ម៉ាក់ៗសម័យនេះ ពេលមានកូន មិនមែនបោះបង់ចោលការងារ នៅមើលថែកូនតែមួយមុខនោះទេ គឺត្រូវធ្វើការងារផង មើលកូនផង ធ្វើឲ្យម៉ាក់រវល់រាល់ថ្ងៃ សឹងតែរកពេលសម្រាកមិនបាន។ ដើម្បីសម្រាលបន្ទុកដ៏ធ្ងន់ធ្ងរនេះ Hello គ្រូពេទ្យ នឹងណែនាំតិចនិកខ្លះ ជួយម៉ាក់រវល់មើលកូនផង ធ្វើការផង អាចរស់នៅដោយសប្បាយចិត្ត មិនស្ត្រេស។
ចំពោះម៉ាក់ៗរវល់ការងារខ្លាំង នេះជាបច្ចេកទេសបែងភាគចិញ្ចឹមកូនឲ្យល្អ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- រៀបចំកាលវិភាគ និងដាក់អាទិភាពការងារ
កត់ត្រាគ្រប់រឿង និងកិច្ចការដែលត្រូវធ្វើ ទាំងកិច្ចការក្នុងផ្ទះ និងកន្លែងធ្វើការ។ បែបនេះ ធ្វើឲ្យយើងមិនភាន់ច្រឡំ ឬធ្វើកិច្ចការដែលមិនត្រូវពេលវេលានោះដែរ។ ក្នុងចំណោមការងារទាំងអស់នោះ យើងត្រូវដាក់អាទិភាពការងារ តើការងារណាបន្ទាន់ ត្រូវធ្វើមុន ការងារអាចពន្យារពេលបាន កុំបណ្ដោយឲ្យទឹកដល់ចម្រុះ ចាំធ្វើការងារនោះ ប្រាកដធ្វើមិនបានល្អនោះទេ។
២- ចេះបត់បែន
គ្រប់កិច្ចការទាំងអស់ មិនថាការងារនៅកន្លែងធ្វើការ ការងារផ្ទះ ការងារធំ ឬក៏ការងារតូច ចាំបាច់ត្រូវតែចេះបត់បែនទៅតាមកាលទេសៈ នោះទើបមិនជាប់គាំងនៅមួយកន្លែង ប៉ះពាល់ទាំងពេលវេលាធ្វើការងារ អត់មានពេលសម្រាប់កូនទៀត។ ឧទាហរណ៍ថា ម៉ាក់ត្រូវទៅធ្វើការ អត់មានពេលបំបៅដោះកូនទេ អ៊ីចឹងត្រូវច្របាច់ទឹកដោះទុកសម្រាប់កូនម៉ឹម ហើយទៅផ្សារម្តង ទិញអីវ៉ាន់ទុកសម្រាប់មួយសប្ដាហ៍ មិនថារបស់ប្រើប្រាស់កូន ឬម្ហូបអាហារឡើយ។
ចង់ពិនិត្យសុខភាពឆ្អឹង ចុចទីនេះ!
៣- ឲ្យម៉ឹមទឹកដោះគោ
ម៉ាក់ៗរវល់ការងារ ចៀសមិនរួចពីឲ្យកូនម៉ឹមទឹកដោះគោទេ តែហោចណាស់ត្រូវព្យាយាមបំបៅដោះកូនឲ្យបានហោចណាស់ ៦ខែដែរ។ ការជ្រើសរើសម្សៅទឹកដោះនោះទៀតសោះ ចាំបាច់ត្រូវគិតដល់ម្សៅទឹកដោះគោណាដែលមាន DHA (ជួយខួរក្បាល និងភ្នែក) Prebiotic (ធ្វើឲ្យប្រព័ន្ធការពាររាងកាយរឹងមាំ) និងកាល់ស្យូម (ជួយឆ្អឹង និងធ្មេញ) ព្រោះទាំង ៣ នេះចាំបាច់ខ្លាំងណាស់សម្រាប់ក្មេង។
- មុនជ្រើសរើសម្សៅទឹកដោះគោឲ្យកូនបៅ ម៉ាក់ៗត្រូវគិតពីបញ្ហាទាំងនេះ
- ចង់ឲ្យភ្នែកកូនភ្លឺល្អ ខួរក្បាលឆ្លាតវៃ តាំងពីតូច ក្មេងត្រូវការ DHA តើ DHA ហ្នឹងជាអ្វី?
៤- ដកឃ្លាពីអនឡាញ
សម័យអនឡាញ បើយើងមិនលេងសោះ ក៏មិនកើតដែរ តែបើធ្វើការផង មើលកូនផង ម៉ាក់ចាំបាច់ត្រូវតែដកឃ្លាពីអនឡាញបន្តិច មិននៅមុខអេក្រង់ទូរស័ព្ទគ្រប់ពេលដូចពេលអត់មានកូននោះទេ។ បើធ្វើការផង មើលកូនផង យប់ឡើងអនឡាញទៀត ភ្នែកម៉ាក់ៗច្បាស់ជាប្រែជាខ្មៅ ឡើងខូង បាក់សម្រស់អស់ហើយ។
៥- គេងឲ្យបានគ្រប់គ្រាន់
ស្ដាប់ទៅរាងចម្លែកបន្តិច មើលកូនផង ធ្វើការផង ម៉ាក់ៗប្រាកដជាគេងមិនគ្រប់គ្រាន់ទេ តែបើយើងគេងមិនគ្រប់វិញ សុខភាពដុនដាប ឈានទៅមានជំងឺធ្ងន់ធ្ងររហូតគេងពេទ្យ ធ្វើឲ្យលទ្ធផលការងារធ្លាក់ចុះ អ៊ីចឹងយកល្អ សុខចិត្តឆ្លៀតពេលគេងឲ្យគ្រប់ ដើម្បីយកកម្លាំងទៅធ្វើការឲ្យបានច្រើន មានកម្លាំងមើលកូន។
៦- រៀបចំរបបអាហាររហ័ស តែផ្ដល់សុខភាពល្អ
ចម្អិនអាហារមួយឆ្នាំងសម្រាប់កូន ឬក្រុមគ្រួសារ ត្រូវការពេលវេលាច្រើន ទាំងការរៀបចំសាច់ បន្លែ គ្រឿងផ្សំ ទើបអាចសម្រេចជាម្ហូបសម្រាប់ញ៉ាំបាន។ ហេតុនេះ យើងអាចធ្វើអាហារទុកជាស្រេច មិនចាំទាល់តែដល់ម៉ោងញ៉ាំ ចាំចម្អិនទេ អាចធ្វើមុនពេលចេញទៅធ្វើការ ហើយពេលត្រលប់មកវិញ គឺមានអាហារជាស្រេចទៅហើយ រីឯទឹកជ្រលក់ផ្សេងៗ អាចធ្វើទុកជាមុនឲ្យហើយ យកល្អច្រកដបស្រេច រក្សាទុកក្នុងទូទឹកកក កាន់តែមានភាពងាយស្រួលពេលត្រឡប់មកពីធ្វើការ។
ស្វែងយល់ពីកត្តាធ្វើឲ្យកូនឆ្លាតវៃ៖
- កូនឆ្លាត ឬមិនឆ្លាត អាស្រ័យលើកត្តាទាំងនេះ
- ពិតទេ ស្តាប់ភ្លេងពេលពពោះ អាចធ្វើឲ្យកូនក្នុងផ្ទៃឆ្លាត?
- កូនឆ្លាតទៅបានដោយសារកត្តារួមផ្សំអីខ្លះ? មើលម៉េចទើបដឹងថាកូនឆ្លាត?
- សញ្ញាបញ្ជាក់ថា ទារកចង់ញ៉ាំអាហារបន្ថែមពីលើទឹកដោះម្តាយ ឬទឹកដោះគោ
- សញ្ញាទាំង ៦ នេះបង្ហាញថាអូនៗអាយុមិនដល់មួយខួបចេះមានអារម្មណ៍ស្រឡាញ់ម៉ាក់ប៉ាហើយ
- ចង់ឲ្យកូនចូលចិត្តអានសៀវភៅ ប៉ាម៉ាក់ត្រូវដឹង ៨ ចំណុចនេះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម