ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
របបអាហារដែលស្រីៗយើងញ៉ាំរាល់ថ្ងៃ មានតួនាទីយ៉ាងសំខាន់ចំពោះសុខភាពទ្វារមាស។ ប៉ុន្តែ បើយើងញ៉ាំអាហារមិនល្អ វាអាចនឹងបណ្ដាលឲ្យកម្រិត pH និងបាក់តេរីនៅតំបន់ពិសេសគ្មានតុល្យភាព។ ពិតណាស់ តុល្យភាពបាក់តេរីនៃទ្វារមាសជាកង្វល់ដ៏ធំមួយសម្រាប់ស្រីៗយើង ហេតុនេះហើយ យើងគួរជំរុញបាក់តេរីល្អៗ ដើម្បីជួយឲ្យសុខភាពទ្វារមាសកាន់តែប្រសើរ។
Probiotics មានអត្ថប្រយោជន៍ច្រើនចំពោះសុខភាពទ្វារមាស ពីព្រោះវាមិនត្រឹមតែអាចជួយរក្សាតុល្យភាពកម្រិតpH និងបាក់តេរីល្អនៅទ្វារមាសនោះទេ Probioticsថែមទាំងអាចជួយប្រឆាំងនឹងការបង្ករោគយ៉ាងមានប្រសិទ្ធភាព។ បើយើងញ៉ាំអាហារដែលមានProbiotics ដូចជាទឹកដោះគោជូរចំនួន១៥០មីលីលីត្រប្រចាំថ្ងៃ យើងនឹងអាចបញ្ចៀសការរលាកទ្វារមាសដោយមេរោគផ្សិតនិងការឆ្លងបាក់តេរីនៅទ្វារមាស ។ លើសពីនេះ Probiotics ក៏អាចជួយថែទាំប្រព័ន្ធរំលាយអាហារ និងប្រព័ន្ធភាពស៊ាំឲ្យមានសុខភាពល្អថែមទៀតផង។
ចង់ពិនិត្យជំងឺសរសៃឈាមបេះដូង ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ខ្ទឹមស មានគុណប្រយោជន៍ដ៏ល្អដល់ប្រព័ន្ធភាពស៊ាំ ដូច្នេះគ្រឿងទេសមួយប្រភេទនេះ ក៏អាចជួយជំរុញបាក់តេរីល្អដល់ទ្វារមាសបានយ៉ាងអស្ចារ្យ។ មួយវិញទៀត ខ្ទឹមសក៏ជួយប្រឆាំងនឹងបាក់តេរី មេរោគផ្សិត ក៏ដូចជាជួយរក្សាលំនឹងកម្រិតpH ដោយជួយជំរុញបាក់តេរីល្អនៅទ្វារមាស។
ជាមួយគ្នានេះដែរ តុល្យភាពនៃបាក់តេរី និងកម្រិតpHនៅក្នុងទ្វារមាសរងការប៉ះពាល់ខ្លាំងបំផុត ដោយការឆ្លងមេរោគ។ យ៉ាងណាមិញ អាហារដែលសម្បូរទៅដោយវីតាមីនC មានប្រសិទ្ធភាពក្នុងការលើកកម្ពស់សុខភាពទ្វារមាស។ យោងតាមការសិក្សាដែលចេញផ្សាយដោយJournal of Clinical Medicine Researchបានបង្ហាញថា ពពួកផ្លែក្រូច ដូចជាផ្លែក្រូច និងក្រូចឆ្មារសម្បូរទៅដោយវីតាមីនC និងអាស៊ីដAscorbic ដែលអាចជួយកាត់បន្ថយហានិភ័យនៃការឆ្លងមេរោគនៅទ្វារមាស ប្រសិនបើយើងញ៉ាំវាជាប្រចាំ។
របបអាហារដែលសម្បូរទៅដោយជាតិសរសៃជួយឲ្យទ្វារមាសមានសុខភាពល្អ។ អាហារដែលមានជាតិសរសៃខ្ពស់ដូចជាផ្លែឈើ បន្លែ គ្រាប់ធញ្ញជាតិ គ្រាប់ពូជ ជាប្រភពនៃPrebiotics ដែលចាំបាច់សម្រាប់បាក់តេរីក្នុងពោះវៀន។ អាហារប្រភេទនេះ អាចជួយឲ្យរាងកាយទាំងមូលមានសុខភាពល្អ និងមានតុល្យភាព។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
