គ្នាយើងភាគច្រើនច្បាស់ជាចូលចិត្តញ៉ាំផ្លែទុរេនហើយ មិនថាញ៉ាំទុរេនសុទ្ធ ឬញ៉ាំជាបង្អែមទេ។ ទាក់ទងនឹងការញ៉ាំទុរេននេះ មានការនិយាយតៗគ្នា អាហារមួយចំនួនមិនគួរញ៉ាំជាមួយទុរេន ឬញ៉ាំក្រោយពេលញ៉ាំទុរេន ព្រោះវាអាចបណ្តាលឲ្យប៉ះពាល់សុខភាពរហូតអាចស្លាប់បាន។
ចំពោះរឿងអាហារដែលមិនគួរញ៉ាំភា្លម បន្ទាប់ពីញ៉ាំទុរេន លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានប្រាប់ឲ្យដឹងថា បន្ទាប់ពីញ៉ាំទុរេនហើយភ្លាមមិនគួរញ៉ាំអាហារ ២ប្រភេទនេះតាមក្រោយភ្លាមៗទេ គឺ អាហារមានជាតិហ្គាស និងអាហារមានជាតិផ្អែម។ លោកវេជ្ជបណ្ឌិតបានបញ្ជាក់ថា ការញ៉ាំអាហារ២ប្រភេទនេះភា្លម ក្រោយញ៉ាំទុរេន អាចបណ្តាលឲ្យ៖
អាហារមានជាតិហ្គាស
– ឈឺពោះ
– ឆ្អល់ពោះ
– ហើមពោះ
– រាក
– ក្អួត
ហើយបើញ៉ាំ អាហារមានជាតិស្ករ ថែមទៀត អាចបណ្តាលឲ្យ រងាក់រងើក ដោយសារលើសជាតិស្ករ។
ចំណែក ការដែលលើកឡើងថា ផឹកកូកា ឬស្រា បន្ទាប់ពីញ៉ាំទុរេន បណ្តាលឲ្យស្លាប់ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានឲ្យដឹងថា វាគ្រាន់តែជាពាក្យចចាមអារ៉ាមប៉ុណ្ណោះ។ លោកវេជ្ជបណ្ឌិតឲ្យដឹងទៀតថាទេថា ស្រាញ៉ាំជាមួយទុរេន អាចបណ្តាលឲ្យពិបាករំលាយ ក្រហាយទ្រូង ឬពេលខ្លះបណ្តាលឲ្យស្លាប់ តែវាគ្មានភស្តុតាងណាយកមកបញ្ជាក់បាននៅឡើយ។
អត្ថបទពាក់ព័ន្ធ៖
- ពេទ្យព្រមាន ខែក្តៅញ៉ាំទុរេនច្រើន ប្រយ័ត្
- វិធីថែសុខភាពខែក្ដៅ ការពារកុំឲ្យខ្យល់គរ វិលមុខ ដួលសន្លប់
- ស្រីៗញ៉ាំទុរេនពេលពពោះ អាចមានបញ្ហាអត់?
- កើតទឹកនោមផ្អែម ពិតជាមិនអាចញ៉ាំទឹកអំពៅ ឬទុរេន បានសោះឬ?
- ចង់ឲ្យថ្លើមមានសុខភាពល្អ គួរញ៉ាំ និងចៀសវាងអាហារទាំងនេះ
- ញ៉ាំផ្លែទំពាំងបាយជូរ នឹងទទួលបានអត្ថប្រយោជន៍សុខភាពទាំងនេះ
- ញ៉ាំឪឡឹកខែក្ដៅបំពេញជាតិទឹកបានល្អ តែនៅមានប្រយោជន៍ច្រើនទៀត
- ញ៉ាំល្ហុងទុំមួយសប្តាហ៍ម្ដង ផ្ដល់អត្ថប្រយោជន៍ច្រើនយ៉ាងដល់រាងកាយ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
