រាងកាយឈឺចុកចាប់ ស្រៀវស្រាញស្បែក អាចជាសញ្ញាទូទៅមួយរបស់ជំងឺផ្ដាសាយធំ។ ប៉ុន្តែ បើយើងឈឺចុកចាប់ពេញរាងកាយ ដោយមិនមានអាការៈក្ដៅខ្លួនទេនោះ អាការៈឈឺចាប់រាងកាយអាចបណ្ដាលមកពីហេតុផលសាមញ្ញៗ ខ្លះជាទម្លាប់អាក្រក់របស់យើង។
មាតិកា
៥ ហេតុផលធ្វើឲ្យរាងកាយឈឺស្រៀវស្រាញ
ហេតុផលនៃអាការៈឈឺស្រៀវស្រាញលើរាងកាយ
១.ស្រ្តេស៖ បញ្ហាស្ត្រេសអាចបណ្ដាលឲ្យយើងមានអារម្មណ៍ថាឈឺខ្លួន ពិសេសត្រង់ក ខ្នង ស្មា ពោះ និងជើង។ ការឈឺខ្លួនដោយសារស្ត្រេស ខុសពីការឈឺខ្លួនបង្កឡើងដោយជំងឺ ដែលការឈឺខ្លួនដោយជំងឺកើតឡើងសព្វរាងកាយ ឈឺពិបាកទ្រាំរយៈពេលខ្លី។
២. គេងមិនគ្រប់គ្រាន់៖ ការគេងចាំបាច់ដល់រាងកាយ ដើម្បីផលិតកោសិកាថ្មី និងជួសជុលកោសិកាចាស់ៗឡើងវិញ។ ការគេងមិនបានគ្រប់គ្រាន់អាចប៉ះពាល់ដល់ផលិតភាពកោសិកា ជាហេតុបណ្ដាលឲ្យយើងមានអារម្មណ៍ឈឺឆ្អឹងឆ្អែង និងអស់កម្លាំង។
៣. ជំងឺអស់កម្លាំងរ៉ាំរ៉ៃ៖ ការឈឺចុកចាប់កើតមានជាទូទៅចំពោះបុគ្គលដែលមានអាការៈអស់កម្លាំងរ៉ាំរ៉ៃ។ ជំងឺអស់កម្លាំងរ៉ាំរ៉ៃ ធ្វើឲ្យយើងហត់ ខ្សោយអស់កម្លាំង និងងងុយគេង រំខានដល់ការរស់នៅប្រចាំរបស់យើង។
៤. ខ្វះជាតិទឹក៖ ការខ្វះជាតិទឹក កាត់បន្ថយសមត្ថភាពរាងកាយ ដើម្បីកម្ចាត់គីមីបង្កការរលាកចេញពីជាលិកាក្នុងរាងកាយ បណ្ដាលឲ្យឈឺចុកចាប់ និងស្រៀវស្រាញ។
៥. ខ្វះសារធាតុចិញ្ចឹម៖ កង្វះជាតិអាហារូបត្ថម្ភមួយចំនួនក៏អាចបណ្ដាលឲ្យរាងកាយឈឺចុកចាប់បានដែរ ពិសេសកង្វះវីតាមីន D ប៉ូតាស្យូម កាល់ស្យូម និងជាតិដែក។
គួរជួបពេទ្យពេលណា បើយើងមានអាការៈឈឺស្រៀវស្រាញលើរាងកាយ?
ប្រសិនបើរាងកាយយើងមានភាពឈឺចុកចាប់ ឬស្រៀវស្រាញខ្លាំងពិបាកទ្រាំ លើសពី២-៣ថ្ងៃ និងប៉ះពាល់ដល់ការរស់នៅប្រចាំថ្ងៃ នោះយើងគួរតែទៅជួបគ្រូពេទ្យ ដើម្បីធ្វើរោគវិនិច្ឆ័យរកហេតុផលឲ្យបានច្បាស់។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.insider.com/body-aches-no-fever
My muscles feel sore, weak and tired. Should I see a doctor?
https://www.prevention.com/health/a22586222/body-aches-causes/
កំណែប្រែបច្ចុប្បន្ន
24/06/2021
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម