រៀបការហើយ ច្បាស់ជាចង់បានកូន ប៉ុន្តែស្រីៗវ័យក្មេងមួយចំនួន តែងតែបារម្ភរឿងនេះ ទាំងពេលមិនទាន់រៀបការ ទាំងក្រោយពេលរៀបការ ខ្លាចខ្លួនឯងគ្មានលទ្ធភាពបង្កើតកូនគួរឲ្យស្រលាញ់ម្នាក់ឲ្យប្តី។ ឈប់សួរខ្លួនឯងទៀតទៅ វដ្តរដូវយើង ក៏អាចសម្គាល់សុខភាពបង្កកំណើតយើងបានដែរ។

១- ពេលមេជីវិតញីទុំ

ការមករដូវទៀងទាត់ ជាសញ្ញាច្បាស់លាស់មួយ បញ្ជាក់ថា អ័រម៉ូនមានដំណើរការល្អ ក៏ជាពេលស៊ុតបង្កកំណើតទុំជ្រុះជារាងរាល់ខែដែរ។ អំឡុងពាក់កណ្ដាលវដ្ដរដូវ ស៊ុតបង្កកំណើតតែងទុំជ្រុះ ដែលជាធម្មតា ១៤ថ្ងៃ មុនពេលចាប់ផ្តើមមានឈាមរដូវ។ ពេលនោះ ស្រីៗគ្នាយើង អាចមានអារម្មណ៍ថា មានទឹករម្អិលពណ៌ស ហូរចេញមកប្រឡាក់ខោក្នុងយើង ហើយបើយើងរួមភេទជាមួយដៃគូ ឬប្តីនៅពេលនោះ ឱកាសមានកូន គឺមានខ្ពស់បំផុត។

២- មានអារម្មណ៍ទាក់ទាញខ្លាំង

ពេលអូវែបញ្ចេញអូវុល (ស៊ុតបង្កកំណើត) ម្ដងៗ មានសម្គាល់ថា បបូរមាត់យើងឡើងរលោង និងពេញ ចំណែកប្រស្រីភ្នែករីកធំ ស្បែកទន់។ សញ្ញាទាំងនេះ មិនត្រឹមតែធ្វើឲ្យយើងមានអារម្មណ៍ចង់រួមភេទប៉ុណ្ណោះទេ ថែមទាំងទាក់ទាញអារម្មណ៍ដៃគូយើងខ្លាំងទៀតផង។

មេជីវិតញី

៣- មានអារម្មណ៍រំភើប

ការសិក្សាថ្មីមួយបង្ហាញថា ក្លិនខ្លួនស្រីៗ កាន់តែទាក់ទាញនៅពាក់កណ្ដាលវដ្ដរដូវ។ ស្រីស្ថិតក្នុងអំឡុងពេលនេះ ងាយទាក់ទាញដោយ អ័រម៉ូនភេទផ្ទុយគ្នា (Pheromone Androstenone) ក៏ជាហេតុផលមួយ នាំឲ្យស្រីៗមានអារម្មណ៍ថា ក្លិនខ្លួនប្រុសៗស្អុយខុសពីធម្មតា។

៤- ឈឺសុដន់

នៅពេលយើងមានអារម្មណ៍ថា សុដន់ធ្ងន់ ឈឺ ចំណែកក្បាលសុដន់វិញកាន់តែទន់ ក៏ជាពេលគួរដោះអាវទ្រនាប់ចេញដែរ ដើម្បីចៀសវាងបង្កឲ្យមានការឈឺចាប់។ យ៉ាងណា ត្រូវចាំថាសញ្ញានេះក៏អាចបញ្ជាក់ថាសុខភាពបង្កកំណើតយើងល្អដែរ ព្រោះវាជាប់ទាក់ទងនឹងបម្រែបម្រួលអ័រម៉ូន ទាំងមុនពេលមករដូវ និងក្រោយវដ្តរដូវ។

អត្ថបទពាក់ព័ន្ធ៖

ចម្លើយពាក់ព័ន្ធការប្រើថ្នាំពន្យារកំណើតបន្ទាន់ ស្រីៗតែងសួរ “Hello គ្រូពេទ្យ’
តមអាហារ អាចធ្វើឲ្យពិបាកយកកូន?

៥- សុខភាពរាងកាយ និងការបង្កកំណើត

មានមូលហេតុជាច្រើន អាចជះឥទ្ធិពលមិនល្អដល់សុខភាពបន្តពូជរបស់យើងបាន ទាំងយើងមិនធ្លាប់ដឹង ដោយមូលហេតុទាំងនោះមានដូចជា៖

– មានដុំសាច់ក្នុងស្បូន៖ ជាបញ្ហាសុខភាពមួយ ប៉ះពាល់លើការបង្កកំណើតស្រីៗ ដោយរោគសញ្ញាទូទៅ មានការឈឺចាប់ម្ដុំត្រគាក ឬមិនសូវស្រួលខ្លួន។ ស្រីៗភាគច្រើន មិនសូវចាប់អារម្មណ៍ ឬយល់ដឹងពីស្ថានភាពសុខភាពមួយនេះទេ រហូតជួបបញ្ហាពិបាកបង្កកំណើតទើបដឹងខ្លួន។

– ឆ្លងជំងឺកាមរោគ (STIs)៖ ជំងឺកាមរោគ មានច្រើនប្រភេទ សុទ្ធតែអាចបណ្ដាលឲ្យខូចក្រពេញអូវែធ្ងន់ធ្ងរ បំពង់ស្បូន និងសរីរាង្គផ្សេងទៀត ក៏ជាកត្តាចម្បងនាំឲ្យស្រីៗគ្នាយើង ជួបបញ្ហាគ្មានកូន។

– ជក់បារី៖ ការស្រាវជ្រាវបង្ហាញថា ជក់បារីអាចធ្វើឲ្យខូចមេជីវិតញី គ្រោះថ្នាក់ដល់ដំណើរការបញ្ចេញអូវុល និងងាយរលូតកូន ហើយកាន់តែអាក្រក់ជាងនេះទៀត បើខាងប្រុសជក់បារីដូចគ្នា។

ស្រីៗចង់ដឹងថាអាចមានកូនបានអត់ អាចតាមដានវដ្តរដូវ

១- ពេល​មេជីវិត​ញីទុំ

២- មានអារម្មណ៍ទាក់ទាញខ្លាំង

៣- មានអារម្មណ៍រំភើប

៤- ឈឺសុដន់

៥- សុខភាពរាង​កាយ ​និង​ការ​បង្ក​កំណើត

១- ពេលមេជីវិតញីទុំ

៥- សុខភាពរាងកាយ និងការបង្កកំណើត