តើអ្វីទៅជាជំងឺលុយពុស(Lupus)
ជំងឺលុយពុស (Lupus)គឺជាជំងឺអង់ទីករប្រឆាំងនឹងខ្លួនឯងដែលជាជំងឺរ៉ាំរ៉ៃបង្កឲ្យប្រព័ន្ធភាពស៊ាំធ្វើការខុសប្រក្រតី។ ប្រព័ន្ធភាពស៊ាំរបស់អ្នកជំងឺមិនមានសមត្ថភាពស្គាល់ថាអ្វីដែលជាកោសិកាល្អ និងអ្វីដែលអាចធ្វើទុក្ខទោសទៅលើរាងកាយនោះទេ។ នេះបានន័យថាប្រព័ន្ធភាពស៊ាំបានធ្វើការឆ្លើយតបមួយដែលមិនអាចគ្រប់គ្រងបាន ហើយប្រឆាំងទៅនឹងកោសិការាងកាយខ្លួនឯង បង្កជាការរលាកផ្សេងៗទៅលើសរីរាង្គនិងប្រព័ន្ធជាច្រើននៅក្នុងសារពាង្គកាយ។
អត្ថបទពាក់ព័ន្ធ៖
- បញ្ហាស្ពឹកដៃ! ករណីខ្លះ ធម្មតាទេ តែខ្លះទៀត ជាសញ្ញាជំងឺធ្ងន់ធ្ងរ
- ឧស្សាហ៍ស្ពឹកដៃ ស្ពឹកជើង គួរប្រយ័ត្នផង ព្រោះអាចដោយសារបញ្ហាសុខភាពទាំងនេះ
ការឡើងទម្ងន់ឬចុះទម្ងន់មិនធម្មតា
ចំពោះអ្នកជំងឺលុយពុសនេះ មានច្រើនករណីគឺគ្រូពេទ្យបានឲ្យប្រើថ្នាំស្តេរ៉ូអ៊ីតសម្រាប់ការព្យាបាល។ ថ្នាំប្រភេទនេះអាចរំញោចឲ្យអ្នកជំងឺឃ្លានខ្លាំងដែលជាហេតុបណ្ដាលឲ្យឡើងទម្ងន់នេះតែម្ដង។ ក្នុងករណីមិ្នអំណោយផលដល់សុខភាពអ្នកជំងឺបែបនេះ គ្រូពេទ្យនឹងណែនាំឲ្យផ្លាស់ប្ដូររបបអាហារដើម្បីគ្រប់គ្រងទម្ងន់។
ការធ្វើ់ដូចនេះជារឿងចាំបាច់ណាស់ដោយសារការឡើងទម្ងន់និងជំងឺធាត់គឺជាកត្តាប្រឈមទៅនឹងជំងឺសរសៃឈាមបេះដូងក៏ដូចជាពិការភាពចំពោះអ្នកជំងឺ។ ការសម្រកទម្ងន់តាមការផ្លាស់ប្ដូររបបអាហារគឺមានអត្ថប្រយោជន៍ជាច្រើនទៅលើអ្នកជំងឺលុយពុស។
ទោះយ៉ាងណា រោគសញ្ញាដែលឧស្សាហ៍ជួបប្រទះជាងគឺស្រកទម្ងន់ និងល្ហិតល្ហៃ។ ការស្រកទម្ងន់បែបនេះគឺបណ្ដាលមកពីសញ្ញាប៉ះពាល់ទៅលើប្រព័ន្ធរំលាយអាហារតួយ៉ាងគឺរាកតែម្ដង។ អ្នកជំងឺចាំបាច់ត្រូវពិនិត្យពីស្ថានភាពជំងឺខ្លួនគ្រូពេទ្យជំនាញ និងមានបទពិសោធក្នុងបញ្ហានេះប្រសិនបើមានការស្រកទម្ងន់ខ្លាំង។ គ្រូពេទ្យនឹងប្រាប់ពីវិធីផ្សេងៗដើម្បីឲ្យអ្នកជំងឺអាំចឡើងគីឡូឡើងវិញប្រសិនបើមានការរាកខ្លាំងដោយសារជំងឺលុយពុស។
អត្ថបទពាក់ព័ន្ធ៖
- ឈឺជង្គង់ ឬរបួសជង្គង់ អាចវិវត្តទៅជារលាកសន្លាក់ឆ្អឹង
- Synovitis (ជំងឺរលាកស្រោមសន្លាក់)
ចំណុចគួរយល់ដឹងបន្ថែម
ជំងឺលុយពុសគឺជាជំងឺរ៉ាំរ៉ៃដែលអាចវិវត្តទៅជាធ្ងន់ធ្ងរបាន។ អ្នកជំងឺគួរពិភាក្សាជាមួយគ្រូពេទ្យពីលទ្ធផលទុកជាមុនប្រសិនបើចង់សម្រកឬចង់ឡើងទម្ងន់។ គ្រូពេទ្យ និងអ្នកឯកទេសចំណីអាហារអាចផ្ដល់ការប្រឹក្សាបានដ៏មានប្រសិទ្ធភាព។ អ្នកជំងឺមិនគួរប្រឹងសម្រកឬចង់ឡើងទម្ងន់ដោយមិនបានពិភាក្សាជាមួយគ្រូពេទ្យពីផលវិបាកផ្សេងៗដែលអាចប៉ះពាល់ដល់សុខភាពទាក់ទងនឹងជំងឺជាមុននោះទេ។
អ្នកជំងឺដែលចង់ផ្លាស់ប្ដូរទម្ងន់របស់ខ្លួនគួរតែចាប់ផ្ដើមពីរបៀបរស់នៅ និងរបបអាហារជាមុនសិន។ ការប្រើថ្នាំសម្រកទម្ងន់ចំពោះអ្នកជំងឺនេះគឺមិនមានការណែនាំឲ្យប្រើតែម្ដង។ មុននឹងប្រើថ្នាំបំប៉នណាមួយគួរតែព្យាយាមធ្វើតាមវិធីធម្មជាតិដោយហាត់ប្រាណ និងប្ដូររបបអាហារវិញប្រសើរជាង។ ប្រសិនបើនៅតែចង់ប្រើសូមពិភាក្សាជាមួយគ្រូពេទ្យជាមុន ដើម្បីឲ្យប្រាកដថាថ្នាំ ឬអាហារបំប៉នទាំងនោះមិនប៉ះពាល់ដល់សារពាង្គកាយយើង។
គួរតែដឹងជាចាំបាច់មួយទៀតថាជំងឺលុយពុសអាចមានរូបភាពផ្សេងៗគ្នាទៅតាមអ្នកជំងឺនីមួយៗ។ យោងទៅតាមលក្ខណសម្បត្តិរាងកាយរៀងៗខ្លួនរបស់អ្នកជំងឺ នេះហើយដែលជាហេតុធ្វើឲ្យវិធីក្នុងការសម្រកនិងឡើងទម្ងន់មិនអាចមានប្រសិទ្ធភាពគ្រប់គ្នានោះទេ។ ដូចនេះហើយបានជាចាំបាច់សម្រាប់អ្នកជំងឺលុយពុសគ្រប់គ្នាត្រូវពិនិត្យសុខភាពឲ្យបានទៀងទាត់ជាមួយគ្រូពេទ្យពិសេសពេលដែលចង់ស្រកនិងឡើងគីឡូ។
អត្ថបទពាក់ព័ន្ធ៖
- មកពីទម្លាប់ញ៉ាំបែបនេះ បានជាលើសជាតិអាស៊ីដ ទៅជាឈឺសន្លាក់
- ចុចទូរសព្ទច្រើន ប្រយ័ត្នរលាកសន្លាក់ឆ្អឹងដៃ
- ឈឺជង្គង់ ឬរបួសជង្គង់ អាចវិវត្តទៅជារលាកសន្លាក់ឆ្អឹង
- ឈឺសន្លាក់ ញ៉ាំមិនតម ប្រយ័ត្នកាន់តែធ្ងន់ធ្ងរ
- រលាកសន្លាក់ ហាត់យ៉ូហ្កា ស្រាលៗ អាចជួយបានច្រើន
- រឿងខ្លះគួរដឹង បង្ការកុំឲ្យមានបញ្ហាជង្គង់កើតឡើង
[embed-health-tool-bmi]
