បើនិយាយទាក់ទងនឹងសុខភាពទ្វារមាស ជឿថាស្រីៗគ្នាយើងជាច្រើន នៅមានការអៀនខ្មាស មិនទាន់ហ៊ាននិយាយបើកចំហចំៗពីបញ្ហាដែលកើតមាននៅត្រង់កន្លែងនោះដូចជា ការកើតមេរោគផ្សិត រលាក ឬឈឺចាប់ជាដើម។ ប៉ុន្តែគ្នាយើងត្រូវដឹងថា នៅពេលកន្លែងសម្ងាត់មានបញ្ហា ហើយយើងអៀនមិនហ៊ាននិយាយ ឬទៅរកពេទ្យទេនោះ ការកើតមេរោគផ្សិត អាចបណ្ដាលជាជំងឺធ្ងន់ធ្ងរ។

លោកវេជ្ជបណ្ឌិត ចាន់ រស្មី ឯកទេសផ្នែកសម្ភព និងរោគស្ត្រី បានឲ្យដឹងថា ការឆ្លងមេរោគផ្សិតអាចបង្កឡើងដោយប៉ារាសុីតម៉្យាងដែលហៅថា Candida Albicans ក្នុងទ្វារមាស និងផ្នែកខាងក្រៅទ្វារមាស។ នៅពេលដែលស្រីៗឆ្លងមេរោគផ្សិតនេះ អាចមានរោគសញ្ញាស្រដៀងទៅនឹងជំងឺកាមរោគដូចជា ការរលាកទ្វារមាស រមាស់ ឈឺក្រហាយ និងការហូរទឹករម្អិល ប៉ុន្តែរោគសញ្ញាទូទៅដែលអ្នកជំងឺឆ្លងមេរោគផ្សិតមួយនេះរួមមាន៖

រមាស់ទ្វារមាស

ជាធម្មតា ការរមាស់ទ្វារមាសនេះអាចនៅរហូត តែវាអាចធ្ងន់ធ្ងរ បើការឆ្លងរាលដាលនៅជុំវិញទ្វារមាស និងរន្ធគូថ។ ការឈឺចាប់ និងការរមាស់ អាចជារឿងធម្មតា ក្នុងអំឡុងពេលនោម ពេលដែលទ្វារមាសរលាក។ យើងក៏អាចកត់សម្គាល់ឃើញ ការឡើងក្រហម រួមជាមួយការរមាស់ នៅជុំវិញជាលិការបស់ទ្វារមាសផងដែរ។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់ពិនិត្យជំងឺសរសៃឈាមបេះដូង ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ទ្វារមាស

ធ្លាក់ស

វាជាការហូរទឹករម្អិលពីទ្វារមាស ដែលមានពណ៌ស ដុំៗ ហើយញឹកញាប់ អ្នកជំងឺអាចឆ្លងមេរោគផ្សិតនេះ។

រលាកទ្វារមាស

បើពិនិត្យទ្វារមាសមើលនោះ យើងនឹងសម្គាល់ឃើញថា វាហាក់ដូចជារលាក និងមានពណ៌ក្រហម។ ការឆ្លងមេរោគផ្សិតក្នុងទ្វារមាសនេះ អាចដោយសារការរីករាលដាល ពីប្រព័ន្ធរំលាយអាហារ ទៅឲ្យផ្នែកផ្សេងទៀតនៃរាងកាយ។

ឈឺចាប់ពេលនោម

ការឈឺចាប់នេះ កើតឡើងដោយសារទឹកនោមមានជាតិអាស៊ីដ ហើយវាប៉ះនឹងទ្វារមាស និងជាលិកាទ្វារមាស និងជាលិកាទ្វារមាសដែលកំពុងរលាក។

បញ្ហាប្លោកនោម២

ឡើងកន្ទួល

ការឆ្លងមេរោគផ្សិតនេះ អាចបណ្ដាលឲ្យហើម នៅកន្លែងដែលមានសំណើមនៅជុំវិញទ្វារមាស រួមជាមួយនឹងការឈឺចាប់។

ក្លិនឆ្អាបនៅទ្វារមាស

ការឆ្លងមេរោគផ្សិតនេះ ធ្វើឲ្យធ្លាក់ស រួមជាមួយក្លិនឆ្អាបយ៉ាងខ្លាំង។ វាមានក្លិនស្រដៀងគ្នាទៅនឹងនំប៉័ង ឬស្រាបៀ។

រោគសញ្ញាដែលបានរៀបរាប់ខាងលើនេះ គឺជាសញ្ញាចំពោះការឆ្លងមេរោគផ្សិតនៅទ្វារមាស ប៉ុន្តែក្នុងករណីដែលមានលាយឡំជាមួយរោគសញ្ញាដទៃទៀតដូចជា ការហូរឈាមទ្វារមាស ឈឺចាប់អំឡុងពេលរួមភេទ ឈឺក្នុងអាងត្រគាក ជាដើម វាអាចជារោគសញ្ញារបស់ជំងឺកាចសាហាវមួយដែលស្រីៗគ្រប់រូបមិនប្រាថ្នាចង់ជួបនោះ គឺជំងឺមហារីកមាត់ស្បូន។

​រោគសញ្ញា​បញ្ជាក់ថា ស្រីៗឆ្លងមេរោគផ្សិតនៅទ្វារមាស និងអាចបង្កជាជំងឺធ្ងន់ធ្ងរ

រមាស់​ទ្វារមាស

ធ្លាក់ស​

រលាក​ទ្វារមាស

ឈឺ​ចាប់​​ពេល​នោម

ឡើង​កន្ទួល

​ក្លិន​ឆ្អាបនៅទ្វារមាស​

រោគសញ្ញាបញ្ជាក់ថា ស្រីៗឆ្លងមេរោគផ្សិតនៅទ្វារមាស និងអាចបង្កជាជំងឺធ្ងន់ធ្ងរ