ល្ពៅ គឺជាបន្លែមួយប្រភេទ ដែលមានអត្ថប្រយោជន៍ជាពិសេសចំពោះសុខភាព។ ផ្លែល្ពៅ សម្បូរដោយសារធាតុចិញ្ចឹមជាច្រើន ដូចជាពពួកវីតាមីន និងរ៉ែផ្សេងៗមានដូចជាវីតាមីន A វីតាមីន C វីតាមីន E riboflavin ប៉ូតាស្យូម ស្ពាន់ manganese thiamin វីតាមីន B6 folate អាស៊ីតpantothenic niacin ជាតិដែក ម៉ាញ៉េស្យូម និងផូស្វ័រ។
ផ្លែល្ពៅមានប្រយោជន៍ច្រើន និងជាប្រភពដ៏ល្អនៃសារធាតុ beta-carotene។ សារធាតុ beta-carotene គឺជាសារធាតុប្រឆាំងអុកស៊ីតកម្មមាននៅក្នុងបន្លែពណ៌ទឹកក្រូច ហើយរាងកាយនឹងបំលែងសារធាតុនេះទៅជាវីតាមីន A។
ជំងឺបេះដូង
ញ៉ាំល្ពៅគឺល្អសម្រាប់បេះដូងព្រោះជាតិសរសៃ ប៉ូតាស្យូម និងវីតាមីន C ក្នុងល្ពៅសុទ្ធតែជួយទ្រទ្រង់ដល់សុខភាពបេះដូង។ ការសិក្សាទៅលើមនុស្ស២ ៧២២នាក់បានរកឃើញថាការទទួលបានប៉ូតាស្យូមគ្រប់គ្រាន់គឺសំខាន់ដូចជាការបន្ថយការញ៉ាំសូដ្យូមក្នុងការព្យាបាលសម្ពាធឈាមខ្ពស់។ សម្ពាធឈាមខ្ពស់គឺកត្តាហានិភ័យនៃជំងឺបេះដូង។
វិទ្យាស្ថានជាតិសុខាភិបាលនៅ Maryland បានលើកឡើងថាការញ៉ាំប៉ូតាស្យូមច្រើនអាចកាត់បន្ថយហានិភ័យជំងឺបេះដូង។
ជំងឺមហារីក
ការសិក្សាឆ្នាំ២០១៦បានឲ្យដឹងពីទំនាក់ទំនងរវាងរបបអាហារដែលសំបូរដោយ beta-carotene និងការទប់ស្កាត់ការលូតលាស់នៃកោសិកាមហារីកក្រពេញប្រូស្តាត។ ការសិក្សា២០១៤ក៏បានបង្ហាញថាសារធាតុ beta-carotene ពន្យឺតការលូតលាស់នៃមហារីកពោះវៀនធំផងដែរ។
ជំងឺទឹកនោមផ្អែម
ការបញ្ចូលផ្លែល្ពៅទៅក្នុងរបបអាហារអាចជួយគ្រប់គ្រងស្ថានភាពទឹកនោមផ្អែម និងកម្រិតជាតិស្ករក្នុងឈាម។ ការសិក្សាឆ្នាំ២០១៩បានបង្ហាញពីការរួមបញ្ចូលនៃសមាសធាតុរុក្ខជាតិពីរ ដែលក្នុងនោះមួយគឺសារធាតុ polysaccharides ក្នុងផ្លែល្ពៅបានបញ្ចុះកម្រិតជាតិស្ករក្នុងឈាមនៅក្នុងសត្វកណ្តុរ។ ទោះបីជាការសិក្សានេះមិនបានសិក្សាទៅលើមនុស្ស ប៉ុន្តែក៏អាចបង្ហាញពីសក្ដានុពលក្នុងការរឹតត្បិតជំងឺទឹកនោមផ្អែមប្រភេទ២ដែរ។
បញ្ហាភ្នែកដោយកត្តាអាយុ
ផ្លែល្ពៅមានសារធាតុប្រឆាំងអុកស៊ីតកម្មច្រើនដូចជាវីតាមីន C E និងbeta-carotene ដែលជួយទ្រទ្រង់សុខភាពភ្នែក និងបង្ការការខូចខាតនៅពេលចាស់ទៅ។ លទ្ធផលការសិក្សាឆ្នាំ២០១៩ធ្វើឡើងដោយ National Eye Institute បានបង្ហាញថាការទទួលបានវីតាមីន C E និងbeta-caroteneក្នុងកម្រិតខ្ពស់អាចកាត់បន្ថយហានិភ័យបញ្ហាភ្នែកដោយកត្តាអាយុ (age-related macular degeneration)។
អត្ថបទពាក់ព័ន្ធ៖
- ចង់ឲ្យភ្នែកភ្លឺច្បាស់ល្អ សាកល្បងញ៉ាំកំពូលអាហារទាំងនេះ
- អ្នកភ្នែកខ្សោយ ញ៉ាំអាហារទាំងនេះ អាចជួយបាន
សុខភាពស្បែក
ដោយសារផ្លែល្ពៅសំបូរដោយសារធាតុ beta-carotene រាងកាយអាចបំលែងទៅជាវីតាមីន A។ ការសិក្សាបានរកឃើញថាសារធាតុ beta-carotene អាចដើរតួជារបាំងការពារកម្ដៅថ្ងៃ។ ផ្លែល្ពៅក៏សំបូរដោយវីតាមីន C ដែលសំខាន់សម្រាប់ស្បែក ព្រោះរាងកាយត្រូវការវីតាមីននេះដើម្បីផលិតខូឡាជេន។ ខូឡាជេនជាប្រូតេអ៊ីនជួយឲ្យស្បែកមានសុខភាពល្អ។
អត្ថបទពាក់ព័ន្ធ៖
- អាហារល្អៗជួយបេះដូង គួរញ៉ាំជាប្រចាំ
- ផ្លែប៉េងប៉ោះ ផ្ដល់ប្រយោជន៍ច្រើនដល់ស្បែក បេះដូង និងភ្នែក
- ក្តៅខ្លាំងអ៊ីចឹង បើស្រលាញ់ស្បែក ត្រូវដឹងវីតាមីនសំខាន់ៗទាំងនេះ
- វីតាមីន C លាក់កំពូលអត្ថប្រយោជន៍ អាចជួយស្បែកឲ្យស ភ្លឺរលោង
- ផឹកទឹកប៉េងប៉ោះ ១កែវ/ថ្ងៃ បន្ថយសម្ពាធឈាម និងកូលេស្តេរ៉ូល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
