ដែលមានអាយុកាលយូរអាចជាប្រភពចម្លងមេរោគចូលអាហារ ធ្វើឱ្យយើងមានបញ្ហាសុខភាព។ តើពេលណាយើងគួរប្តូរជ្រញ់ថ្មី?
មាតិកា
ជ្រញ់អាចប្រើបានយូរប៉ុនណា? ពេលណាគួរដូរចេញ?
តាមអ្នកជំនាញបានឱ្យដឹងថា យើងគួរផ្លាស់ប្តូរជ្រញ់នៅពេល៖
១. ជ្រញ់មានស្នាមឆ្កូតច្រើន
ជ្រញ់ដែលមានស្នាមឆ្កូតច្រើន ជាពិសេសស្នាមឆ្កូតដែលជ្រៅធ្វើឱ្យយើងមានការពិបាកក្នុងការលាងសម្អាតឱ្យបានស្អាតល្អ ហើយស្នាមឆ្កូតទាំងនោះអាចផ្ទុកសំណើម។ មេរោគអាចសំងំនៅក្នុងចន្លោះស្នាមឆ្កូតទាំងនោះ ហើយរីកដុះដាល់អាចចម្លងមេរោគចូលអាហាររបស់យើង។
២. ជ្រញ់មានក្លិនមិនល្អ
ប្រសិនបើជ្រញ់យើងមានក្លិនមិនល្អ ទោះបីជាយើងលាងសម្អាតហើយក៏នៅតែមានក្លិន មានន័យថាជ្រញ់ផ្ទុកទៅដោយមេរោគហើយ។
៣. ជ្រញ់មានអាយុកាល ១ ឆ្នាំ
អ្នកជំនាញណែនាំឱ្យប្តូរជ្រញ់ថ្មី ១ឆ្នាំម្តង ប៉ុន្តែយើងអាចប្តូរជ្រញ់ញឹកញាប់តាមការប្រើប្រាស់តិច ឬច្រើន តាមប្រភេទជ្រញ់ តាមសភាពស្នាមឆ្កូត ក្លិន និងទ្រង់ទ្រាយរបស់ជ្រញ់។
៤. ជ្រញ់ពិបាកក្នុងការលាងសម្អាត
ពេលលាងជ្រញ់ យើងត្រូវប្រើកម្លាំងខ្លាំង និងត្រូវប្រើពេលយូរទើបអាចសម្អាតជ្រុញបាន ហើយជួនកាលមិនអាចសម្អាតស្អាតល្អទៀតដោយសារនៅសល់ស្នាមប្រឡាក់។ កត្តាទាំងនេះអាចបណ្តាលមកពីជ្រញ់មានស្នាមឆ្កូតច្រើនដែលជាកន្លែងផ្ទុកទៅដោយមេរោគ។
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ការថែទាំ អាចថែរក្សាជ្រញ់ (ជ្រញ់ឈើ) ឱ្យនៅល្អបានយូរ។ យើងអាចថែទាំជ្រញ់រៀងរាល់ ២ ទៅ ៤ ខែម្តងដោយ៖
- លាងសម្អាតជ្រញ់ឱ្យបានស្អាតល្អ រួចហាលថ្ងៃឱ្យស្ងួត
- លាបទឹកខ្មេះ ឬទឹកក្រូចឆ្មារលើជ្រញ់ រោយអំបិលពីលើជ្រញ់ ដុសជ្រញ់ឱ្យសព្វ ទុកចោល ២០ នាទី លាងសម្អាត រួចហាលថ្ងៃឱ្យស្ងួត
- ចាក់ប្រេងចម្រាញ់ពីគ្រាប់ទំពាំងបាយជូរ ឬគ្រាប់អាល់ម៉ុនពីរបីតំណក់លើជ្រញ់ រួចលាបឱ្យសព្វលើជ្រញ់
ការលាងជ្រញ់បន្ទាប់ពីប្រើរួចក៏ជួយឱ្យជ្រញ់ប្រើបានយូរដែរ ដូច្នេះយើងគួរសម្អាតជ្រញ់ភ្លាម បន្ទាប់ពីប្រើរួចជាមួយសាប៊ូ និងទឹកក្តៅឧណ្ហៗ រួចហាលថ្ងៃឱ្យស្ងួតដើម្បីកម្ចាត់មេរោគពីលើជ្រញ់ រួចដាក់ជ្រញ់បញ្ឈរនៅកន្លែងស្ងួតល្អ និងមានខ្យល់ចេញចូលដើម្បីការពារជ្រញ់ពីការឡើងសំណើមដែលធ្វើឱ្យកកើតមេរោគ។
អត្ថបទគួរអាន៖
- ពិតអត់ លាងដៃនឹងផេះសម្លាប់មេរោគ ស្អាតដូចលាងជាមួយសាប៊ូ?
- ទម្លាប់ខ្លះៗ ការពារមិនឱ្យងាយឈឺដោយមេរោគនៅបន្ទប់ទឹក
- ដឹងអត់! តេនញ៉ាប្រភេទនេះឆ្លងតាមការញ៉ាំសាច់ជ្រូកឆៅ បង្កផលប៉ះពាល់ដល់ខួរក្បាល
- ចំណុចតូចៗទាំងនេះជាកំហុសឆ្គង ទាក់ទងនឹងការធ្វើអនាម័យរបស់យើងរាល់ថ្ងៃ
- Toxicology Test (តេស្តពិនិត្យជាតិពុល)
- ៥ មូលហេតុមានក្លិនក្លៀកមិនល្អ ទោះទើបងូតទឹកសម្អាតរួចក៏ដោយ
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
How Often Should You Replace Cutting Boards?
https://www.reviewthis.com/how-often-replace-cutting-boards/#:~:text=Sound%20Guidance%20on%20When%20To%20Replace%20Your%20Cutting,a%20large%20number%20of%20disgusting%20and%20dangerous%20germs.
The Dirty Truth About Cutting Boards
https://www.thedailybeast.com/the-dirty-truth-about-cutting-boards
How Long Does A Cutting Board Last?
https://kitchenseer.com/how-long-cutting-board-lasts/
When to Replace Cutting Boards?
https://homeguides.sfgate.com/replace-cutting-boards-66416.html
Signs It’s Time To Replace The Cutting Boards In Your Kitchen
https://www.housedigest.com/717284/signs-its-time-to-replace-the-cutting-boards-in-your-kitchen/
When Should I Replace My Plastic Chopping Board?
https://smokergrillgirl.com/when-should-i-replace-my-plastic-cutting-board/
The Importance of Protecting Your Cutting Board
https://www.woodcuttingboards.com/news/the-importance-of-protecting-your-cutting-board.aspx
កំណែប្រែបច្ចុប្បន្ន
28/02/2022
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម