ស្រ្តីៗយើងខ្លះ ប្រឈមនឹងការធ្លាក់ឈាមពីទ្វារមាសតិចតួចនៅចន្លោះពេលមករដូវ ឬអំឡុងពេលបញ្ចេញពងអូវុល ដែលបញ្ហានេះកើតឡើងដោយសារតែបម្រែបម្រួលអ័រម៉ូន និងមិនបង្កជាបញ្ហាដែលគួរឲ្យបារម្ភឡើយ។ ជាទូទៅ ការធ្លាក់ឈាមអំឡុងពេលបញ្ចេញពងអូវុល ឬមេជីវិតញី អាចកើតឡើងតែម្តង ឬមានរយៈពេលត្រឹមតែ១ថ្ងៃ ទៅ២ថ្ងៃប៉ុណ្ណោះ។

រោគសញ្ញានៃធ្លាក់ឈាមពេលបញ្ចេញពងអូវុល

ការធ្លាក់ឈាមតិចតួច អាចកើតឡើងអំឡុងពេលបញ្ចេញពងអូវុល ដែលមានបរិមាណតិចតួចជាងការធ្លាក់ឈាមរដូវធម្មតា។ គ្នាយើងអាចសង្កេតឃើញឈាមពីរបីតំណក់នៅលើខោទ្រនាប់ ដែលមានពណ៌ក្រហម ឬពណ៌ផ្កាឈូកស្រាល។

ការធ្លាក់ឈាមពេលបញ្ចេញពងអូវុលកើតឡើងនៅពេលណា?

ការធ្លាក់ឈាមតិចតួច អាចកើតឡើងអំឡុងពេល មុនពេល ឬក្រោយពេលបញ្ចេញពងអូវុល។ ជាធម្មតា ការបញ្ចេញពងអូវុលកើតឡើងនៅក្នុងរយៈពេល១៤ថ្ងៃ មុនពេលដែលយើងចាប់ផ្តើមមករដូវ ឬនៅពេលផ្សេងៗក្នុងអំឡុងវដ្ដរដូវ ដែលអាចបង្កឲ្យមានការធ្លាក់ឈាមតិចតួច ដោយសារតែការកើនឡើងនៃអ័រម៉ូនទាក់ទងនឹងការបញ្ចេញពងអូវុល។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

រោគសញ្ញានៃការបញ្ចេញពងអូវុល

ចុកពោះ
សារធាតុរាវក្នុងមាត់ស្បូនកើនឡើង
សារធាតុរាវក្នុងមាត់ស្បូនដែលស្រដៀងទៅនឹងស៊ុតផ្នែកពណ៌ស
ឈឺសុដន់
ហើមពោះ
ចំណង់ផ្លូវភេទកើនឡើង
ប្រែប្រួលសីតុណ្ហភាពរាងកាយ។

ពេលណាដែលគួរទៅជួបគ្រូពេទ្យ?

ថ្វីត្បិតតែការធ្លាក់ឈាមតិចតួចនៅចន្លោះមករដូវ មិនបង្កជាបញ្ហាធ្ងន់ធ្ងរណាមួយ ប៉ុន្តែបើយើងប្រឈមនឹងរោគសញ្ញាខាងក្រោមនេះ គួរទៅពិគ្រោះជាមួយនឹងគ្រូពេទ្យទើបជាការប្រសើរ។

ធ្លាក់ឈាមតិចតួច ឬធ្លាក់ឈាមក្រោយរួមភេទ
មករដូវលើសពី៧ថ្ងៃ
មករដូវច្រើន ដែលត្រូវប្តូរសំឡីអនាម័យជារៀងរាល់ម៉ោង
មករដូវមិនទៀង ដែលមានរយៈពេលយូរជាង៣៥ថ្ងៃ ឬខ្លីជាង២១ថ្ងៃ
ធ្លាក់ឈាមក្រោយចូលដល់វ័យអស់រដូវ។

អត្ថបទគួរអាន៖

ស្រីៗធ្លាក់ឈាមអំឡុងពេលបញ្ចេញមេជីវិតញី គួរបារម្ភកម្រិតណា?​​​​​​​​​​​​​​​​​​​​​​​​​​​​​​​​​​

រោគសញ្ញា​នៃ​ធ្លាក់​ឈាម​ពេល​បញ្ចេញ​ពង​​អូវុល

ការ​​ធ្លាក់​ឈាម​ពេល​បញ្ចេញ​ពង​​អូវុល​កើត​ឡើង​នៅ​ពេល​ណា?

រោគសញ្ញា​នៃ​ការ​បញ្ចេញ​ពង​អូវុល​

ពេល​ណា​ដែល​​គួរ​ទៅ​ជួប​គ្រូពេទ្យ?

ស្រីៗធ្លាក់ឈាមអំឡុងពេលបញ្ចេញមេជីវិតញី គួរបារម្ភកម្រិតណា?

រោគសញ្ញានៃធ្លាក់ឈាមពេលបញ្ចេញពងអូវុល

ការធ្លាក់ឈាមពេលបញ្ចេញពងអូវុលកើតឡើងនៅពេលណា?

រោគសញ្ញានៃការបញ្ចេញពងអូវុល

ពេលណាដែលគួរទៅជួបគ្រូពេទ្យ?