មូលហេតុទាំងនេះហើយ ធ្វើឲ្យស្រីៗប្រឈមបញ្ហារលាកទ្វារមាស

ជំងឺរលាកទ្វារមាសបង្កឡើងដោយការឆ្លងមេរោគ ឬការបង្ករោគនៅក្នុង​ទ្វារមាសដែលធ្វើឱ្យ​យើង​មាន​ការឈឺចាប់នៅត្រង់​ទ្វារមាស។ តើស្រ្តីស្ថិតក្នុងវ័យណាងាយប្រឈមនឹងការរលាកទ្វារមាសជាងគេ? ហើយកត្តាអ្វីខ្លះបង្កើនហានិភ័យរលាកទ្វារមាស?

សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី ប្រធានមន្ទីរពហុព្យាបាល និង​សម្ភព​ត្បូងពេជ្របានឱ្យ​ដឹងថា ជំងឺរលាកទ្វារមាស​កើតញឹកញាប់​បើលើស្រីៗវ័យជំទង់ដែលចាប់ផ្តើម​មានរដូវ តែក៏អាច​កើតលើស្រ្តីស្ថិតក្នុងវ័យបន្តពូជផ្សេង​ទៀត​ដែរ ហើយស្រ្តីក្រោយវ័យអស់រដូវក៏កើត​ដែរ​តែថា​មាន​ភាគ​រយតិច។

១. កត្តាហានិភ័យការលាកទ្វារមាស

• បំរែបំរួលអ័រម៉ូន
• មានដៃគូរួមភេទច្រើន
• រួមភេទញឹកញាប់ពេក
• ប្រើផលិតលាងសម្អាតទ្វារមាសដែលធ្វើឱ្យបាត់បង់បាក់តេរីក្នុងទ្វារមាស
• ប្រើប្រាស់មធ្យោបាយពន្យារកំណើតមួយចំនួន
• ឆ្លងជំងឺកាមរោគ​

២. ស្រ្តីដែលរលាកទ្វារមាសអាចមានរោគសញ្ញាដូចជា៖

• ក្រហល់ក្រហាល
• ក្រហម និងឈឺចាប់នៅទ្វារមាស
• ធ្លាក់សច្រើន រាវ ខាប់ ឬមានក្លិនឆ្អាប (ទៅតាមប្រភេទមេរោគដែលបង្កឱ្យទ្វារមាសរលាក)

ចង់គណនា BMR ចុចទីនេះ!

ចង់ពិនិត្យជំងឺមហារីកសុដន់ ចុចទីនេះ!

ចង់ពិនិត្យជំងឺមហារីកមាត់ស្បូន ចុចទីនេះ!

ចង់គណនាថ្ងៃមេជីវិតញីទុំធ្លាក់ ចុចទីនេះ!

៣. មូលហេតុបង្កឱ្យស្រ្តីរលាកទ្វារមាស

• ការបំរែបំរួលអ័រម៉ូន៖ ធ្វើឱ្យ pH ក្នុងទ្វារមាសមានការផ្តាស់ប្តូរខុសធម្មតា ហើយបង្កទៅជា​ការ​រលាក​ទ្វារមាស តែមិនធ្ងន់ធ្ងរទេ អាចព្យាបាលដោយញុំាថ្នាំអ័រម៉ូន
• ការបង្ករោគ៖ មានដូចជាពពួកបាកតេរី (ធ្លាក់សរាវៗ និងមានក្លិនឆ្អាប) ពពួក Candida albicans (ធ្លាក់សខាប់ៗដែលកកដូចផ្សិត) ពពួក Trichomoniasis (ធ្លាក់សមានក្លិនស្អុយ)

៤. វីធីបង្ការបញ្ហារលាកទ្វារមាស

• ធ្វើអនាម័យប្រដាប់ភេទជាប្រចាំ៖ ដើម្បីចៀសវាងការកកើតបាក់តេរីនៅក្នុងទ្វារមាស
• មិនគួរលាងសម្អាតទ្វារមាសផ្នែកខាងក្នុង (ចាប់ពីសន្ទះព្រហ្មចារីទៅក្នុង) ទេ៖ មិនថាលាងដោយ​ខ្លួន​ឯង ឬឧស្សាហ៍ទៅឱ្យពេទ្យ​លាង​​ឱ្យទេ ព្រោះអាច​បណ្តាលឱ្យបាត់បង់បាក់តេរីល្អៗ​ដែលជួយឱ្យ​កោសិកា​ទ្វារមាស​លូតលាស់​បានល្អ​ការពារទ្វារមាសពីការឆ្លងមេរោគ
• ពេលប្រើប្រាស់មធ្យោបាយពន្យារកំណើត៖ ត្រូវមានការពិភាក្សាជាមួយគ្រូពេទ្យ ព្រោះមធ្យោបាយ​ពន្យារ​កំណើត​មួយចំនួនអាចធ្វើឱ្យអ័រម៉ូនយើងប្រែប្រួលដែលអាចបណ្តាលឱ្យរលាកទ្វារមាស

បើយើងរលាកទ្វារមាស ឬមានអារម្មណ៍ថាផ្សា ឬក្រហាយនៅតំបន់ទ្វារមាស យើងត្រូវ​ប្រញាប់​មកជួបគ្រូពេទ្យដើម្បីធ្វើការពិនិត្យ និងព្យាបាល​ឱ្យបានទាន់ពេលចៀសវាងរលាកខ្លាំង​ដែល​អាច​បង្កឱ្យដាច់រហែកស្បែក និងបង្កឱ្យមានការឆ្លងមេរោគ ជាពិសេសមេរោគ​កាមរោគចូលទៅតាម​ស្បែក ហើយចូលទៅប្រព័ន្ធឈាមរត់ដែលអាចបង្កឱ្យមានបញ្ហាដល់សរីរាង្គផ្សេងៗទៀត។

អត្ថបទគួរអាន៖

• ធ្វើរឿងទាំងនេះដោយមិនប្រើទឹកអនាម័យ ទ្វារមាសនឹងមានក្លិនធម្មជាតិ
• ស្រីៗយើងកុំ​ស្ត្រេសច្រើនពេក ប្រយ័ត្នប៉ះពាល់សុខភាព​ទ្វារមាស
• គួរប្រយ័ត្ន! បើទ្វារមាសឆ្លងមេរោគផ្សិតស្រីៗអាចប្រឈមជំងឺមហារីកមាត់ស្បូន
• គួរប្រយ័ត្ន! បើទ្វារមាសឆ្លងមេរោគផ្សិតស្រីៗអាចប្រឈមជំងឺមហារីកមាត់ស្បូន
• ស្រីៗបាត់បង់បាត់តេរីល្អក្នុងទ្វារមាស ងាយឆ្លងរោគ ធ្លាក់ស មកមូលហេតុទាំងនេះ
• ចង់ឲ្យទ្វារមាសមានសុខភាពល្អ មិនធុំក្លិន ឬធ្លាក់ស ចៀសវាងចំណីអាហារប៉ុន្មានមុខនេះ