បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ត្រូវការថាមពលបំពេញការងារបានយូរម៉ោង ញ៉ាំអាហារទាំងនេះ

គ្រប់អាហារទាំងអស់សុទ្ធតែផ្តល់នូវថាមពលដល់រាងកាយ ប៉ុន្តែមិនមែនគ្រប់អាហារទាំងអស់អាចផ្តល់ថាមពលដល់រាងកាយរយៈពេលយូរទេ ហើយនៅអាចជួយឲ្យឆ្អែតបានយូរទៀត។ អត្ថបទនេះប្រាប់ពីអាហារមួយចំនួនអាចផ្តល់ថាមពលដល់រាងកាយក្នុងរយៈពេលយូរ។

១. ស៊ុត

ស៊ុតមួយគ្រាប់មាន ៧០កាឡូរី ប្រូតេអ៊ីន ៦ក្រាម និងសារធាតុចិញ្ចឹមជាច្រើនទៀតដែលនេះអាចជួយរាងកាយមានថាមពល និងឆ្អែតបានរយៈពេលយូរជាងអាហារសម្រន់ផ្សេងទៀត។

២. សាច់មាន់

សាច់មាន់សំបូរដោយប្រូតេអ៊ីន។ សាច់មាន់អាំងមួយដុំជាមួយនឹងបន្លែបៃតងញ៉ាំជាអាហារថ្ងៃត្រង់អាចជួយឲ្យយើងឆ្អែតដល់អាហារពេលល្ងាច។ ម៉្យាងទៀតសាច់មាន់មានខ្លាញ់ឆ្អែតដែលប៉ះពាល់សុខភាពតិចជាងសាច់ជ្រូក សាច់គោ និងសាច់ចៀម។

៣. ថ្លើមគោ

នៅពេលរាងកាយទទួលបានវីតាមីន B12មិនគ្រប់គ្រាន់អាចធ្វើឲ្យថាមពលមិនគ្រប់គ្រាន់តាមហ្នឹងដែរ។ ថ្លើមគោគឺជាប្រភពដ៏ល្អសម្រាប់វីតាមីន B12 និងប្រូតេអ៊ីនដែលអាចផ្តល់ថាមពលបានរយៈពេលយូរ។ ប្រសិនជាយើងមិនអាចញ៉ាំថ្លើមបាន ក៏អាចញ៉ាំសាច់សត្វ សាច់មាន់ សាច់ត្រី និងស៊ុតដើម្បីទទួលបានវីតាមីននេះ។

៤. អយស្ទើរ

អយស្ទើរគឺជាប្រភពដ៏ល្អសម្រាប់ប្រូតេអ៊ីនមានខ្លាញ់ទាប និងសំបូរដោយស័ង្កសីដែលអាចជួយរាងកាយប្រឆាំងនឹងពពួកមេរោគធ្វើឲ្យហត់។ យើងអាចញ៉ាំឆៅជាមួយនឹងក្រូចឆ្មារ ឬយកទៅអាំងក៏បាន។

៥. ត្រីសាឌីន

ត្រីសាឌីនផ្តល់ប្រូតេអ៊ីនសាច់ក្នុងកម្រិតខ្ពស់ដែលអាចជំនួយកម្លាំងបាន។ មិនត្រឹមតែប៉ុណ្ណោះ ត្រីនេះក៏សំបូរដោយអាស៊ីតខ្លាញ់អូមេហ្គា ៣ដែលអាចបង្ការជំងឺបេះដូង។ ប្រសិនយើងមិនចេះញ៉ាំត្រីសាឌីន យើងអាចសាកញ៉ាំត្រីសាល់ម៉ុន ត្រីធូណា ឬត្រី mackerel។

៦. សណ្តែក

សណ្តែកជាប្រភពប្រូតេអ៊ីន ជាពិសេសសម្រាប់អ្នកតមសាច់សត្វ ហើយសណ្តែកក៏មានជាតិសរសៃច្រើនដែលជួយឲ្យការរំលាយយឺត។ លើសពីនេះទៀតក៏សំបូរដោយម៉ាញ៉េស្យូមដែលជួយដល់កោសិកាក្នុងការផលិតថាមពល។

៧. សូកូឡាខ្មៅ

ប្រសិនជាយើងចង់ញ៉ាំរបស់ផ្អែម សូកូឡាខ្មៅជាជម្រើសល្អព្រោះមានជាតិស្ករតិចជាងស្ករគ្រាប់ និងសូកូឡាទឹកដោះគោ។ សូកូឡាខ្មៅអាចជួយឲ្យអារម្មណ៍ល្អ និងជំនួយដល់ដំណើរការខួរក្បាលដែរ។ សារធាតុប្រឆាំងអុកស៊ីតកម្មនៅក្នុងផ្លែកាកាវអាចការពារកោសិកា បញ្ចុះសម្ពាធឈាម និងសម្រួលដល់ចរន្តឈាមដែលនេះអាចជួយឲ្យសុខភាពល្អ និងមានថាមពល។ មុននឹងញ៉ាំសូកូឡាខ្មៅគួរពិនិត្យមើលម៉ាក និងញ៉ាំតិចតួចព្រោះសូកូឡាខ្មៅមានជាតិខ្លាញ់។

អត្ថបទពាក់ព័ន្ធ៖

៨. ដំឡូងជ្វា

ដំឡូងជ្វាមានផ្ទុកកាបូអ៊ីដ្រាតដែលផ្តល់ថាមពលដល់រាងកាយ ហើយក៏មានជាតិសរសៃច្រើនជួយរាងកាយក្នុងការស្រូបយកកាបូអ៊ីដ្រាតយឺតៗ។ ដំឡូងជ្វាអាចជាអាហារដែលផ្តល់ថាមពលពេញមួយថ្ងៃ។

៩. ផ្លែចេក

ផ្លែចេកអាចជាអាហារសម្រន់មួយដ៏ល្អដែលផ្តល់ថាមពលដល់រាងកាយ។ ផ្លែចេកក៏មានជាតិស្ករ ជាតិសរសៃដែលជួយឲ្យរាងកាយរំលាយជាតិស្ករទាំងនោះយឺត ហើយក៏មានផ្ទុកនូវសារធាតុចិញ្ចឹមផ្សេងទៀតដែលធ្វើឲ្យរាងកាយមានថាមពលបានយូរ។

១០. ផ្លែប័រ

ផ្លែប័រគឺជាផ្លែឈើមានប្រយោជន៍ច្រើនដល់សុខភាព។ ការសិក្សាមួយបញ្ជាក់ថាផ្លែប័រផ្ទុកសារធាតុចិញ្ចឹម ប្រូតេអ៊ីន និងជាតិសរសៃអាចជួយទ្រទ្រង់ថាមពលពេញមួយថ្ងៃ។ ផ្លែប័រនេះក៏មានខ្លាញ់ល្អដែលជួយបង្កើនកម្រិតថាមពលដែរ។

១១. ផ្លែប៉ោម

ផ្លែប៉ោមក៏ជាអាហារសម្រន់ដ៏ល្អមួយដែរដែលផ្តល់ថាមពលដល់រាងកាយបានយូរ។ ក្រៅពីជាតិសរសៃ និងសារធាតុចិញ្ចឹម ផ្លែប៉ោមក៏មានសារធាតុប្រឆាំងអុកស៊ីតកម្ម flavonoids ដែលអាចប្រឆាំងនឹងការរលាក និងអាការៈ oxidative stressនៅក្នុងរាងកាយទៀតផង។

១២. ផ្លែបឺរី

ផ្លែបឺរីមានដូចជាប្លូបឺរី raspberry និងប្លែកបឺរី អាចជាអាហារជំនួយកម្លាំងនៅពេលយើងចង់ញ៉ាំរបស់ផ្អែមៗ។ ផ្លែបឺរីក៏មានសារធាតុប្រឆាំងអុកស៊ីតកម្មដែលអាចកាត់បន្ថយការរលាក និងភាពហត់នឿយ ហើយក៏មានជាតិស្ករតិចជាងផ្លែឈើដទៃទៀត។

១៣. កាហ្វេ

ផឹកកាហ្វេអាចផ្តល់ថាមពល និងធ្វើឲ្យយើងងាយស្រួលក្នុងការផ្ចង់អារម្មណ៍។ ប៉ុន្តែកុំផឹកច្រើនពេក ព្រោះកាហ្វេអាចធ្វើឲ្យយើងមានអាការៈមិនស្រួលក្នុងខ្លួនបាន និងរំខានដល់ដំណេក។

អត្ថបទពាក់ព័ន្ធ៖

១៤. តែបៃតង

តែបៃតងមានជាតិកាហ្វេអ៊ីនតិច ហើយក៏មានសមាសធាតុផ្សេងទៀតដែលជួយកាត់បន្ថយ oxidative stress និងការរលាកដែរ។ តែបៃតងអាចជួយបន្ថែមថាមពល និងធ្វើឲ្យយើងមានស្មារតីល្អជាងមុនដែរ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

Editor HK

អត្ថបទដោយ ថាត់ រ័ត្នមូនីតា · កែ 11/05/2020

ត្រូវការថាមពល​បំពេញការងារបាន​យូរម៉ោង ញ៉ាំអាហារទាំងនេះ

១. ស៊ុត

២. សាច់មាន់

៣. ថ្លើមគោ

៤. អយស្ទើរ

៥. ត្រី​សាឌីន

៦. សណ្តែក

៧. សូកូឡាខ្មៅ

៨. ដំឡូងជ្វា

៩. ផ្លែ​ចេក

១០. ផ្លែ​ប័រ

១១. ផ្លែ​ប៉ោម

១២. ផ្លែបឺរី

១៣. កាហ្វេ

១៤. តែបៃតង

ត្រូវការថាមពលបំពេញការងារបានយូរម៉ោង ញ៉ាំអាហារទាំងនេះ

៥. ត្រីសាឌីន

៩. ផ្លែចេក

១០. ផ្លែប័រ

១១. ផ្លែប៉ោម