ស្រីៗយើងប្រហែលជាបារម្ភពេលឃើញមានចេញឈាមខ្លះៗក្រោយរួមភេទហើយ។ ការហូរឈាមតាមទ្វារមាសក្រោយរួមភេទ មិនមានទាក់ទងនឹងការមករដូវ ឬមិនមែនជិតដល់ថ្ងៃមករដូវទេ តើឈាមនោះជាឈាមអ្វីដែរ?
មាតិកា
ក្រោយរួមភេទ ស្រីៗមានបញ្ហាធ្លាក់ឈាម មកពីមូលហេតុអ្វីខ្លះ?
បើទោះជាបញ្ហាហូរឈាមតាមទ្វារមាស ក្រោយពេលរួមភេទ អាចថាគួរឲ្យបារម្ភក្ដី តែក៏អាចជារឿងធម្មតាមួយ ដែលកើតលើមនុស្សស្រីយើងក្នុងវ័យមានរដូវដូចគ្នា ដែលរឿងនេះមិនមែនជារឿងគួរឲ្យបារម្ភពេកឡើយ។
១. មូលហេតុធ្វើឲ្យមានហូរឈាមក្រោយពេលរួមភេទ
មូលហេតុបង្កឲ្យមានបញ្ហាហូរឈាមក្រោយពេលរួមភេទញឹកញាប់ជាងគេនោះ គឺដោយសារតែមាត់ស្បូនចង្អៀតពេក និងបណ្ដាលមកពីការរលាកមាត់ស្បូន។
មូលហេតុកើតមានញឹកញាប់មួយដែរ បង្កឲ្យមានឈាមក្រោយរួមភេទ គឺដោយសារមានដុំពកដុះនៅមាត់ស្បូន។ ដុំនេះច្រើនមានទំហំតូចប្រហែល ១ ទៅ ២សង់ទីម៉ែត្រ។ ភាគច្រើនដុំនេះដុះនៅត្រង់កន្លែងភ្ជាប់គ្នា រវាងមាត់ស្បូនជាមួយនឹងទ្វារមាស ហើយគ្រូពេទ្យអាចយកវាចេញ ដោយមិនបង្កគ្រោះថ្នាក់អ្វីឡើយ។
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យជំងឺមហារីកក្រពេញអូវែ ចុចទីនេះ!
មូលហេតុផ្សេងៗ ធ្វើឲ្យមានការហូរឈាមក្រោយពេលរួមភេទ មានដូចជា៖
- ការកកិតនៅពេលរួមភេទ ឬដោយសារមិនមានទឹករំអិលគ្រប់គ្រាន់
- អាចមានការហូរឈាមធម្មតា ប្រសិនបើស្រីៗយើងចាប់ផ្ដើមមករដូវ ឬរដូវទើបបញ្ចប់
- មានការរលាកមាត់ស្បូន ឬរលាកទ្វារមាស
- របួសនៅប្រដាប់ភេទ ដោយសារតែមេរោគស្វាយប្រមេះ ឬមេរោគអ្វីផ្សេង
- មានចាប់ផ្ដើមចេញសញ្ញារបស់ជំងឺមហារីកមាត់ស្បូន
- Cervical ectropion (កើតឡើងនៅពេលសាច់មាត់ស្បូនខាងក្នុង ដុះចាក់មកក្រៅតាមផ្លូវមាត់ស្បូន និងដុះមកដល់ក្នុងទ្វារមាស)
- ស្រុតសរីរាង្គនៅក្នុងអាងត្រគៀក
- មហារីកមាត់ស្បូន ទ្វារមាស និងមហារីកស្បូន
កត្តាស្ងួតប្រដាប់ភេទ ក៏អាចធ្វើឲ្យមានការហូរឈាមដែរ ដែលការស្ងូតនេះអាចបង្កមកពី៖
- ការបំបៅដោះកូន
- ក្រោយសម្រាលកូន
- ប្រើថ្នាំផ្ដាសាយ អាលែកហ្ស៊ី ឬថ្នាំទប់អ័រម៉ូនអឺស្រ្តូសែន
- ផលរំខានបណ្ដាលមកពីការព្យាបាលជំងឺមហារីកមាត់ស្បូន
- ការបាញ់ទឹកលាងសម្អាតទ្វារមាស
- អស់រដូវ។
មួយវិញទៀតអាការៈមានឈាមក្រោយរួមភេទ នេះអាចបាត់ទៅវិញដោយខ្លួនឯងដែរក្នុងករណីមិនបង្កដោយជំងឺផ្សេងៗ។ មានការសិក្សាថ្មីមួយបានរកឃើញថា ពាក់កណ្ដាលនៃមនុស្សស្រី មានបញ្ហាហូរឈាមក្រោយរួមភេទ នឹងបាត់ទៅវិញដោយខ្លួនឯងក្នុងរយៈពេល ២ឆ្នាំ។
ប្រសិនបើយូរៗម្ដង ទើបយើងមានបញ្ហាហូរឈាមក្រោយរួមភេទ នោះមិនមានអ្វីត្រូវព្រួយបារម្ភខ្លាំងពេកទេ។ ប៉ុន្តែដើម្បីដឹងឲ្យបានច្បាស់យើងគួរទៅពិគ្រោះជាមួយគ្រូពេទ្យជំនាញ ដើម្បីស្វែងយល់បន្ថែម។
២. វិធីការពារការហូរឈាមក្រោយពេលរួមភេទ
យើងអាចប្ដូររបៀបរស់នៅមួយចំនួន ដើម្បីកាត់បន្ថយហានីភ័យនៃការកើតបញ្ហាហូរឈាមក្រោយរួមភេទបាន៖
- ប្រើទឹករម្អិលមុន និងអំឡុងពេលរួមភេទ
- ត្រូវចាំឲ្យរដូវអស់ច្រើនថ្ងៃសិន ទើបចាប់ផ្ដើមរួមភេទ
- ឲ្យគ្រូពេទ្យកាត់ដុំដុះនៅមាត់ស្បូនចេញ ឬព្យាបាលជំងឺនៅមាត់ស្បូនឲ្យអស់
- ដាស់អារម្មណ៍ឲ្យពុះកញ្ជ្រោលជាមុនសិន មុនពេលចាប់ផ្ដើមរួមភេទដោយស៊ីជម្រៅ
- កាត់បន្ថយការរួមភេទបែបប្រើសកម្មភាពខ្លាំងៗ
អត្ថបទគួរអាន៖
- លេបទឹកកាមអ្នកផ្ទុកមេរោគអេដស៍ អាចឆ្លងអេដស៍ដែរអត់?
- អាថ៌កំបាំងកន្លែងសម្ងាត់ ស្រីៗខ្លួនឯងភាគច្រើនអត់ដឹង
- ស្ត្រីចៀសមិនផុតពីការផ្លាស់ប្ដូរទ្វារមាស ៤ យ៉ាងនេះ ក្រោយសម្រាលកូនរួច
- ជំងឺកាមរោគទាំង៤នេះ ចេញរោគសញ្ញាតិចតួច ឬគ្មានរោគសញ្ញា
- ប្រដាប់តេស្តមេរោគអេដស៍ដោយខ្លួនឯង មានលក់ជាផ្លូវការនៅថៃ
- ដាក់ជ្រុលពីយប់ ព្រឹកឡើងងីងើ សាកតិចនិកនេះអាចជួយសម្រាលបាន
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Bleeding After Sex
https://www.webmd.com/women/bleeding-after-sex#1
Bleeding After Sex: What You Should Know
https://health.clevelandclinic.org/what-should-you-do-if-you-bleed-after-sex
Bleeding After Sex: What Does It Mean?
https://www.hackensackmeridianhealth.org/en/healthu/2023/03/10/bleeding-after-sex-what-does-it-mean
កំណែប្រែបច្ចុប្បន្ន
21/05/2024
អត្ថបទដោយ ណៃ ទូច
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម