អំឡុងពពោះ ស្ត្រីប្រែប្រួលគ្រប់យ៉ាង ក្នុងនោះមានទាំងការប្រែប្រួលរាងកាយ របបអាហារ អារម្មណ៍ជាដើម។ បើតាមលោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត ស្ត្រីផ្ទៃពោះមានសុខភាពខ្សោយជាងស្ត្រីធម្មតា ឯគ្រាប់ឈាមក៏ចុះថយ ដោយត្រូវបែងចែកចំណីអាហារដែលខ្លួនញ៉ាំចូល ទៅចិញ្ចឹមកូនក្នុងផ្ទៃ។
ខាងក្រោមនេះជាអាការៈរបស់ស្ត្រីពពោះជួបប្រទះ ដែលតម្រូវឲ្យបុរសជាស្វាមី ឬអ្នកនៅជុំវិញខ្លួនយល់អំពីនាងឲ្យបានច្រើនបន្តិច។
១. ឃ្លានគ្រប់ពេល
របបអាហារស្ត្រីមានផ្ទៃពោះមិនដូចស្ត្រីធម្មតានោះទេ ត្រូវការញ៉ាំឲ្យបានច្រើន ដែលគេតែងនិយាយថា ស្ត្រីពពោះឃ្លានគ្រប់ពេលតែម្តង។ ការដែលស្ត្រីពពោះញ៉ាំច្រើន គឺដើម្បីយកទៅបំប៉នខ្លួនឯង និងចិញ្ចឹមកូនក្នុងផ្ទៃឲ្យលូតលាស់បានល្អ។
២. អស់កម្លាំង
អំឡុងពេលពពោះស្រីៗតែងអស់កម្លាំងខុសធម្មតា សុខភាពក៏ខ្សោយដែរ បែបនេះហើយទើបគ្រូពេទ្យណែនាំឲ្យស្ត្រីពពោះសម្រាកឲ្យបានគ្រប់គ្រាន់ ញ៉ាំឲ្យបានច្រើន ចៀសវាងការធ្វើការលើសកម្លាំង ហើយបើមានអ្នកជួយម៉ាស្សា និងសម្រាលការងារខ្លះៗកាន់តែប្រសើរ។
អត្ថបទពាក់ព័ន្ធ៖
- ពេលពពោះចេះតែអស់កម្លាំងមែនទេ? ៥ ចំណុចនេះអាចជួយបាន
- គន្លឹះខ្លះៗសម្រាប់ស្រីៗមានផ្ទៃពោះ ហើយត្រូវអង្គុយធ្វើការពេញ១ថ្ងៃ
- ពិបាកគេង ឬគេងមិនលក់ពេលពពោះ សាកធ្វើតាមវិធីទាំងនេះ
៣. មួរម៉ៅខុសធម្មតា
អ័រម៉ូនប្រែប្រួល ឯរាងកាយក៏ប្រែប្រួលដែរ ពិបាកទាំងការគេង ដេក ដើរ ឈរអង្គុយបែបនេះទើបស្ត្រីពពោះប្រែប្រួលអារម្មណ៍ ឆាប់មួរម៉ៅជាងពេលធម្មតា។ អំឡុងពេលនេះបុរសជាប្តីគួរតែលើកចិត្តនាងឲ្យបានច្រើន ហើយមិនត្រូវប្រកាន់ឡើយ បើនាងលើសលោះសម្តីលើនោះ។
អត្ថបទពាក់ព័ន្ធ៖
- ពេលពពោះ ស្រីៗច្រើនតែតូចចិត្ត យំដោយសាររឿងទាំងនេះ
- មានរឿងអ្វីក៏ដោយ ពេលពពោះម៉ាក់ៗមិនត្រូវស្មុគស្មាញទេ ប៉ះពាល់កូនខ្លាំងណាស់
- ឧស្សាហ៍ស្ត្រេសពេលពពោះ កូនអាចកើតជំងឺអូទីស្សឹម
[embed-health-tool-pregnancy-weight-gain]
