ស្រីៗយើងធ្លាប់ឆ្ងល់ទេថាបើវដ្តរដូវអ្នកខ្លះមាន២៨ថ្ងៃ ខ្លះមាន៣៥ថ្ងៃ និងខ្លះមានត្រឹម២១ថ្ងៃ តើអាចកំណត់ថ្ងៃធ្លាក់មេជីវិតញីបានយ៉ាងដូចម្ដេចដែរ? ស្រីៗយើងគួរដឹងថាការស្វែងយល់ពីវដ្ដរដូវ និងការប្រែប្រួលនានារបស់រាងកាយក្នុងពេលមករដូវអាចជួយគ្នាយើងឲ្យដឹងបានថាថ្ងៃណាអាចនឹងជាឱកាសសម្រាប់ការមានផ្ទៃពោះបាន។
ជាមធ្យមវដ្ដរដូវរបស់ស្រីៗយើងគឺមាន២៨ថ្ងៃ ប៉ុន្តែជាធម្មតាវដ្ដរដូវអាចមានរយៈពេលចន្លោះពី២១ទៅ៣៥ថ្ងៃ។ ដោយសារតែហេតុនេះហើយបានជាពេលវេលាមុនមានការទុំធ្លាក់មេជីវិតញីក៏មានភាពខុសគ្នាដែរគឺអាចពី១៣ទៅដល់២០ថ្ងៃ។
អត្ថបទពាក់ព័ន្ធ៖
- មេជីវិតប្រុសៗបញ្ចេញម្តងៗ មិនចេះតិចទេ តើវាអាចរស់បានប៉ុន្មានថ្ងៃ?
- អាហារល្អៗ ប៉ូវឲ្យមេជីវិតប្រុសៗកាន់តែខ្លាំងជាងមុន
- អ៊ូរទាំរឿងអត់កូន ត្រូវដឹងអាហារគួរញ៉ាំ និងមិនគួរញ៉ាំ
- “តែបៃតង” ជួយឲ្យឆាប់មានកូន?
ការដឹងពីរយៈពេលនៃការទុំធ្លាក់មេជីវិតញីគឺមានសារៈសំខាន់ ព្រោះថានេះជាពេលវេលាដែលអាចឲ្យស្រីៗយើងមានផ្ទៃពោះបាននៅពេលរួមភេទ។ ក្រោយពីមេជីវិតទុំធ្លាក់ ស្រីៗយើងអាចនឹងមានរដូវវិញនៅចន្លោះ១៤ ទៅ ១៦ថ្ងៃបន្ទាប់ បើស្រីៗយើងមិនមានបញ្ហាសុខភាព ឬមានផ្ទៃពោះទេនោះ។
ចុះធ្វើម៉េចទើបដឹងថាពេលណាមេជីវិតញីទុំធ្លាក់មកនោះ? ការដឹងថាពេលណាមេជីវិតញីទំធ្លាក់គឺមានកម្មវិធីគណនាបានដោយគ្រាន់តែបំពេញថ្ងៃដែលយើងមករដូវ និងចំនួនថ្ងៃនៃវដ្ដរដូវរបស់យើង។ សូមចុចត្រង់នេះ
ក្រោយពីគណនាយើងនឹងឃើញពីពេលវេលាដែលយើងអាចនឹងមានធ្លាក់មេជីវិតញី។ ឧទាហរណ៍ថាយើងមានរដូវនៅថ្ងៃទី២៤ ខែសីហា ហើយវដ្ដរដូវរបស់យើងគឺ២៨ថ្ងៃ នោះថ្ងៃបង្កកំណើត និងឱកាសមានផ្ទៃពោះពេលរួមភេទរបស់ស្រីៗយើងគឺចន្លោះពីថ្ងៃទី២ ដល់ទី៩ ខែកញ្ញា ហើយថ្ងៃដែលគិតថាមេជីវិតញីអាចទុំធ្លាក់មកគឺថ្ងៃទី៧ ខែកញ្ញា។
[embed-health-tool-ovulation]
